المشاركة الأصلية كتبت بواسطة mmamdouh
مهو عشان ضبط زوايا الطارة لوحت سنة و دة طبيعى بيحصل... و الطبيعى برضة ان بتاع الزوايا بعد ما بيضبط الزوايا بيوسطن الطارة من رجلاش بيض الدركسيون... واضح ان بتاع الزوايا دة شوال جوافة
و بعدين ازاى المشكلة هتبقى من الطارة و الطارة متفكتش اساسا؟؟؟... يعنى انت شغال فى مكونات معينة و حصل عندك عيب يبقى بالمنطق الحاجة اللى اشتغلت فيها هى اللى عايزة ضبط ولا الحاجة اللى مجيتش جنيها اساسا هى اللى محتاجة ضبط؟؟؟؟
اى حد هيقولة يفك الطارة يبقى مع احترامى الشديد مبيفهمش اى حاجة و لازم يقفل ورشتة و يرجع لمهنتة الاصلية... اى بتاع زوايا بيفهم فى شغلتة هيوسطن الطارة من رجلاش البيض مش عن طريق فك الطارة
فك الطارة بيعملة الصنايعية الجهلة فقط... الحركة دى هتخللى عدد لفات الدركسيون لليمين مش زى الشمال يعنى العربية مش هتقدر تلف يمين بزاوية زى شمال... مين اكبر و مين اصغر بيعتمد الطارة لما اتفكت اتلوحت يمين ولا شمال
الطارة بتتركب فى المصنع متوسطنة تماما فى مشوار علبة الدركسيون لليمين و الشمال... ضبط وضعية الطارة مع اتجاة العجلات شغل زوايا... اى حاجة غير كدة يبقى شغل ناس بتاكل علف
mmamdouh