سؤال ل أهالي المنصورة عن السوبر أكشن

بعد السلام عليكم
أنا بقالي فتره متابع مواقع النت علشان أشوف لانسر سوبر أكشن 2007-2008 معظم العربيات أصحابها من المنصورة مش عارف ليه لدرجة إني سألت واحد وأنا بكلمه علي عربيه كان عارضها بقوله هي ليه كتيره كده قالي دي عاملة زي ال 128 كده منتشره انتشار رهيب

فسؤالي هنا هل هي فعلا منتشره للدرجه دي وهل انتشارها هناك ده كويس ولا يقلق بمعني أن ممكن حد يلعب في العربيه سواء كان عداد أو أياً كان ولا فعلا بتبقي كويسه

لأن ممكن ترسي إني أروح أشتري من هناك بس أنا خايف أدب مشوار ع الفاضي وأنا من قاطني القاهرة

وشكراً

من ناحية الانتشار تعالى بص ع الشارع عندى اللى راكنين اكترهم بومة ولانوس وفيرنا وعلى فكرة الانتشار ده معناه الاعتمادية والقوة وسهولة الصيانة وتوافر قطع الغيار بكثرة فده فى حد ذاته كويس اما المقالب اللى حضرتك خايف تقع فيها دى بسيطة دى ترفعها ف اى بنزينه محترمة وتجيب ميكانيكى وسمكرى يكشفلك عليها ويبقى افضل كمان انك تكشف عليها كمبيوتر طبعا بالنسبة للعداد شوف حالة العربية لو المكنة والصالون وبالذات الصالون بيبان عليه البهدلة هو والدوكو بتاع العربية فخلى بالك وربنا يوقعك على حالة نضيفة ان شاء الله

المنصورة منتشر فيها اللانسر بطريقة فظيعة لو انت عايز متخبطش المشوار هتلاقى فى سوق مدينة نصر ناس كثير جدا من المنصورة بتبيع عربيات لانسر والحالة العامة للعربية تبان بكشف كمبيوتر
وسمكرى محترم وربنا يوقعك فى عربية بنت حلال تريحك وتكون قدم السعد عليك

لان العربيات اقدام زى الستات بالظبط
تقبل تحياتى ومبروك مقدما

انا من المنصوره شايف ان فى المنصوره العربيات غالية جدا عن القاهره وصعب انك تلاقى عربية كويسه و 90% تجار انا لما بحب اشتري مستعمل او حد يبقا عايز عربيه مستعمله بقوله سوق القاهره بس خلى بالك من العربيات المسروقه والي ورقها مضروب

اقتباس:

---

المشاركة الأصلية كتبت بواسطة fouad19852002

انا من المنصوره شايف ان فى المنصوره العربيات غالية جدا عن القاهره وصعب انك تلاقى عربية كويسه و 90% تجار انا لما بحب اشتري مستعمل او حد يبقا عايز عربيه مستعمله بقوله سوق القاهره بس خلى بالك من العربيات المسروقه والي ورقها مضروب

---

فعلا العربية غالية استهبال يعنى واحد كان عارض برايد موديل 2000 وكان طالب 38 ليه مش عارف !!!!