الي خبراء الانوس... انقذوني

يا جماعة بعد اذنكوا انا حصل معايا موقف كده في العربية كنت عاوز اعرف ايه اسبابه اللي حصل اني كنت ماشي في امان الله مشغل التكييف والكاسيت والدنيا زي الفل وبعدين مره واحده لقيت التكييف بيجيب هواء شبه سخن كده ولقيت العربيه تقلت ببص علي مؤشر الحرارة لقيته عالي جدا كان خلاص قرب علي h رحت راكن علي جنب علي طول وبطلت العربية وقعدت خمس دقائق كده ودورت تاني لقيت المؤشر رجع لحالته الطبيعية (طبعا مشغلتش التكيييف تاني وانا مدور )وطبعا بصيت علي الميه في القربه لقيتها مش ناقصة يبقي ايه ده يا رجاله بعد اذنكوا.. وشكرااا مقدما

ممكن تكون المروحة علقت والجو حر بس كده خلى بالك من المروحه والاحسن تطلع على الكهربائى يكشف عليها

اقتباس:

---

المشاركة الأصلية كتبت بواسطة إبراهيم المصرى

ممكن تكون المروحة علقت والجو حر بس كده خلى بالك من المروحه والاحسن تطلع على الكهربائى يكشف عليها

---

الف شكر يا باشا علي الرد بس ايه رأيك انه يكون مثلا السبب ان الكمبروسور بتاع التكييف قفش فعلي درجة الحراره لاني لقيت العربية تقلت كده

طيب ايه يا رجاله هي خلاص اكيد المروحة ولا ايه رأيكوا ولا في حاجو تانية

اعمل مشوار من غير ما تشغل التكييف وده هيثبت العيب منه ولا لاأ

اقتباس:

---

المشاركة الأصلية كتبت بواسطة casperlove

طيب ايه يا رجاله هي خلاص اكيد المروحة ولا ايه رأيكوا ولا في حاجو تانية

---

انا فعلا عملت مشوار من غير ما اغير ما اشغل التكييف ومؤشر الحرارة معليش يبقي كده ايه

تعليق ثرموستات كوعة

اقتباس:

---

المشاركة الأصلية كتبت بواسطة tarek_2005

تعليق ثرموستات كوعة

---

متشكر جدا يا طارق باشا علي ردك الحمد الله المشكلة اتحلت وهي كانت ان المروحة الكبيرة مش شغالة خالص وده بسبب ان فيه سلوك ليها في الضفيره كانت اتقطعت (السلوك دي كانت ورا الفوج الشمال)