عربيتي هوندا سيفيك موديل ١٩٨٤ وسحبها ضعيف اعمل ايه عشان تبقي العربية ناعمة وسحبها حلو ياريت تساعدوني جزاكم الله كل خير
عرض للطباعة
عربيتي هوندا سيفيك موديل ١٩٨٤ وسحبها ضعيف اعمل ايه عشان تبقي العربية ناعمة وسحبها حلو ياريت تساعدوني جزاكم الله كل خير
اسطوانة الدبرياج عايزه تغيير
ياريت تقول الاعراض وشرح اكتر
اقتباس:
المشاركة الأصلية كتبت بواسطة sameh_fouad
رابط المشاركة
انا مشتري العربية من حوالي اسبوعين العربية سحبها ضعيف شوية مش ناعمة وحاسس انها حتي لما بتجري انها متكتفة وبحس برعشة الماتور في دواسة البنزين وفي عصاية الفتيس حتي وانا بجري و دواسة الدبرياج ناشفة بس ده بسبب ان سلك البرياج اللي راكب مقاسه اكبر من بتاعها اللي قالي كدة صاحبها ووديتها لميكانيكي جنب حفني اللي في الاميرية قالي نفس الكلام وقالي هاتلها سلك الدبرياج الاصلي انتو ايه رأيكو
فين الخبراء منتظر أرائكم
علي فكرة انا غيرت سلك الدبرياج و الدبرياج بقي كويس و نضفلي الكربراتير وغيرت فلتر الهواء وبرضه لسه السحب ضعيف يبقي كدة العيب في ايه وايه الحل
طالما السحب ضعيف والعربية متكتفة , والعربية مش ناعمة , هتعمل الاتى :
1- هتروح تراجع على تقسيمة الكاتينة
2- هتظبط تاكيهات
3- فلتر البنزين والبوجيهات يتغيروا
4- تظبط كهرباء السيارة
وشوف الدنيا هتوصل معاك لاية , ونصيحة منى لازم واحد يكون متخصص هوندا يظبطلك الكلام دة , ماتوديهاش لاى حد
شكرا علي اهتمام بالرد ولاكن بوجيهات العربية قالي الميكانيكي انها كويسه والعربية بتلقط عليطول في الدوارةاقتباس:
المشاركة الأصلية كتبت بواسطة sameh_fouad
الموتور صوته ناعم وثابت حتي وهو سلانسيه يعني كهربته مظبوطة ومفيش صوت خالص للتاكيهلت
تفتكر كده يبقي الكلام اللي حضرتك قولتلي عليه عشان اراجعه كويس و لو كويس تبقي المشكلة في ايه الديسك ولا الاسطوانة ولا طقم الدبرياج كله
طيب تمام كدة يبقى حضرتك لازم توضحلى الاتى:
1- العربية وانت جايب 100 كم , بيبقى مؤشر عدد لفات المحرك على كام
2- العربية سحبها فوق ال100 كم عامل ازاى
3- السحب فى المطالع
العربية مافيهاش عداد rpmاقتباس:
المشاركة الأصلية كتبت بواسطة SAMEH_FOUAD
السحب علي فوق ال ١٠٠ كيلو بتجري بس حاسس انها متلجمة وهي بتجري
السحب في المطالع كويس بنسبة ٧٥ في الميه
وياريت لو تعرف ميكانيكي كويس ترشحهولي يبقي ربنا يكرمك