إنا لله و إنا اليه راجعون ... فيلم "قلب اسد" حقق فيما يزيد عن 15 مليون جنيه

**sherif222** · 21-08-2013 12:31 PM

خلاص... واحد زى محمد رمضان ده بقى هو قدوة الشباب ... واأسفاه

**Imhotep** · 21-08-2013 01:41 PM

المفروض اللى اسمه السوبكى ده يتحاكم بتهمة افساد ذوق و فكر اجيال كاملة و الترويج لنموذج البلطجى.... و لخطره على المستقبل العام للبلد يتم اعدامه :)

معلش..... السبب هو اجيال الشباب اللى طالعة عندها فراغ و طاقة غير مستغلة بتلاقى اللى يغازلها فى افلام تجارية استهلاكية خالية من اى مضمون..... و اهى موجات و بتعدى..... زى موجة افلام المخدرات بتاعة التمانينات و غيرها

الحل هو تشديد الرقابة على الاعمال الفنية و التحذير من الافكار اللى فيها...... و كمان تشديد الاجراءات الامنية على اللى هيتشجع و يقلد :)...... هو مش فى قانون للبلطجة؟ لازم يتم تفعيله بكل قوة

**Hegazio** · 21-08-2013 02:02 PM

اتذكر مداخلة ليا عالعاشرة مساءا من 8 سنين علي ايرادات " حاحا و تفاحة "
قلت لطلعت زكريا اللي كان بيدافع عالجماهيرية بسبب الايرادات :

" و هو لو حضرتك ولا مؤاخذة نزلت فيلم ( بورن ) .. مش حيعمل ايرادات عالية؟!!!

**Zaki Bashkha** · 21-08-2013 03:54 PM

شوفوا اساسا الاشكال اللي بتدخل سينما دلوقت ,كانوا جايبين تقرير عن الفيلم فى اليوم السابع وشويه صور للشباب الصغير اللي داخلين الفيلم ,اشكال بيئة بمعني الكلمة , والسبكي عارف الكلام دا علشان كدا بيعمل النوع دا من الافلام , لو اتعمل فيلم محترم محدش حيدخله وحيخسر وهو مش عايز يخسر فلوسه .

**prof2013** · 21-08-2013 07:22 PM

ليه ما يعملوش مسلسل طويل عن الخلفاء الراشدين ؟ او يعملوا افلام تاريخيه مش لازما تاريخ مصر لو هما خلصوها يدخلوا على تاريخ وحضارات الامم زي امريكا ما بتعمل حرب طرواده وقلب شجاع وبعض المأثورات التاريخيه لامم مختلفه ايران مثلا عملت مسلسل يوسف الصديق كان مسلسل روعه رغم انه فيه اخطاء زي تمثيل سيدنا يوسف في بشر الا انه كان فيه بعض المعلومات عن حياه الفراعنه وهكذا ...
الحلو كتير بس اللي يعمل