بى إم دبليو تطلق عرض استبدال الفئة الخامسة بدون فائدة خلال عامين

**Land_Cruiser** · 21-08-2013 11:23 PM

قالت المجموعة البافارية للسيارات وكلاء "بى إم دبليو فى مصر" إنها تنوى إطلاق عرض خاص لمالكى الجيل السابق من سيارات الفئة الخامسة.

وقال مصدر بالمجموعة، فى تصريح خاص لـ"اليوم السابع"، إن العملاء يمكنهم من خلال هذا العرض استبدال سياراتهم بسيارات الجيل الجديد من موديلات "520i و528i" بمحرك TwimPower Turbo 4 سلندر، مع سداد الفارق بدون فوائد لمدة تصل إلى سنتين.

المصدر : موقع اليوم السابع
[url=http://www1.youm7.com/News.asp?NewsID=1214448&SecID=24]

**S O P H O S** · 22-08-2013 12:12 AM

شئ جميل فعلا
تسلم علي الخبر ... ّ ّ

**2CODE** · 22-08-2013 12:20 AM

العرض ده من ايام رمضاااااان وهو موجود ده اليوم السابع نايمين على ودانهم

من ساعة ما كنت بحضر الاوردر بتاع الـX1 قبل ظهور الـSport Line

**Land_Cruiser** · 22-08-2013 04:00 AM

المشاركة الأصلية كتبت بواسطة s o p h o s

شئ جميل فعلا
تسلم علي الخبر ... ّ ّ

العفو يا فندم و عقبال ما نباركلك علي الفئه السابعه ان شاء الله

المشاركة الأصلية كتبت بواسطة 2code

العرض ده من ايام رمضاااااان وهو موجود ده اليوم السابع نايمين على ودانهم

من ساعة ما كنت بحضر الاوردر بتاع الـx1 قبل ظهور الـsport line

يظهر ان مفيش اقبال قوي فبيحاولوا ينشطوا البيع حبتين بالإعلانات

**Land_Cruiser** · 22-08-2013 04:07 AM

علي فكره الإعلان ده ممكن يفيد مش بس اللي عايز زيرو لكن كمان اللي بيدور علي مستعمل بحاله كويسه اللي هي العربيه اللي بيتم تبديلها علي اعتبار ان التوكيل مش هياخد عربيه حالتها تعبانه و اكيد هيقيمها كويس و لذلك ممكن الناس تلاقي فيها حاجات كويسه و بسعر معقول بس الموضوع معتمد طبعا علي ان يكون فيه حد بيستفيد من العرض ده خاصه الأيام دي لانها تعتبر مغامره

**musama** · 22-08-2013 04:39 AM

العرض دا تجربة ممكن اذا نجح يطبق كمان على الفئة الثالثة الاكثر مبيعا فى مصر

لا اعلم اذا كان هذا العرض فى بى أم على مستوى العالم أم فى بعض الدول فقط ومن بينها مصر

فى رائى ان هذا العرض سيرفع سعر اعادة البيع لسيارات البى أم المستعملة

حيث ان سعر اعادة البيع هى اكبر مشكلة تواجه من يفكر فى شراء بى أم زيرو فى مصر. لدرجة ان البعض قد يصرف النظر ويتجه الى البديل مرسيدس -اللى ماسك سعر فى اعادة البيع- اذا لم يكن هاوى بى أم تحديدا وانما يبحث عن مواصفات وفاهية وثبات وقوة

**Land_Cruiser** · 22-08-2013 08:34 PM

المشاركة الأصلية كتبت بواسطة musama

العرض دا تجربة ممكن اذا نجح يطبق كمان على الفئة الثالثة الاكثر مبيعا فى مصر

لا اعلم اذا كان هذا العرض فى بى أم على مستوى العالم أم فى بعض الدول فقط ومن بينها مصر

فى رائى ان هذا العرض سيرفع سعر اعادة البيع لسيارات البى أم المستعملة

حيث ان سعر اعادة البيع هى اكبر مشكلة تواجه من يفكر فى شراء بى أم زيرو فى مصر. لدرجة ان البعض قد يصرف النظر ويتجه الى البديل مرسيدس -اللى ماسك سعر فى اعادة البيع- اذا لم يكن هاوى بى أم تحديدا وانما يبحث عن مواصفات وفاهية وثبات وقوة

اعتقد ان الفئه الثالثه مش محتاجه عروض لانها هي اللي بتتباع لانها مناسبه للحاله الاقتصاديه و بالتالي هما بيحاولوا تنشيط مبيعات باقي الفئات اللي بيعها قليل يعني لو عملوا الحركه دي تاني يبقي في الفئه السابعه