الشراء من امازون - لا اعرف اي شيئ - مساعدة

السلام عليكم يا شباب

انا بصراحة اول مرة اشتري من النت و الي خلاني افكر اني اشتري من النت بسبب الاسعار الي هنا

انا كنت عاوز اجيب Samsung galaxy tab 3 7.0 inch هوا هنا عامل 2700

في موقع امازون عامل 199 دولار .. 200*7=1400 جنية تقريبا .. طبعا الفرق واضح انة 1800 جنية

ولو مفيهاش مشاكل دة رابط السلعة

Amazon.com: Samsung Galaxy Tab 3 (7-Inch, White): Electronics

حضراتكم انا معرفش حاجة عن الموضوع دة فا ياريت تساعدوني ... و عرفت انة لازم ارامكس في مصر

هوا لازم ارامكس دية و شروطها اية حضراكم ... و انا شوفت شوية مواضيع في ناس بتقول ان المنتج مجاش و مستلمهوش بس فلوسة اتسحبت و مفيش حاجة جت ...

ياريت يا جماعة تساعدوين لاني محتاج التابلت و فرق السعر جامد بصراحة .. و لو في اي مصروفات معرفهاش ياريت قولولي هتبق كام لو سمحتم ---- و هل فكرة الشراء من النت كويسة ولا بلاش منها ؟

و شكرا بجد و انا اسف ع الاطالة .. لان انا خايف احط فلوسي ع النت و لقدر الله يحصل حاجة و يروحو عليا

كامل شكري و احترامي للجميع

فى شركة عاملة صفحة على الفيس بيشتريلك من امازون وهى بتشتغل فى مصر وبياخد عمولة
انت بتبعت اللينك بتاع الجهاز على الصفحة وهما بيردو عليك بالمبلغ وتتفق معاهم على طريقة السداد
وده اللينك بتاعهم
https://www.facebook.com/shoppingfromamazontoegypt

Edfa3ly
أنا بتعامل معاهم كتير في شراء حاجات من أمريكا سواء من أمازون أو من أي موقع تاني..

أعتقد الأليكترونيات بيبقى عليها جمارك في حدود 30-40% من سعر المنتج + مصاريف الشحن الدولي و المحلي و دي بتختلف على حسب البائع و وزن المنتج..

أنا في رأيي لو حاجة تقدر تشتريها من هنا حتى لو بزيادة في السعر يكون أفضل من أنك تجيبها من بره, خصوصاً في الأليكترونيات و الحاجات اللي ممكن يطلع فيها عيوب..
أنا كنت بلعب اللعبة دي كتير في أي حاجة أنا عايزها, بس من ساعة ما سعر الدولار غلي مبقتش أعملها غير للضروريات اللي مش بلاقيها هنا..

مبدئيا لو ٢٠٠ دولار يعنى ١٥٠٠ جنيه فى السوق السودا
شحن دولى كيلو مش اقل من ٢٠٠-٢٥٠
جمرك و. ضريبه تقريبا ٥٠٠ - ٦٠٠

يعنى الفرق حوالى ٣٠٠-٤٠٠ جنيه

لو تعرف حد مسافر يجيبه فى ايده يبقى ١٠٠ ١٠٠ غير كده مش مجديه

شوف خدمه ادفعلى هيقولو لك كام بالمصاريف و قولنا

اوعى تحسب اى منتج وهو مكانه هناك

المنتج سعره بيكون كويس جدا لكن وقت ماتعرف سعر الشحن هتتصدم

بالنسبه للجمرك الموبايل + اللابتوب معفى جمارك وعليهم ضريبه فقط 10 %

لو جمعت مع اكتر من شخص كذا منتج مش هتحس بسعر الشحن اوى

خدمات ادفعى وغيره غاليه جدا فوق كل الى بقولهولك + عموله خاصه بالشركه والموضوع مش مستاهل شركه البيع والشراء سهل جدا جدا بس هيكون غالى

وراعى موضوع الضمان كمان

بلاش
انا اشتريت حاجات كتير من امازون و ebay و كلها بتتطلع بايظه

اقتباس:

---

المشاركة الأصلية كتبت بواسطة dede_dodo88

edfa3ly
أنا بتعامل معاهم كتير في شراء حاجات من أمريكا سواء من أمازون أو من أي موقع تاني..

أعتقد الأليكترونيات بيبقى عليها جمارك في حدود 30-40% من سعر المنتج + مصاريف الشحن الدولي و المحلي و دي بتختلف على حسب البائع و وزن المنتج..

أنا في رأيي لو حاجة تقدر تشتريها من هنا حتى لو بزيادة في السعر يكون أفضل من أنك تجيبها من بره, خصوصاً في الأليكترونيات و الحاجات اللي ممكن يطلع فيها عيوب..
أنا كنت بلعب اللعبة دي كتير في أي حاجة أنا عايزها, بس من ساعة ما سعر الدولار غلي مبقتش أعملها غير للضروريات اللي مش بلاقيها هنا..

---

باشا متشكر ع رد حضرتك بجد و كنت عاوز اسال حضرتك سؤال موقع ادفعلي مضمون دة اولا ..

تاني حاجة يا باشا .. ازاي جمارك 30-40% من سعر المنتج و شركة ارامكس بتخليك تدفع تئل المنتج و خلاص ؟؟ و بتعملك حساب اميريكي و بتجبهالك لغايت عندك ؟؟؟

ياريت حضرتك تقولي هوا انت كان قصدك من غير ارامكس ولا اية يا باشا ؟؟


في انتظار رد حضرتك

التعامل مع امازون يفضل ان يكون باحدى الصورتين
1- تقوم بارسال ما تريده الى احد الاقارب او المقيمين في امريكا ثم يسلمها لك حال عودته ان امكن ذلك
2- تقوم بارسال ما تريده الى احد الاقارب او المقيمين في الامارات او قطر او البحرين ثم يسلمها لك حال عودته ان امكن ذلك
اما الشراء مباشرة الى مصر سيكلفك اكثر من ثمن ما اشتريته...لي صديق اشترى محفظة و حزام دفع عليهم 400 جنية مصارف و ضرائب و رسوم هذا بخلاف ثمن الشحن

اقتباس:

---

المشاركة الأصلية كتبت بواسطة Trondo

مبدئيا لو ٢٠٠ دولار يعنى ١٥٠٠ جنيه فى السوق السودا
شحن دولى كيلو مش اقل من ٢٠٠-٢٥٠
جمرك و. ضريبه تقريبا ٥٠٠ - ٦٠٠

يعنى الفرق حوالى ٣٠٠-٤٠٠ جنيه

لو تعرف حد مسافر يجيبه فى ايده يبقى ١٠٠ ١٠٠ غير كده مش مجديه

شوف خدمه ادفعلى هيقولو لك كام بالمصاريف و قولنا

---

انا شوفت فيديوهات شراء و مقالوش اي حاجة عن الجمارك يا باشا كل الي اتقال ان ارامكس بتعملك عنوان اميريكي و بتاخد المنتج علية و بعد كدة بتجبهولك هنا و انت بتتدفع حسب تئل الجهاز للشركة بس ؟!!!

انا دخلت ع الموقع و حطيت و دية صورة حضرتك

هوا مكتوب حجم الجهاز ف موقع امازون 1.4 pounds

فا معرفتش احدد الحجم بالظبط ياريت التصحيح لو كان ف حاجة غلط

http://www14.0zz0.com/2013/08/20/22/147277961.jpg

اقتباس:

---

المشاركة الأصلية كتبت بواسطة samyyousef

التعامل مع امازون يفضل ان يكون باحدى الصورتين
1- تقوم بارسال ما تريده الى احد الاقارب او المقيمين في امريكا ثم يسلمها لك حال عودته ان امكن ذلك
2- تقوم بارسال ما تريده الى احد الاقارب او المقيمين في الامارات او قطر او البحرين ثم يسلمها لك حال عودته ان امكن ذلك
اما الشراء مباشرة الى مصر سيكلفك اكثر من ثمن ما اشتريته...لي صديق اشترى محفظة و حزام دفع عليهم 400 جنية مصارف و ضرائب و رسوم هذا بخلاف ثمن الشحن

---

شكرا يا باشا ع الرد

بس هوا صحبك استخدم من امازون لمصر ع طول ؟؟؟ يعني من غير شركة شحن ؟

عشان تشتري من امازن لحد ما تستلم لمصر القيمة بتكون مضروبة في 1.7 الى 1.9
ده من الاخر

اقتباس:

---

المشاركة الأصلية كتبت بواسطة secret-man

اوعى تحسب اى منتج وهو مكانه هناك

المنتج سعره بيكون كويس جدا لكن وقت ماتعرف سعر الشحن هتتصدم

بالنسبه للجمرك الموبايل + اللابتوب معفى جمارك وعليهم ضريبه فقط 10 %

لو جمعت مع اكتر من شخص كذا منتج مش هتحس بسعر الشحن اوى

خدمات ادفعى وغيره غاليه جدا فوق كل الى بقولهولك + عموله خاصه بالشركه والموضوع مش مستاهل شركه البيع والشراء سهل جدا جدا بس هيكون غالى

وراعى موضوع الضمان كمان

---

فعلا موضوع الضمان دة مهم بس كدة كدة انا قولت بما انة ارخص من هنا مش فارقة الضمان معايا

و فعلا موقع زي ادفعلي السلعة اصلا بالمصري ب 1500 و هوا واخد تقريبا 500 جنية زيادة عليها

فعلا غالية .... طايب حضرتك هوا بيبق في جمارك ع ارامكس ؟؟ مش انا فدع حق تئل الجهاز ؟

اقتباس:

---

المشاركة الأصلية كتبت بواسطة karim_monir

عشان تشتري من امازن لحد ما تستلم لمصر القيمة بتكون مضروبة في 1.7 الى 1.9
ده من الاخر

---

توضيح يا باشا لو سمحت احسن انا مش فاهم حاجة بعد اذن حضرتك ؟!

اقتباس:

---

المشاركة الأصلية كتبت بواسطة ahmedsoft2

شكرا يا باشا ع الرد

بس هوا صحبك استخدم من امازون لمصر ع طول ؟؟؟ يعني من غير شركة شحن ؟

---

امازون بيتعامل مع ارامكس......و لكن هناك بعض المنتجات بيكون شحنها مجانا داخل امريكا فقط

جرب اشتريلى دول كويسين وارخص من ادفعلى والعموله 5%

يعني لو بالف جنية علي الموقع
لحد ما توصلك هنا
شحن وجمارك ورسوم هايكون تمنها بين 1700 الي 1900
بيفرق قيمةرالجمرك

الموبيﻻت عليها 10% ضريبه مبيعات من القيمه اللي في الفاتوره. لو اتفحص جمارك شركه الشحن هتحتاج منك صوره البطاقه عشان موافقه جهاز تنظيم الاتصاﻻت بتبعتها بالميل وهما يخلصولك العمليه دي مقابل 120 جنيه وحوالي 30 جنيه رسوم دفع مقدم للجمارك ورسوم موافقه الجهاز وبعدين 10% من اجمالي قيمه الرسوم ضريبه ففي الاخر تﻻقي موبايل تمنه 550-600 دوﻻر مدفوعله 500 جنيه جمارك وضرايب ورسوم. تجربتي دي عن طريق dhl وشغلهم سالك وسريع يعني الجهاز ييجي من بره في 24 ساعه او اقل ويخلص جمارك وموافقه الجهاز في يومين شغل يعني 3 ايام من الباب للباب.

اقتباس:

---

المشاركة الأصلية كتبت بواسطة ahmedsoft2

انا شوفت فيديوهات شراء و مقالوش اي حاجة عن الجمارك يا باشا كل الي اتقال ان ارامكس بتعملك عنوان اميريكي و بتاخد المنتج علية و بعد كدة بتجبهولك هنا و انت بتتدفع حسب تئل الجهاز للشركة بس ؟!!!

انا دخلت ع الموقع و حطيت و دية صورة حضرتك

هوا مكتوب حجم الجهاز ف موقع امازون 1.4 pounds

فا معرفتش احدد الحجم بالظبط ياريت التصحيح لو كان ف حاجة غلط

http://www14.0zz0.com/2013/08/20/22/147277961.jpg

---

المفروض تحط الوزن ١.٥ باوند سعنى كيلو هيطلع لك ٢٨٠$ يعنى هما يدفعوا ٢٠٠$ ياخدوا منك ٢٨٠$ نظير الخدمه

السعر دا غير شامل الجمرك و الضرايب و مصاريف التخليص اللى ممكن تكون ٤٠٠-٥٠٠ جنيه تانى

نظام الجمارك عندنا هنا عقييم جدا

انا شغلى كله استيراد من ٢٠٠٢ معا الجمارك

جربت جميع طرق الشحن اللى ممكن تتخيلها

لو ليك حد فى الامارات هيكون ارخص من هنا بفرق كويس

اقتباس:

---

المشاركة الأصلية كتبت بواسطة karim_monir

يعني لو بالف جنية علي الموقع
لحد ما توصلك هنا
شحن وجمارك ورسوم هايكون تمنها بين 1700 الي 1900
بيفرق قيمةرالجمرك

---

السلام عليكم اخى كريم
هذه الحسابات ليس دائما صحيحه يعنى انت تشتىرى وانت وحظك فى التكلفه الاجماليه
انا على طول باشترى من amazon and epay
واشتريت اشياء وصل وزنها لسته كيلو جرام
ولدى حساب مع shop and ship - borderlinx
انا لسه شارى عدد 2 بنطولن جينز ماركه wrangler ثمنهم فى امريكا 57 دولار
تكلفه الشحن والجمارك مع borderlinx وصلت الى 94 دولار ياباشا طبعا هذا الرقم بخلاف قيمه البنطلونات - تكلفه الشحن فقط 41 دولار والباقى تحت مسمى جمارك ومصاريف وقود.
بالرغم من اننى متاكد ان الملابس الجمارك عليها 30% بالاضافه الى 10% ضريبه مبيعات

يعنى اجمالى التكلفه = 57 + 94 = 151 دولار
انا اضطررت للشراء من امريكا لان مقاسى لم اجده فى مصر

يعنى الشحن والجمرك اغلى من تمن الحاجه :)

علشان كده بنقول لو حاجه متوفره هنا بسعر مقارب حتى لو اغلى شويه يبقى من هنا احسن

الشحن دا لو حاجه مخصوصه ... محدش بيجيبها هنا .... كده يعنى

لو حاجه عاديه هتقول فى الاخر كنت جبتها من هنا احسن

.. زي ما كل الاعضاء كتبو لحضرتك الموضوع بيكلف اكثر من ثمن الحاجة نفسها .. انا كنت شاري حاجة ب10$ "لعدم وجودها في مصر" و دفعت 250 او 300 جنيه عشان توصل للباب (غير الاشتراك في خدمة shop and ship لان ده يعتبر اصل ثابت )
"ده من 3 سنين تقريبا" .. بس برضو حقول لحضرتك تجربتي يمكن تفيد .

الشركة :aramex
موقع الشراء : amazon america

اولا حضرتك حتشترك في خدمة aramex shop and ship ب300 جنيه (من سنتين مش عارف دلوقتي بكام ) .. و تستني مدة معينة و حيبعت لحضرتك عنوان في امريكا و عنوان في انجلترا . حضرتك حتعمل حساب في امازون بالعنوان بتاع البلد اللي امازون تبعها (لو امازون امريكا يبقي عنوان امريكا عشان نقلل مصاريف الشحن).

ثانيا: حضرتك بتدفع لامازون سعر الحاجة .. يعني يا اما حضرتك حتستعمل credit card او لازم تتعامل مش شركة اسمها cashu
لو حضرتك حتستعمل credit card يبقي تمام حضرتك حتشتري السلعة علي طول
لو حضرتك حتستعين بشركة cashu من خلالها حضرتك بتشتري كارت زي بتاع شحن الموبايل
وتشحن حسابك في الموقع و تشتري حاجة اسمها amazon gift card
بالثمن اللي حضرتك عايزه .
(ملحوظة حضرتك لحد هنا دافع عمولتين .. عمولة للكارت "لانهم اغلي في سعر الدولار من البنوك + انهم بيبيعو gift card 10$ ب11$ )

نرجع لموضوعنا كده بقي معانا ثمن السلعة علي موقع امازون . و كمان العنوان.

حشرتك بقي بتشتري الحاجة و هي بتوصل لعنوان ارامكس في امريكا اللي بدورها بتبعتلك ان في شحنه وزنها كذه في طريقها اليك . و بتاخد وقت لحد (مثلا اسبوعين )
ماتوصل عشان اللي عرفته انها مش بتتنقل علي مصر ..انما علي بلد عربي و منه علي مصر

المهم بيوصلو السلعة للبيت عند حضرتك و ساعتها حضرتك بتدفع ثمن الشحن . علي حسب ما افتكر كان كل كيلو ب100 جنيه .. ده غير ثمن الجمارك ( اتصل بيهم و اسال عن سعر الجمارك للاجهزة الالكترونية ).. و ده غير ثمن التخليص الجمركي ( مكتوب ان ده للمكتب اللي خلص الجمارك )

لو حبينا بقي نحسب في الاخر المدفوع فوق سعر المنتج : 300 جنيه shop and ship (اصل ثابت .. يعني مش كل مرة حندفعها) + عمولة لكارت cashu+ عمولة لكارت amazon gift card + جمارك + تخليص الجمارك

(ملحوظة : لو حضرتك حتستعمل الcredit card or visa يبقي حنشيل
cashu+amazon gift card من حسابنا )

اتمنالك التوفيق

اقتباس:

---

المشاركة الأصلية كتبت بواسطة kareem_eg

.
لو حبينا بقي نحسب في الاخر المدفوع فوق سعر المنتج : 300 جنيه shop and ship (اصل ثابت .. يعني مش كل مرة حندفعها) + عمولة لكارت cashu+ عمولة لكارت amazon gift card + جمارك + تخليص الجمارك

---

معلش انا نسيت ثمن الشحن .. المفروض
لو حبينا بقي نحسب في الاخر المدفوع فوق سعر المنتج : 300 جنيه shop and ship (اصل ثابت .. يعني مش كل مرة حندفعها) + عمولة لكارت cashu+ عمولة لكارت amazon gift card + جمارك + تخليص الجمارك + سعر شحن المنتج

اقتباس:

---

المشاركة الأصلية كتبت بواسطة sas5

السلام عليكم اخى كريم
هذه الحسابات ليس دائما صحيحه يعنى انت تشتىرى وانت وحظك فى التكلفه الاجماليه
انا على طول باشترى من amazon and epay
واشتريت اشياء وصل وزنها لسته كيلو جرام
ولدى حساب مع shop and ship - borderlinx
انا لسه شارى عدد 2 بنطولن جينز ماركه wrangler ثمنهم فى امريكا 57 دولار
تكلفه الشحن والجمارك مع borderlinx وصلت الى 94 دولار ياباشا طبعا هذا الرقم بخلاف قيمه البنطلونات - تكلفه الشحن فقط 41 دولار والباقى تحت مسمى جمارك ومصاريف وقود.
بالرغم من اننى متاكد ان الملابس الجمارك عليها 30% بالاضافه الى 10% ضريبه مبيعات

يعنى اجمالى التكلفه = 57 + 94 = 151 دولار
انا اضطررت للشراء من امريكا لان مقاسى لم اجده فى مصر

---

يعني الشحن و الجمارك اغلي من المنتج نفسة .. علية العوض و منة العوض .. علشان كدة كل حاجة غالية عندنا بسبب نظام الجمارك العقيم دة

و شكرا يا باشا ع التوضيح

اقتباس:

---

المشاركة الأصلية كتبت بواسطة trondo

المفروض تحط الوزن ١.٥ باوند سعنى كيلو هيطلع لك ٢٨٠$ يعنى هما يدفعوا ٢٠٠$ ياخدوا منك ٢٨٠$ نظير الخدمه

السعر دا غير شامل الجمرك و الضرايب و مصاريف التخليص اللى ممكن تكون ٤٠٠-٥٠٠ جنيه تانى

نظام الجمارك عندنا هنا عقييم جدا

انا شغلى كله استيراد من ٢٠٠٢ معا الجمارك

جربت جميع طرق الشحن اللى ممكن تتخيلها

لو ليك حد فى الامارات هيكون ارخص من هنا بفرق كويس

---

حضرتك بتقول السعر دة غير شامل الجمارك و الضريبة .. يعني حضرتك بعد لما اشتري حاجة من ادفعلي و يحددلي السعر .. و ادفع السعر الي محددهولي هيبق في سعر تاني زيادة ؟؟؟

الرجاء التوضيح لو سمحت و شكرا ع الرد

اقتباس:

---

المشاركة الأصلية كتبت بواسطة kareem_eg

.. زي ما كل الاعضاء كتبو لحضرتك الموضوع بيكلف اكثر من ثمن الحاجة نفسها .. انا كنت شاري حاجة ب10$ "لعدم وجودها في مصر" و دفعت 250 او 300 جنيه عشان توصل للباب (غير الاشتراك في خدمة shop and ship لان ده يعتبر اصل ثابت )
"ده من 3 سنين تقريبا" .. بس برضو حقول لحضرتك تجربتي يمكن تفيد .

الشركة :aramex
موقع الشراء : Amazon america

اولا حضرتك حتشترك في خدمة aramex shop and ship ب300 جنيه (من سنتين مش عارف دلوقتي بكام ) .. و تستني مدة معينة و حيبعت لحضرتك عنوان في امريكا و عنوان في انجلترا . حضرتك حتعمل حساب في امازون بالعنوان بتاع البلد اللي امازون تبعها (لو امازون امريكا يبقي عنوان امريكا عشان نقلل مصاريف الشحن).

ثانيا: حضرتك بتدفع لامازون سعر الحاجة .. يعني يا اما حضرتك حتستعمل credit card او لازم تتعامل مش شركة اسمها cashu
لو حضرتك حتستعمل credit card يبقي تمام حضرتك حتشتري السلعة علي طول
لو حضرتك حتستعين بشركة cashu من خلالها حضرتك بتشتري كارت زي بتاع شحن الموبايل
وتشحن حسابك في الموقع و تشتري حاجة اسمها amazon gift card
بالثمن اللي حضرتك عايزه .
(ملحوظة حضرتك لحد هنا دافع عمولتين .. عمولة للكارت "لانهم اغلي في سعر الدولار من البنوك + انهم بيبيعو gift card 10$ ب11$ )

نرجع لموضوعنا كده بقي معانا ثمن السلعة علي موقع امازون . و كمان العنوان.

حشرتك بقي بتشتري الحاجة و هي بتوصل لعنوان ارامكس في امريكا اللي بدورها بتبعتلك ان في شحنه وزنها كذه في طريقها اليك . و بتاخد وقت لحد (مثلا اسبوعين )
ماتوصل عشان اللي عرفته انها مش بتتنقل علي مصر ..انما علي بلد عربي و منه علي مصر

المهم بيوصلو السلعة للبيت عند حضرتك و ساعتها حضرتك بتدفع ثمن الشحن . علي حسب ما افتكر كان كل كيلو ب100 جنيه .. ده غير ثمن الجمارك ( اتصل بيهم و اسال عن سعر الجمارك للاجهزة الالكترونية ).. و ده غير ثمن التخليص الجمركي ( مكتوب ان ده للمكتب اللي خلص الجمارك )

لو حبينا بقي نحسب في الاخر المدفوع فوق سعر المنتج : 300 جنيه shop and ship (اصل ثابت .. يعني مش كل مرة حندفعها) + عمولة لكارت cashu+ عمولة لكارت amazon gift card + جمارك + تخليص الجمارك

(ملحوظة : لو حضرتك حتستعمل الcredit card or visa يبقي حنشيل
cashu+amazon gift card من حسابنا )

اتمنالك التوفيق

---

متشكر يا باشا ع الرد

انا كل الي قالقني في الحوار دة حوار الجمارك بس مش اكتر الفلوس بتاعتة هتزود ع المنتج جامد جدا جدا و هيبق فرق بسيط بين هنا و و بين السوق و دية حاجة بايخة بصراحة ...

فا اكيد من هنا احسن

و انا حاسس ان الموضوع طويل جدا و اتلغبط بصراحة بس حضرتك شرحك تمام بس الواحد اتلغبط من كتر الخطوات و الخوف بعد كدة المنتج يجيلك فية عيب مثلا ساعتها انا شخصيا معرفش هتصرف مع مين ولا اتعامل مع مين .. لان بتحس ان فلوسك ضاعت ..


و بجد انا زعلان من موضوع الجمارك دة هوا ف جمارك بالمنظر دة


بس سؤال يا باشا هوا انا لو جبتها من موقع ادفعلي افضل ؟؟ بحث مثلا ان لو ف حاجة لقدر الله حصلت ف المنتج حصلت يقدرو يرجعوة ولا دة كلة كلام و بس ؟


شكرا لرد حضرتك و ف انتظار الرد

اه والله الجمارك ده حاجة فظيعة .. المنتج يبقي حلو و سعره كويس و اللي يوقف الموضوع الجمارك

بصراحة انا ما طلبتش قبل كده من ادفعلي او اي شركة تانية غير الطريقة اللي قلتها لحضرتك .. بس فعلا لو الجهاز فيه مشكلة حيبقي الموضوع صعب ان حد يرجع المنتج ... واظن ان برضه ادفعلي (او اي شركة ثانية ) برضة مش حترجع المنتج و حيكتفي بانه يقول انا استلمته كده و انا شركة شحن (الكلام ده اجتهاد شخصي قد يكون خاطئ) و انتظر راي بقية الاعضاء

ادفعلي بتقبل المرتجعات فعلا بس انت اللي هتدفع مصاريف شحن القطعه البايظه للبايع ومصاريف شحن القطعه الجديده.

يبقي في النهاية كلامي صحيح لما بقولك التكلفة بتوصل مضروبة في 1.7% الى 1.9 % واحيانا 2.3 % كمان

اقتباس:

---

المشاركة الأصلية كتبت بواسطة karim_monir

يبقي في النهاية كلامي صحيح لما بقولك التكلفة بتوصل مضروبة في 1.7% الى 1.9 % واحيانا 2.3 % كمان

---

مادام حطيت علامة% يبقى قصدك 170% او 190% او 230%

اقتباس:

---

المشاركة الأصلية كتبت بواسطة karim_monir

يبقي في النهاية كلامي صحيح لما بقولك التكلفة بتوصل مضروبة في 1.7% الى 1.9 % واحيانا 2.3 % كمان

---

ممكن في الحاجات اللي سعرها مش عالي بس لكن في الحاجات العاليه هتبقى في حدود 1.15-1.25 ماعدا البارفانات دي اللي بتضرب في السما أكتر من أي حاجه تانيه قال يعني احنا بنصنع بارفانات قوي وعايزين نحمي الصناعه الوطنيه زي أسنس شاديه وخلافه.

اقتباس:

---

المشاركة الأصلية كتبت بواسطة Ahmed_Adham

ممكن في الحاجات اللي سعرها مش عالي بس لكن في الحاجات العاليه هتبقى في حدود 1.15-1.25 ماعدا البارفانات دي اللي بتضرب في السما أكتر من أي حاجه تانيه قال يعني احنا بنصنع بارفانات قوي وعايزين نحمي الصناعه الوطنيه زي أسنس شاديه وخلافه.

---

غريبة انت جربت؟


ارامكس قالوا لي البيرفيوم prohibited item !!

اقتباس:

---

المشاركة الأصلية كتبت بواسطة أحمد كمال

غريبة انت جربت؟


ارامكس قالوا لي البيرفيوم prohibited item !!

---

تقصد جربت بارفانات ولا الشحن من بره عموما؟ بالنسبه للبارفانات سألت في dhl ولما لقيت الموضوع مكلف (30% جمارك و 25% ضريبه أو العكس مش فاكر قوي) ومعقد (بتحتاج موافقه وزاره الصحه) صرفت نظر. أنا بس ببقى موسوس في البارفانات انها تبقى أصليه وبحاول أجيبها من بره على قد ما أقدر ولو من مصر بجيبها من العجيل.

اقتباس:

---

المشاركة الأصلية كتبت بواسطة أحمد كمال

غريبة انت جربت؟


ارامكس قالوا لي البيرفيوم prohibited item !!

---

طبعا مواد كحوليه وقابله للاشتعال عمرها مبتيجى شخصى

الا لو حد نازل يجبهالك او انت شركه وعامل تسجيل عروض فى الجمارك وبتنزلها تجارى عادى

اضمن حاج فى البرفيوم السوق الحرة فى مصر او البلد السافر ليها دبى مثلا

الخلاصه لصاحب الموضوع اى حاجه ليها بديل هنا هيكون افضل من انك تشتريها شحن و الخ بالاخص فى الالكترونيات

اقتباس:

---

المشاركة الأصلية كتبت بواسطة Ahmed_Adham

تقصد جربت بارفانات ولا الشحن من بره عموما؟ بالنسبه للبارفانات سألت في dhl ولما لقيت الموضوع مكلف (30% جمارك و 25% ضريبه أو العكس مش فاكر قوي) ومعقد (بتحتاج موافقه وزاره الصحه) صرفت نظر. أنا بس ببقى موسوس في البارفانات انها تبقى أصليه وبحاول أجيبها من بره على قد ما أقدر ولو من مصر بجيبها من العجيل.

---

انا ارامكس قالوا لي انها ممنوعة اساسا من بابه

انا باجيب من برة او من السوق الحرة قدر المستطاع ..... بقالي فترة طويلة ما باجيبش من مصر او باجيب في اضيق الاحوال فقط

اقتباس:

---

المشاركة الأصلية كتبت بواسطة Secret-Man

طبعا مواد كحوليه وقابله للاشتعال عمرها مبتيجى شخصى

الا لو حد نازل يجبهالك او انت شركه وعامل تسجيل عروض فى الجمارك وبتنزلها تجارى عادى

---

ده على خد علمي



و اتاكدت تاني دلوقتي عشان ما اكونش باهذي :)


قائمة المواد المحظورة في خدمة شوب اند شيب

http://www.shopandship.com/content/u...ms-listing.pdf

تاني بند في السيشكن اللي اسمه Dangerous

أنا كنت جبت perfume قبل كده عن طريق أدفعلي و مكنش في أي مشاكل..

يمكن أرامكس ليها نظام تاني بقى..