مشكلة في سنتر لوك فيرنا 2013

**lordfear** · 26-08-2013 04:45 AM

المشاركة الأصلية كتبت بواسطة nbabad

أنا جربت أقفل مفاتيح التلاجة ديه بأيدي زي ماحضرتك بتقوول .. لقيت إن مفتاح الشنطة شغال وبيطفي نور الشنطة ، ومفاتيح الأبواب كلها شغالة وبتطفي نور الصالون ..، أما مفتاح الكبوت لما ضغطت عليه بإيدي وقفلت بالريموت فوجئت إن الإشارات نورت مرة واحده ! فعرفت إن هوه السبب ! ، ولزيادة التأكيد وأنا لسه قافل بالريموت رفعت صوباعي من علي مفتاح الكبوت راح الكلاكس إشتغل ..
يبقي السبب في إن الإنذار مش بيشتغل مش لإن المفتاح مش شغال .. ، ولكن بسبب إن المفتاح مش بيتضغط عليه كويس من الكبوت علشان يقفل الدايرة !
قعدت أدور يمين شمال ليه الكبوت مش بيضغط علي المفتاح لقيت في الكبوت في المكان إللي أمام المفتاح بالظبط فيه خرم .. وشكلها كده كان فيه حاجة زي كاوتشه راكبه في الخرم ده كانت هيا إللي مسئولة عن الضغط علي المفتاح ..
ده طبعاً إعتقادي ... لكني مش متأكد .. ، فياريت إللي عنده الإنذار بيشتغل يقوللي إذا كان تصوري في محله ولا لأ .. ولو في محله ياريت يقولنا الكاوتشة أو الشيئ إللي راكب في الكبوت أمام المفتاح ده شكله إيه وأجيبه منين ؟!

مهو هو ده اللى انا قايله لحضرتك بالظبط فى مشاركتى

الفكرة ان انا عندى الكاوتشة دى و برضة مش ضاغطه كفايه , لو الموضوع مش فارق معاك و عايز تسيبه للصيانة الجايه اعمل زىى و فك السوكت بتاع القطعة دى و خلاص

اصلا الواحد مسمعش عن فيرنا ببتسرق بطاريتها مثلا و ربنا يستر ان شاء الله =)

**nbabad** · 26-08-2013 04:38 PM

المشاركة الأصلية كتبت بواسطة lordfear

الفكرة ان انا عندى الكاوتشة دى و برضة مش ضاغطه كفايه

أنا حليت الموضوع مؤقتاً لغاية ماروح التوكيل بإني طولت الصوباع بتاع مفتاح التلاجة عن طريق جزء من أنبوبة قلم حبر فاضية قطرها مناسب لقطر الصوباع ... وحشرتها في الصوباع عشان يطول .. ، وسديت الخرم إللي المفروض يبقى راكب فيه الكاوتشة إللي بتضغط علي الصوباع بحتة بلاستيك وثبتها بدبل فيس وكله بقى تماام والإنذار شغال زي الفل دلوقتي ..

فلو المشكلة عندك إن الكاوتشة مش بتطول صوباع المفتاح .. طوله زي مانا عملت ( ده لو عاوز تشغل الإنذار علي الكبوت كمان )