السلام عليكم ورحمت الله وبركاته
هذة اول مشاركه لى فى المنتدى الرائع واقسم بالله انه ما دفعنى للمشاركه فيه الا بعد ما وجدت فعلا نعم المساعدة من جميع الاعضاء وخاصه الاستاذ طنانى والاستاذ فادى وعزرا ان نسيت باقى الااعضاء.
نخش فى الموضوع علطول طيب
انا معايا عربيه اوبل فكترا 95 كان الحمد لله من حاصله على وسام الدوله فى احقر سيارة اوبل فى الجمهوريه وخت الجيزة 15 الف جنيه قلت اظبط العربييه بقا :D
عملت سمكرة ودوكو وغيرت الكاوتش والعفشه وظبط الدنيا زى الفل ولكن الى مجننى ومحسسنى انى مصرفتش على العربييه ربع جنيه الاتى :
العربييه على السلنسيه مبرجله جدا ولما باجى اطلع بحس انى طالع بعربييه 27 لحد ما العربييه تاخد سرعتها تظبط(العربييه اتوماتيك 1600 سىسى )معايا قال لى الاسطى الميكانيكى انت العيب عندك حساس الماف او اسمه حساس البنزين او الايرماف ما عليينا من اسمه المهم افتكس افتكاسه حلوة اوى وغير الدفيرة بالحساس للحساس الى فى الصورة دة وظبط العربييه على السلسنسيه الكلام دة قبل ما اشد العربييه خالص من يجى سنه تقريبا دلوقت العربييه رجعت تانى لنفس الموال القديم وبيالى غير بقا الحساس دة بواحد تانى ولفييت فى الحرفيين وشارع دمشق وشارع معروف وعزبه شلبى ملقتشوش واحد قالى بيتباع جديد اجبهولك ب 2500 جنيه ينهار اسود طيب قلتلته هات واحد من عندك نجربه قالى مفيش وانا بامانه تعبت اوى وجبت اخرى خلاص بالى فى الموضوع دة والله اكتر من 4 شهور ولما شديت العربييه ومبقاش عندى غير المشكله دة خلاص بقت تعبانى اوى اكيد انت مقدريين الى انا فييه
نفسى حد فاهم بجد فى الاوبل يالى اعمل اييه
اروح لميين عندة جهاز كمبيوتر يكشف على العربييه يالى كذا و كذا وكذا بايظ يتغير من المكان الفلانى وسعرهم كذا روح هاتهم اجبهم يغيرهم العربييه تظبط واخلص واحس انى راكب عربييه زى الناس
يا جدعان دنا بطلع الكوبرى بحس ان العربييه مبتسحبش خالص وباخد شتيمه من الناس وربنا واحد تف علييا على الكوبرى وشتمنى وحاولت احصله حتى وربنا عشان افهمه مش اتخانق معاة لكن ميين العربييه عبال ما تطلع الكوبرى يكون المغرب ادن
عايز حل جزرى ونهائى ودة شكل الحساس الى راكب فى العربييه والى الكلام علييه والله اعلم ان كان هو بايظ ولا لا ولا حاجه تانيا الى عايزة تظبط الموضوع معاكم واملى فى الله وفييكم كبيير جدا والف شكر