حد ركب جهاز انزار فى التوكيل قبل كده . و هل فى جهاز انزار معتمد من شركه متسوبيشى يتم تركيبه فى التوكيل.
ارجوا الافاده
عرض للطباعة
حد ركب جهاز انزار فى التوكيل قبل كده . و هل فى جهاز انزار معتمد من شركه متسوبيشى يتم تركيبه فى التوكيل.
ارجوا الافاده
من 3 شهور كنت سألت على بتاع الشارك وقالولي انه الاصلي بتاع ميتسوبيشي وكل حاجة وهيكلف 1250 بالتركيب...
اول امبارح بقى كنت بعمل صيانة ال20 الف وسألت تاني لقيته ب1500 جنيه!!!! اللي خلاني اسأل اني فوجئت ان سعر الزيت وفلتر الزيت زادوا عن وقت صيانة ال10 الاف (من 3 شهور بس)... يعني من 3 شهور الزيت كان ب330 والفلتر كان ب55 جنيه... دلوقتي غيرولي الزيت ب370 والفلتر ب70 مش باهم ليه...
عموما هم بصراحة شوية نصابين في دايموند...
جهاز الإنذار اللي في التوكيل (الجهاز المعتمد من عندهم يعني) اسمه جيمني صناعه إيطالي .. وهو فعلا آخر مره سألت عليه قالولي بـ 1500 جنيه ( طبعا نصب رسمي ) مع العلم ان نفس جهاز الإنذار ده (جيمني إيطالي) موجود في توكيل كلاريون وبايونير وكان عامل وقت ماسألت عليه عندهم حوالي 700 جنيه ممكن يكون زاد دلوقتي شويه بس طبعا مش هايوصل زي سعر التوكيل ( توكيل كلاريون وبايونير اللي في هليوبوليس اللي عايز يعرف مكانه) .
وياريت اللي يكون ركب قبل كده يقولنا ايه ملاحظاته على الجهاز وهل هو كويس ويستاهل فعلا ولا الواحد يركب الصيني ويريح دماغه .
ملحوظه : الجهاز الجيمني الإيطالي ده المفروض انه انذار أبجريد بمعنى انه بيشتغل على نفس ريموت العربيه الأصلي
انا مركب نوع اسمه وولف من عند سبير كار....و شغال كويس و الحمد لله
لسه سأل توكيل كلاريون عن الجيمنى و لسه مش متوافر و سعره دلوقتى 800 جنية