الموضوع: استلمت كارت البنزين بالصور

المشاركة الأصلية كتبت بواسطة asemx1

الله يكرمك يا مرسى
كان نفسك تخلى الدعم يوصل للى محتاج الدعم فعلا

تخيلوا دا هيوفر فلوس اد ايه على الحكومه وهتعود علينا ازاى

عندك حق , ان شاء الله ربنا هايكرمه .. ومبروك عالكارت

أنا سمعت إن فبه بعض المحطات ركبت المكن، حد يعرف محطة هرم دقى مهندسن وسط البلد، و هل الكارت المفروض الواحد يشحنه فلوس و بعدين يدفع بيه و الا حيبقى كاش عادى؟

وطنية اللى قبل دريم بارك العساكر معلقين المكن فى رقابهم و شوفت ايصالات طالعة منه
هيبقى فيه فترة انتقالية كل الناس فيها هتاخد بنزين سواء بالكارت او من غير لغاية ما كله يبقى معاه كروت
و بعد كده الكمية هتتسجل على الكارت كأستهلاك و الفلوس هتندفع عادى

انا كان عندي سؤال بخصوص الكارت ده
افرضوا واحد معه عربيه ومعه الكارت ده وقرر انه يغير العربيه يعني باعها واشتري واحده جديده يكون ايه التصرف وقتها في الكارت هل هو ينفع علي اي عربيه طالما مع نفس الشخص ولا هومرتبط بكل عربيه ولازم يتغير ولا يتباع مع العربيه ولما حد يشتر عربيه جديده يطلب من صاحبها الكارت بتاعها
مفيش توضيح بخصوصا الكلام ده ولو الموضوع ده مش فارق دلوقتي اكد هيفرق جدا وقت ميتم تطبيع الدعم

الكارت مطبوع عليه رقم العربية وليس اسم المالك

يمكنك استخراج كارت بدل فاقد فى اى وقت. وحينها سيتم ايقاف الكارت السابق الكترونيا. مثل بالضبط كارت الفيزا لو بلغت بضياعة سيتف ايقافه ويصدر لك واحد جديد

مصاريف استخراج كارت بنزين بدل فاقد او بدل تالف 40 جنيه

طيب سؤال كدة هو لازم تكون الرخصة باسم مالك العربية الحالى ولاعادى علشان انا شارى عربية والاسم اللى فى الرخصة اسم صاحبها القديم وانا دلوقتى صاحب العربية الجديد فلما اجى اكتب البيانات اللى الموقع بيطلبها هكتب اسمى ولا الاسم اللى فى الرخصة ولا لازم ارخص العربية باسمى الاول وتكون الرخصة باسمى انا علشان اعرف اطلع كرت البنزين
وشكرا