أحترس من التابلت الصينى انت بتضيع فلوسك

السلام عليكم جميعا
واللة انا حبيت انصح الناس هنا فى المنتدى علشان الناس هنا بصراحة مابتبخلش علينا بالنصايح

شوفت تابلت صينى مع واحد صاحبى ومميزاتة
اندرويد + تليفون وكمان شريحتين ياحلاوة مش بس كدة دة كمان كاميرا أمامى وخلفى
قولتلة بكام دة ياعمنا قالى ب 650 جنية واللة قولت فى سرى ربنا يخليلنا الناس الحلوة دية

المهم سخنت ونزلت اشتريت واحد للأولاد علشان يسيبوا تليفونى فى حالة هارينة جيمز وماركت

ولو زهقت ادينى بتسلى علية المهم ماخبيش عليكوا جهاز زى دة وبالمواصفات دية سعرة مغرى
واللة ماكملش اسبوع وابنى يدوبك بيشدة من أختة طبعا خناقات مين اللى يلعب الأول هههههههههههه

الجهاز مش راضى يقبل شحن نهائى روحت اصلحة ولما الراجل ابتدى يفكة مش هاتصدقونى لو قولتلكوا ان الجهاز من جوة عامل زى اللعبة الصينى أللى ب 2.5 واللة العظيم
المهم اتصلح وباظ تانى المهم المرة التانية الجهاز مات ولقيتنى صرفت 700 جنية فى الهوا
بس طبعا المواضيع دية بختك يابو بخيت يعنى دية مش قاعدة
والروزليوشن بتاع الشاشة زبالة بمعنى الكلمة
وندمت انى ماجبتش سامسونج حتى لو مستعمل هايكون احسن
وفعلا الغالى تمنة فية

كلام سليم.. :) حتى لو القطع اللي جوا الجهاز زي الأصلي، :) مش بيعرفوا يعملولها Tweak مظبوط.. ولا بينزلوا أبديتس ولا كلام من ده.

اقتباس:

---

المشاركة الأصلية كتبت بواسطة legendjo

كلام سليم.. :) حتى لو القطع اللي جوا الجهاز زي الأصلي، :) مش بيعرفوا يعملولها tweak مظبوط.. ولا بينزلوا أبديتس ولا كلام من ده.

---

واللة العظيم مايستاهل 100 جنية وانا حبيت انصح الناس بجد خامات رديئة جدا وسخونية ويهنج وغير كدة اكيد خطر على المستخدم

انا برضو اشتريت واحد قبل كده و كان في منتهي السوء . فعلا بلاش حد يضيع فلوسه في التابلت الصيني نهائي
و شكرا لصاحب الموضوع علي التنبيه

شكرا علي نقل تجربتك

كلامك صح
الصيني التلقيد عمري ما بقتنع بيه
لانه بيوصف نفسه مفهوش ابتكار غير انه منقول ومتقلد
مجرد رأي ..

وطبق الكلام ده علي التليفونات الصيني الي بتكون تقليد الايفون والسامسونج الاس ٣ والاس ٤ والنوت ٢ وخلافه كله نفس الكلام مجرد شكل وخلاص وغير الرزيليوشن الضعيف التاتش بتاعه كمان بالعافيه التاتش يستجيب معاك والشحن بتاعه كبيره اسبوع وتلاقيه فصل معاك ولا يرضي يشحن وتلاقي رميتلك ٣٠٠ او ٤٠٠ جنيه في الهوا

فيه ماركه صيني اسمها Ainol فيها موديل اسمه Novo 9 ده نفس شاشه الايباد الرتينا 9.7 بوصه نازل فيه اندرويد جيلي بين وبروسيور كواد كور A31 1.5GHZ ورام 2 جيجا والتتش بتاعه حوالي 80-85% من السامسونج وفيه Wifi بس ال 3G ب usb مش بشريحه (مجربتوش بصراحه) والبطاريه 10 تلاف ملي أمبير والجهاز ممتاز جدا في استخدامه ومقضي الغرض جايبه لبنتي عشان ترحم موبايلي وفي نفس الوقت منزلها برامج تعليم ألوان وحروف ومراتي بتعلمها عليه بالاضافه للالعاب والحمد لله تمام بقاله شهر بس ده سعره 2100 كنت شاريه من جوميا.

أنا مش بستخدمه كتير بس لو هقول على عيوبه هتبقى وحده الجرافيك GPU مش ممتازه يعني في لعبه زي Subway surfer بتلاقي فيه شبوره في مدى النظر من بعيد وهوه طاير بال jetpack وده مش بيقلل من متعه اللعبه والجهاز مش بيهنج نهائي وكمان الريزوليوشن بتاع الشاشه ممتاز والالوان كذلك وكقيمه مقابل السعر ملوش حل لأنه 40% من سعر الايباد والنوت 10.1.

دي مواصفات الجهاز كامله من موقع الشركه بتاعته

Ainol Novo9 Spark

طبعا اجهزه زباله وربنا يرحمنا من المستوردين الى بيستخرصو ويمصو دم الناس

اشترينا واحد من السعودية جديد بكالتونته فتحناه هنا في مصر لقينا الشاشة التاتش بايظة ومافيش اي تاتش

من المعروف ردائه المنتجات الصينيه و خصوصا الالكترونيات

انا معايا xtouch 708s جهاز ممتاز جدا على قد فلوسه وحمار شغل ............ وفعلا resolution و touch مش قد كده بس برضه على قد فلوسك ........ على فكرة الشاشة تعتبر اغلى حاجة في التابلت لأن البروسيور وبقيت interface كلام فاضي

يا جدعان أحسن حَل للتابلتات الضعيفة وتضييع الفلوس دي.. Nexus 7 2013.. هو بـ230 دولار لو هتعرف تجيبه من برا.
مواصفات ممتازة و بيجيلك الأبديت من جوجل قبل آي حد. :)