-
العربية عزمها قل
معايا 128 موديل 85 1100 سي سي عمرها ما عملت عمرة و عاملة حوالي 90 الف كيلو
المشكلة اني مرة جيت اطلع من الجراج المزلقان منحدر جدا
جيت طلعت العربية خدت شوية سرعة في الحتة المستوية و بعد كدا جيت اطلع المزلقان روحت و قفت في نصة كدا و مكنش معايا حد و انا مش تقيل يعني العربية بس بوزنها
روحت حاولت اكمل لفوق راح صوت العربية علي و الموتور عمال يجعر و مفيش حركة و سخن و طلع حبة ريحة شياط بسيطة
بس العربية كويسة و بتسحب حلو على الطرق المستوية و ممكن تطلع كباري اقل انحدارا و بنسحب معقول
هل اللي حصل دة معناه ان العربية موتورها ضعيف و عايز عمرة و لا هو الموتور كدا طبيعتة
مع العلم ان المزلقان دة انحدارة حوالي 70 درجة انحدار رهيب كأنك طالع جبل
بس في الأخر روحت راجع بضهري و خت سرعة أعلى من الاول و مدي العربية الاول و روحت طالع الزلقان دة علطول
بس هي المشكلة لما أقف في النص و أجي عايز اكمل لفوق تاني العربية مش بترضى تطلع
يا ريت سؤالي يكون و صل و ما حدش يتوه منى في الرغي دة كله
واسف لو طولت عليكم
-
دا شىء طبيعى بالنسبه للمواتير اللى من الفئه دى....لان عزم الموتور بيكون ضعيف جدا اصلا....لكن نصيحه منى ماتكررش الحكايه دى تانى...حاول تطلع مره واحده احسن....وبالنسبه لان العزم قل والريحه اللى شمتها...فا دى اسطوانة الدبرياج مش اكتر..هو طبيعى فى حركه زى دى وتحميل جامد كده انك تشم ريحة تيل الاسطوانه حتى لو كانت سليمه....انما ريحه وضعف فى العزم تبقى الاسطوانه تعبااااااااااااااااااااان ه
-
الله ينور عليك يا فلاينج :)
-
عادى جدا يا باشا بس انت سخن العربية كمان كويس قبل ما تطلعة و حاول تطلع مرة واحدة زى ما فلاينجج بيجو باشا قالك
Content Relevant URLs by
vBSEO 3.6.0 PL2