-
النوبيرا عملتها
السلام عليكم
امبارح وانا ماشي علي الدولي عادي.. مرة واحدة العربية قطعت و السحب ضعف
كملت ع الهادي و روحت و النهارده الصبح روحت للميكانيكي جرب الكويل و طلع سليم
بعد كده جرب البوجيهات و لقي البوجيه رقم 2 و 3 قاطعين وعليهم زيت ركب بوجيهات تانية
و برضه قاطعين يعني سلك البوجيهات بيشرز بس لما بيشيل رقم 2 و 3 و الموتور داير مفيش اي تاثير
يعني العربية ماشية ب 2 بوجيه و جرب برضه يغير السلوك و نفس النتيجة ...فقاللي لازم نفك المكنة و نشوف ويمكن يكون الموضوع طقم شنبر و جوان وش سلندر والتكلفة المبدئية 1000 جنيه قلتله طب هعدي عليك بعدين
عاوز اعرف رايكم في الموضوع ده مع العلم ان العربية كانت ماشية عادي امبارح و المشكلة دي حصلت فجاة
-
ان العربية تمشى 2 سلندر دا خطير جدا وبيسبب رزع جامد فى الموتور
ياريت تنقل على لفات موتور عالية يعنى تشبع الغيار
غير أن كدا لو مشيت بيها مسافة هتبوظلك المحول الحفاز ( علبة البيئة )
وياريت تشوف ميكانيكى غيره
-
جرب حضرتك تبدل حساس الايدل من اي عربية تانية وشوف وان شاء الله يكون العيب فيه
-
طب ما كدا غالبا العيب فى الموبينة
غير سلوك البوجيهات والبوجيهات و ركب ببوينه لو العيب اتصلح يبقى منها
-
طبعا اولا بشكر الردود السريعة
بس احب اوضح ان العيب مش موبينة لانها مطلعة كهرباء علي الاربع اسلاك ولا سلوك ايضا و لا البوجيهات برضه لان الميكانيكي غيرهم و بالنسبة لحساس الايدل المفروض ملوش علاقة بالبوجيهات
يعني قصدي ان الميكانيكي لقي البوجيهات رقم 2 و 3 غرقانة زيت و ده سبب القطع
فهو عاوز يمنع الزيت عن طريق الشنبر و جوان وش السلندر
وعلي العموم برضه انا عديت علي ميكانيكي تاني علي السريع وانا مروح و كان عاوز برضه يحل المكنة
-
هو كدة واضح ان جوان وش السليندر مهرب كبس ومدخل غرفة 2 و 3 على بعض
لازم المكنة تتحل وطالما البوجية طالع علية زيت يبقى تعمل حسابك على طقم شنبر
-
بس انا فيه ميكانيكى قاللى ان تغيير ماتور النوبيرا افضل من فكه لانه مابيرجعش زى الستاندارد بتاعه
-
تغيير موتور افضل بس تخلى حد ميكانيكي كويس يبص عليه و ياريت لو حد من الاعضاء يدلنا على حد بتاع استيراد يكون سمعته كويسه و متجرب
-
الكلام ده بالضبط اللي الميكانيكي التاني قاله ان الغرفة 2 و 3 مهربين الكبس علي بعض
انا لما استعد ماديا هحل المكنة و الميكانيكي يشوف حالتها لو كويسة يبقي طقم شنبر ولو المكنة تعبانة و محتاجة شغل و خرط يبقي هجيب موتور مقفول من غير ادوات التغذية و الميكانيكي قاللي هيعمل في حدود 2000 جنيه
-
سبحان الله نفس المشكله حصلت معايا امبارح بالظبط بس البوجيهين الي قاطعين كان رقم 1 ورقم 3 ومحتار ومش عارف اعمل ايه
Content Relevant URLs by
vBSEO 3.6.0 PL2