حد نفسيته مدمره الايام دى ذىى ولا انا حاله فريده

**احمد المصرى** · 21-08-2013 03:29 PM

السلام عليكم

بقالى كام يوم حالتى النفسيه وحشه جدا من كام يوم سمعت ان جارى عربيته اتسرقت وانهاردا اخو زميلى فى الشغل اخده منه عربيه بالاكراه وبقيت خايف على كل حاجه ومن كل حاجه خايف على عربيتى خايف على اهلى خايف على ابنى ومراتى حاسس ان كل يوم هنزل فيه مش هلاقى العربيه حاسس ان كل يوم بخرج فيه انى ممكن مركعش البيت

هل الوضع دا حد غيرى بيمر بيه وخاصه الايام دى

الموضوع ملوش اى علاقه بالسياسه ارجو من الناس كفايه حديث عن السياسه فى الموضوع بس اكيد جزء كبير من الحاله النفسيه بسس البلد وال بيحصل ثواء مع او ضد

**mohamed hussei** · 21-08-2013 04:27 PM

ههههههههههه انا لسا اول امبارح حلمت ان العربية اتسرقت وكانت مولعة مش عارف ازاي اتنين مع بعض الوضع مش مطمئن

**BESO516** · 21-08-2013 04:46 PM

مش لوحدك والله
ده كلنا نفسيتنا متدمره
حسبى الله ونعم الوكيل فى اللى كان السبب

**S O P H O S** · 21-08-2013 05:25 PM

يا استاذ احمد كل الناس عايشة فقلق
لكن لازم تنزل وتتوكل علي الله علشان الحياة تمشي
حضرتك انسان طيب وخلوق جدا ومن ساعة المقابلة وانا مش ناسي زوقك
ان شاء الله ربنا هيكرمك بالخير ويحفظلك كل انسان او شئ غالي عليك
تحياتي ..

**#MAAM#** · 21-08-2013 07:08 PM

مش انت لوحدك حتى المغترب حاسس بالموضوع ده جدا انا جالي اكتئاب من اللي بيحصل في مصر وخايف جدا على ابويا وامي واخواتي جد وربنا يسترها عليهم وعلى الناس كلها يارب

**mostafa3000** · 21-08-2013 07:26 PM

كلنا في حالة اكتئاب
بس اعتقد اننا لازم نحاول نمارس حياتنا الطبيعية وننزل شغلنا ودة هو الطريق لعودة الاستقرار وطرد هذا الشعور

**assaf** · 21-08-2013 09:48 PM

انا حاسس حيجيلي اكتئاب من الوضع العام للبلد . دا غير اني بشتغل اسبوع و اسبوع بكون طول اسبوع الشغل مرعوب علي اهلي . الواحد معدش مطمن خالص

**mh3** · 21-08-2013 09:56 PM

والله الواحد حالته ذي البلد ذي السفت انا مثلا حلمت ان العربيه الانزار عمال صوته كل شويه يعلي وفجئه العربيه عملت صوت اقتحام ام نازل لقيت حرامي عايز يفتح العربيه وفعلا فتحها قام جاري جيه وضربه وحاول يسرقها هو ههههههههههههههههههههههههه ههههه حلم غريب جدا