ازيكو كلكو يارجاله
انا دلوقتي هبداء احضر لشراء العفش لشقتي ان شاء الله
حد ممكن يقلي متوسط اسعار الاوض ايه واجيبهم منين
انا عاوز نوم واطفال وسفره ومعيشه
عرض للطباعة
ازيكو كلكو يارجاله
انا دلوقتي هبداء احضر لشراء العفش لشقتي ان شاء الله
حد ممكن يقلي متوسط اسعار الاوض ايه واجيبهم منين
انا عاوز نوم واطفال وسفره ومعيشه
بص انا بردوا بلف كده بس علي خفيف يعني لان ليسه بدري شويه عليا بس قولت ايه انزل ابص بصه من اموا بلاش دي
في مول دمياط اللي ورا السراج ... ظريف و اسعاره معقوله بس مافيهوش فرش مودرن لو حضرتك هاتفرش مودرن لكن الكلاسيك موجود و اسعاره ظريفه
في بس محل كده عنده حجرات نوم مش رئيسيه (اتنين سرير) كويسه و مودرن في نفس الوقت و عنده سفرتين مودرن بردوا و كام انتريه مودرن
في محل اسمه kashan house اسعاره ظريفه ده علي الفيس بوك و عنده حاجات شيك اوووووي و في دمياط بقي مافيهاش غير كام واحد ليهم سيت علي النت و اشهرهم المهندس ياسر و \ه اشهر واحد لفرش المودرن في دمياط
ده كل اللي جمعته الفتره اللي فاتت دي و رينج اسعارهم معقول
ابعد عن هوم سنتر و كده لان ممكن تلاقي أوضة النوم توصل ل 35-40 ألف عااااااااادي عنده كل حاجه بس بيبيع بالقطعه اي كانت ايه هيا فهتلاقي لما تجمع اوضه هاتوصل لمبلغ
مستني معاك بقيت ردود الاعضاء اذ ربما حد يفيدنا بأماكن تانيه
المول ده في القاهره ولا فين
روح دمياط هتلاقى كل حاجه واشكال والوان وخامات ونقى براحتك وفاصل على قدر ما تقدر
لو عايز مودرن ماتروحش دمياط :)
انا لما كنت عايز مودرن لفيت الدنيا كلها وفي الأخر عملت العفش كله عموله علي مزاجي :)
فى حاجة اسمها مفكو حلوان ..... روح بص عليها .... عندهم غرف نوم أطفال حلوة جدا واسعارها من 8 وأنت طاله لغاية 12 .... وممكن تلاقى غرف نوم كبيرة حلوة كمان واسعارهم فى المعقول ... وكمان ضمان مدى الحياة .... يعنى لو ضلفة دولاب باظت يجى يغيرها ويمشى . فروعهم كتير ابحث عنها
دمياط هى معقل صناعة الموبيليا فى مصر... اى حاجة هتلاقيها.. مستوى الجودة اللى حضرتك عايزه هتلاقيه بمعنى لو عايز اوضة نوم ب 5 الآف جنيه هتلاقى ولو عايزها ب40 الف هتلاقى ولو عايز المعقول اللى ب15 الف جنيه هتلاقى... الكلاسيك هتلاقى والمودرن هتلاقى... عايز جاهز هتلاقى ولو عايز عمولة هتلاقى ولو عايز خشب أبيض وانت تشطبه هتلاقى...
دمياط لا يعلى عليها فيما يتعلق بالخشب
اين اند اوت يا باشا , حتاخد اثاث مودرن وكمان ضمان عشر سنين عليه واي حاجة حتبوظ حيجوا يصلحوها مجانا حتي لو العيب منك , انا شاري منهم من سنتين غرفة نوم وركنه , لما حاجة بتحصل بتصل بيهم يجوني علي طول ويعملوها من غير ولا مليم وواخد شهادة ضمان لمدة عشر سنين , دا غير ان معاملتهم راقية جدا بصراحة .
وعلي فكرة اللي عرفني بيهم واحد صاحبي كان اشتري منهم سفرة وبعد كام شهر رجل كرسي اتخلخلت راح متصل بيهم جم صلحوا من غير ولا مليم وبعد كدا اتعامل معاهم فى كذا حاجة لاهله وشكر فيهم اوي .
دا الموقع بتاعهم
In&Out