ان شاء الله تستلم على خير وترخص بسرعه
بص ياكبير هو عموما فى كذا حاجة تخلى بالك منها
جرب التكييف وتبص كدا على جسم العربيه الخارجي
وتأكد خلوه من اي خدوش وياريت لو تستلم الصبح
وتمشي ايدك على عتب العربيه من تحت
وتفتح الكبوت وتشوف مستوى الزيوت في العربيه وتفتح الريادتير وتبص عليه
وتشغل الكاسيت وان كان برده تجرب الراديو وماله
وتشغل النور عالي وواطي وتقلب نور والاشارات والانتظار
والمساحات الاماميه والخلفيه
وطبعا نور الفرامل والشبوره
ويستحسن يكون معاك حد يتابع الحاجات اللي بتعملها
ولو كرسي السائق بيطلع قدام وبيرجع جربه هووالكرسى اللى جنبه وتقريبا لوالكنبه الخلفيه بتتني جربها
وطبعا تانك البنزين لو بفتخ من الداخل افتحوا وكذلك الشنطه
واتأكد من العده اللي بتيجي مع العربيه والاستبن كمان
وتستلم على خير ان شاء الله
ومبروك عليك مقدما
بعد الاستلام تطلع على بنزينه تفول عربيتك وتظبط ضغط الاطارات
وطبعا تظبط مراياتك وتلبس الحزام
وتوصل على خير ان شاء الله
اه نسيت
اتاكد انك اخدت دوول
ورقة الإفراج الجمركى واللى تثبت أن العربية تم دفع جماركها , وبتبقى ورقة مجمع فيها عدد العربيات فى الدفعة المجمركة وممكن تكون ورقة واحدة لعربيتك فيها رقم الموتور والشاسيه ,
جواب للمرور اللى هتروح ترخيص بيه
فاتورة الشراء
نصيحة
ماتتحرك من المعرض الا وانت معلق نمر تجارية ( بالإيجار 50 ج فى اليوم ) لحين الترخيص , ممكن أى لجنة تتلكك لك بحجة انك مش معلق نمر خاصة ف اليومين اللى زى الهباب دوول
المفضلات