عاوز اجمع جهاز كمبيوتر جديد هيتكلف كام و اعمل ايه !

اولاً مبرووك مبرووك القسم الجديد وتعيش وتدوبوا اقسام
وعقبال قسم خطبة نايل موترز يارب

دلوقتي انا عندي شاشة وعندي هاردين ... وكي بورد وماوس كنت شايلهم من ايام المرحوم الجهاز القديم وعاوز دلوقتي اجمع جهاز جديد. ( يعني كيسة ومذر بورد. ورامه. وبروسيسر ) فقط
اعمل ايه بقه ارووح فين ولا اجيو من عند مين واجيب ايه ومجيبش ايه وهل المحلات الي في المولات بتجمع ولو جمعوا. ياترى بياخدوا كام ١٠٠ جنية زي زمان ولا ببلاش شرط تشتري من عندهم

وسؤال تاني لو واحد هيقسملك الهارد. وينزلك ويندوز بياخود كام مصنعية :)
ولو هينزل ويندوز بس بياخود كام !!

@@@@@@

وتحياتي

اهلا بيك
ان شاء الله هساعدك في تجميع الجهاز و تنزيل الويندوز كمان
بس الاول عاوز اعرف ايه موديل القطع القديمه اللي عندك (علشان لو فيه حاجه منهم تنفع )
ثانيا بتستخدم الكمبيوتر في ايه ( تصفح نت - العاب - تصميمات )
ثالثا ميزانيتك كام للكيسه فقط

تسلم يا مستر فوكس
بص يا سيدي. بالنسبة لاستخدامي. للكمبيوتر هو في المرتبه الاولى. نايل موترز واربع منتديات كمان ثم فيس بوك ... وطبعاً بقى. برامج الشات الصوتي دي مهمة جداً عندي يهمني الصوت يكون نقي وواضح لان كل ما كان الصوت. نقي وواضح كل ما يدخل لقلب الي قدامك ... وبقلب في الفيس بس كده ... بالنسبة للبرامج. يعني شوية فوتو شوب. على شوية ان دزاين. وصلى الله وبارك

بالنسبة للقطع القديمة ( عندي شاشة سامسونج. وهارد ٥٠٠ وهارد ويستن ٢٥٠+ كيبوردديل الاصلي استيراد + وماوس تايجر ) الجهاز القديم جمعتو في ٢٠٠١ واتحرق او هنج في سنة ٢٠٠٩ م طبعاً مهتميتش بقه قلت خليه مرمي وابتديت استخدم تابلت لغايت ما نظري راح .

فانا دلوقتي بفكر. يا اجيب مذر بورد ٣ في واحد الي هيا مذر وكارت صوت ولاااان وشاشة. على حتت بروسيسور على كيسة على حتت رامه كده ... مش حاطط لها رينج بس هو زي ما حضرتك شايف استخدامي. بسيط .. وتحياتي

تمام
انصحك بالاتي
1 - بورده ASRock H71M-DGS سعرها 350 جنيه عليها كارت شاشه 1 جيجا
2 - بروسيسور Intel G2030 سعره 450 جنيه او Intel Core i3-3210 سعره 850 جنيه لكن اداءه اعلى بكتير
و طبعا في حاجات تانيه اغلى من كده بكتير
3 - رامات 4 جيجا (قطعه واحده) ماركة كنجستون او adata سعرها 260 جنيه

تنزل تشتري القطع دي من مول سوق العصر او السخاوي او سوق الكمبيوتر
كلهم في مصر الجديده - روكسي - شارع الخليفه المأمون

هتاخد معاك الكيسه القديمه فيها الهارد و الديفيدي فقط
اللي هتشتري منه خليه يركب لك القطع مع بعض و ينزلك ويندوز لكن مش عارف بياخدو كام تقريبا 50 جنيه مش اكتر
لو تحب تشرفني و انا اعملك الكلام ده تحت امرك من غير حاجه

يا عمدة انت عندك للاب توب ولا لا
قبل ما تجمع جهاز ؟

لا هو كاتب ان عنده تابلت

هاتلك لاب توب احسن حتى لو استعمال عملى وخفيف

حبايب قلبي جميعاً
واحمد حبيبي انا فعلاً بعت الاب توب الديل الصغير. وكان عندي لاب الابل مكنتش كمان بستخدموا فبعتوا ومش شغال غير على التابليت الاي باد ... بس على كلام مستر فوكس. كده. يعني كده العملية هتخشلها في الف وشوية. ... طيب ايه رأيكم لو زودت شوية وجبت لاب توب ابو ١٩٩٩ جنية او انا شفت في هيبر لاب توب ١٥ بوصة. سامسونج كان كبير ولزيز شوفتوا عامل ٢٥٠٠ جنية بس. وهارد ٣٢٠ ورامات ٢ جيجا بس مكتوب عليه at تقريبا او atm ومكنش عليه ويندوز ياترى الاب توبات دي شغاله ولا بتسخن وتهنج وتسقط ويندوز ... فايه رئيكم ولا اروح اجبلي جهاز استيراد من ابو ٤٥٠ و ٥٠٠ وافور الليله دي كلها. ولا مفيش الاسعار الي بقول عليها دي ... لاني بقالي فترة بعيد. عن سوق العربيات وسوق الكمبيوتر ... وتحياتي

ati تقصد ودلوقتي بقي amd
بص انا رأي لاب توب افضل واقيم وهو رجل المرحلة القادمة
سامسونج في فالسعر الي بتقول عليه ده وفي لينوفو بردوة جميل
هو عموما علشان تجيب لاب بعد الغلاء ده عاوز متوسط سعر 3500 الي 4000 وده يعتبر وسط
انما ممكن ب 2500 ولا 3000 تجيب لاب معقول ومش هيسخن والكلام ده
وهتاخد منه اداء كويس واي سوفت فيه متقلقش منه يتعمل وانا عندك واهو بالمرة نتقابل
لو مهتم بالجودة مش بالشكل قولي وانا اجبلك لاب تجربه وتشوفه لحد عندك قبل ما تشتري
وهيبقي i3 ورامات 6 هارد 320 شاشة 15.6 الخ وبسعر تحت ال 3000 جنيه ومش اتش بي ولا الكلام ده
الكيسه بقت فكرة قديمة وزحمة عالفاضي وانا عندي تجيب واحدة استيراد لو مصمم عالكيسه افضل من التجميع
مجرد رأي ليس الا
فكر وقولي رأيك ..

اصيل يا بوحميد دايماً كده رقبتك سدادة
يعني قولتك نتكل على الله في لاب توب وخلاص ... هو بص يا بوحميد المشكلة انا عندي عقدت الحج عربي فرغلي الي هيا بتتلخص في كلمتين لمن اشتري حاجة غاليه اخاف استخدمها لاتبوظ مني وتفيص في ايديا وازعل عليها والحاجة الرخيصه اعزها قوي .. فشوف كده يعني انا اروح اشتري الجهاز واجبهولك. تقسمهولي وتنزلي ويندوز وكده ... ولا ننزل نروح نشتريه سوى ولا هنعمل ايه ... مع ان حظر التجوال ده مخلي الواحد لا عارف يروح ولا يجي. لدرجة الواحد جايلوا احساس انو عايش تحت الاقامة الجبرية :)

يا حج انت تأمر ّ ّ
انت بس استقر شوف الميزانية ايه يعني 2500 الي 3000 كويس
وشوف النوع والي تحبه وننزل نجيبه
لو في حاجة معينة عاوزها محددة مفيش مشكلة والباقي نعمله
الي تحبه متقلقش والحظر انا اعتقد انه كمان ايام ان شاء الله هيتقلص للساعة 10 او 11 .. ّ ّ

اقتباس:

---

المشاركة الأصلية كتبت بواسطة Y a r i s

حبايب قلبي جميعاً
واحمد حبيبي انا فعلاً بعت الاب توب الديل الصغير. وكان عندي لاب الابل مكنتش كمان بستخدموا فبعتوا ومش شغال غير على التابليت الاي باد ... بس على كلام مستر فوكس. كده. يعني كده العملية هتخشلها في الف وشوية. ... طيب ايه رأيكم لو زودت شوية وجبت لاب توب ابو ١٩٩٩ جنية او انا شفت في هيبر لاب توب ١٥ بوصة. سامسونج كان كبير ولزيز شوفتوا عامل ٢٥٠٠ جنية بس. وهارد ٣٢٠ ورامات ٢ جيجا بس مكتوب عليه at تقريبا او atm ومكنش عليه ويندوز ياترى الاب توبات دي شغاله ولا بتسخن وتهنج وتسقط ويندوز ... فايه رئيكم ولا اروح اجبلي جهاز استيراد من ابو ٤٥٠ و ٥٠٠ وافور الليله دي كلها. ولا مفيش الاسعار الي بقول عليها دي ... لاني بقالي فترة بعيد. عن سوق العربيات وسوق الكمبيوتر ... وتحياتي

---

الجهاز اللي انت تقصده ده بروسيسور اسمه Intel Atom
البروسيسور ده مبني على البورده مش بيتفك زي اي بروسيسور
و من عيوبه انه ضعيف جدا لان تردده 1.6 و الكاش 512 ك
لو هتجيب لاب انصحك بالجهاز ده Fujitsu Lifebook AH532 سعره 2400 جنيه
معالج ثنائي الانويه بتردد 2.2 جيجا هيرتز و كاش 2 ميجا و تردد المعالج الرسومي له 650 ميجا هيرتز
و رامات 2 جيجا و هارد 500
و كاميرا وواي فاي و كارت شاشه 1 جيجا
و صناعه الماني

اقتباس:

---

المشاركة الأصلية كتبت بواسطة mr.foxman

الجهاز اللي انت تقصده ده بروسيسور اسمه intel atom
البروسيسور ده مبني على البورده مش بيتفك زي اي بروسيسور
و من عيوبه انه ضعيف جدا لان تردده 1.6 و الكاش 512 ك
لو هتجيب لاب انصحك بالجهاز ده fujitsu lifebook ah532 سعره 2400 جنيه
معالج ثنائي الانويه بتردد 2.2 جيجا هيرتز و كاش 2 ميجا و تردد المعالج الرسومي له 650 ميجا هيرتز
و رامات 2 جيجا و هارد 500
و كاميرا وواي فاي و كارت شاشه 1 جيجا
و صناعه الماني

---

مش ده فيجوتوا سيمنس ... انا الحقيقة. مجربتهوش قبل كده ... وهيا كانت حته مقلقاني منوا. انوا ازاي الماني وسعروا ارخص من الصيني ... هيا دي النقطة الوحيدة الي مقلقاني منو بس السعر ً بتاعوا على امكانياتوا ١٠/١٠ ... طيب مفيش جهاز تاني برضو يكون من امو الفين ونص كده يا مستر فوكس ترشحهولي :) ربنا يباركلك يا عزيزي .

انا كان معايا سيمنس ولسه معايا كنت جايب منه جهازين والله ليا ولصديق
بص اول جهاز الفيجا اتحرقت وباض لان التصليح غالي وغير مجدي
تاني جهاز لسه معايا بس حالته لا يرسي لها كتر خيره بقاله 4 + سنين ومن الاخر جوا معظمه صيني
واجبهلك لحد عندك تشوفه بنفسك متصدقش كلمة الماني الي برا دي لزقه وكمان تحس انها معوجه
بالسعر ده الافضل ليك حاليا لينوفو واسئل بردوا واتأكد من ناس كتير قبل ما تشتري حاجة
والتجربة خير برهان
والله اعلم
تحياتي .. ّ ّ

اقتباس:

---

المشاركة الأصلية كتبت بواسطة Y a r i s

مش ده فيجوتوا سيمنس ... انا الحقيقة. مجربتهوش قبل كده ... وهيا كانت حته مقلقاني منوا. انوا ازاي الماني وسعروا ارخص من الصيني ... هيا دي النقطة الوحيدة الي مقلقاني منو بس السعر ً بتاعوا على امكانياتوا ١٠/١٠ ... طيب مفيش جهاز تاني برضو يكون من امو الفين ونص كده يا مستر فوكس ترشحهولي :) ربنا يباركلك يا عزيزي .

---

(فوجتسو) دي شركه ياباني كبيره و اشترتها شركة سيمنس الالمانيه
زي لينوفو ما اشترت شركة IBM
و سعرها رخيص لان اسمها مش مشهور زي DELL & HP & TOSHIBA & SONY

المهم
لو عاوز حاجه زي كده مثلا Dell Inspiron 3421 سعره 2350 جنيه
او حاجه اعلى زي Dell Inspiron N3521 سعره 2850 جنيه

ملحوظه :
انا شايف الاخ S O P H O S معترض على كل كلمه بقولها
و مش معنى ان جهاز اتحرق منه او باظ يبقى الشركه كلها وحشه
ف لو مش عاوزني اشارك خالص في الموضوع
انا معنديش مشكله نهائي

هات لينوفو احسن وهيكون فى حدود ٢٥٠٠ بس البروسسور amd عملى وهيادى الغرض

اقتباس:

---

المشاركة الأصلية كتبت بواسطة ahmedsrs

هات لينوفو احسن وهيكون فى حدود ٢٥٠٠ بس البروسسور amd عملى وهيادى الغرض

---

فعلا فيه موديل Lenovo ThinkPad Edge l520
بس بمعالج i3 و طبعا اداءه افضل من amd
ورامات 2 جيجا و هارد 320
و سعره 2650 جنيه بس مش عارف موجود في السوق حاليا ولا لأ
اللينوفو ماركه ممتازه جدا بس عيبه الشكل و الوزن

شكل حضرتك منـزعـج اني بقول رأي
انا مش معترض علي اي كلمة لحضرتك ّ ورأيك يحترم جدا ّ
ولكني بقول وجهة نظري الي مش شرط تكون صحيحة والموضوع للنقاش علشان الاستفادة تكون عامة
وفالنهاية الموضوع لحضرتك ولو حضرتك مش عاوزني اشارك فيه لك مطلق الحرية
هنسحب منه ومش هقول شئ
الرأي لحضرتك وتقدر تختار لاستاذ ياريس اللاب الي تشوفه الافضل
تحياتي للجميع
وعـذرا لو اتفهم كلامــي خطا .. ّّ ّ ّ

ليه كده. يا مستر فوكس ... ده احمد ده من الشباب الي قلبهم ابيض زي البفته
وانسان مسالم مسالم. لابعد ما تتصور ... ومن الشباب الملتزمة الكويسة :) عارف لمن تشوفوا هتحبوا كده من الناس الي. يخشو القلب لله في لله ... اختلاف الاراااء. يثري الموضوع يا شباب ولا يفسده ...

المهم ادي الجهاز الي قلتلكم عليه في موجود في هيبر ون
Samsung 270E5V-K04 ATIV Book 2 Notebook PC | Price in Egypt سعر فى مصر | Egypt Laptop بس كان ب ٢٤٠٠ بس .

سؤال اخر هو ايه الفرق بين او يعني ايه البنتيم والسيلارون وال amd ... هل مجرد اسامي ولا ليها معنى وتحياتي.

انا بعتذر اني اسأت الفهم
----------------
الجهاز اللي انت اختارته بمعالج سيليرون و له تردد 1.1 جيجا هيرتز (بطيء جدا)
هو شكله حلو بس ضعيف
الاجابه على سؤالك
فيه شركتين بتصنع المعالجات في العالم
شركة inte
و شركة amd
و طبعا انتل تتفوق لانها حققت معادلة السعر مقابل الاداء
اما بنتيوم و سيليرون دي اجيال من ضمن اسماء كتير انتجتها شركة انتل
بتختلف في معماريتها (طريقة تصنيعها)

ربنا يبارك فصحتك يا حج ّ ّ
ولا يهمك حصل خير انا عارف ان العضو الكريم ميعرفش
ان انت بتمثل ليا استاذي والي علمتني كتير وياما اشتغلنا فقسم واحد شهور وعمري ما بنسي
فعلشان كده كان ردي علي الموضوع بأهتمـام لانه سؤال منك وربنا يعلم الواحد قد ايـه بيتمنـي بس يخدمك ولو بأي شئ
_________
بالنسبة للانواع دي فـ سيليرون دي ضعيف وكان بيستخدم لرخصه وكنوع من التوفير فالاجهزة المتواضعة
والـ amd الي هيكون موجود ف للاب بالسعر ده هيكون متواضع جدا وبطئ
رأي اننا نحاول يكون i3 وميقلش عن كده ابدا بأي طريقة ورامات من 4 الي 6 كاش 3
والمواصفات الباقية اختيارية و متشابه المهم ان دولا الي هيحددوا قوة اللاب بالنسبة للشريحة السعرية دي
النقطة التانية هو النوع ممكن تشوف اول نوع ولو معجبكش نشوف نوع تاني : ّ ّ
ده الاول شكل عادي مش مقبول واداء كويس خصوصا مع تزويد رام اضافي

http://nileup.com/up/uploads/nilemotors_13773767204.png

---
ده التاني شكل افضل وهارد اكبر

http://nileup.com/up/uploads/nilemotors_13773767202.png

---
وده الثالث هارد 500 ورامات 4

http://nileup.com/up/uploads/nilemotors_13773767203.png

الثلاثة دولا i3 كلهم وطبعا تقدر تزود رام والهارد دي مسألة نسبية
-----
لو عاوز معالــج اقوي في i5

http://nileup.com/up/uploads/nilemotors_13773767201.png

_________

,,,,,
ده طبعا فشريحة سعر معينة لان كل ما زاد السعر هنزود امكانيات وده موضوع مش مهم لينا
احنا عاوزين للاب قيمة مقابل سعر يكون ممتاز وامكانيات متوسطة ويستحمل الشغل الشاق
ويكون بلا عيوب مشهور بيها
ده كان مثال علي ماركة واحدة فقط لمجرد التفكير وفي بدائل تانية
والله اعلم ..

ياااااااااااااااااه فين أيام لما كان الواحد بيكتب مواصفات الاجهزه التجميع دي زي ما الدكتور بيكتب الروشته. كان ييجي واحد صاحبي ولا قريبي يقول عايز أجمع جهاز أجيب ورقه وقلم وأسأله سؤالين. ميزانيتك كام وبتستخدم الكمبيوتر في ايه؟ وهوب تلاقي ليسته الهاردوير بأسعارها وننزل نجيب الحاجه وأقعد أركبها وياسلام لما تفتح الجهاز أول مره وتسمي كانك بتنزل نورماندي 2 البحر هههههههههههههه

أنا بقالي كام سنه قاطع علاقتي بالهاردوير بس لو عايز توفر هات amd وأنا بقولك كده وأنا من أوائل الناس اللي جابت amd k6-2 و k6-3 حتى أيامها لما واحد يسألك عندك بروسيسور ايه تقوله amd k6-3 يقولك ده سيلرون ولا بنتيوم هههههههههههه كنت بعقد الناس اللي كانت أخرها كاشات 128 للسيلرون و 512 للبنتيوم وأنا عندي 1 ميجا كنت أحط تلاته أربعه كوبي شغالين جنب بعض وأفتح أي برنامج أنا عايزه وكل ده شغال في وقت واحد ومفيش تهنيج. ياريت كان وقتها فيه كاميرات في ايد الواحد كان يصور تعبيرات الوشوش هييييييييييييه كانت أيام.

بروسيورات amd دايما أقل في السعر وبتدي نفس كفائه الانتل وبتتفوق عليها في احيان كتير بل في معظم الاحيان الا حته شغل الجرافيك وفرق السعر ده تزود بيه هارد ولا رامات أحسن. لو هتجيب لابتوب هتلاقي اختياراتك في ال amd قليله لأننا بلد انتل بطبعه فأنصحك بالانتل في اللاب عشان متبقاش مغصوب بكام موديل مجبر تختار بينهم لكن لو ديسكتوب (عشان تستفيد بالحاجات اللي عندك) أقولك amd وش.

حضرتك عايز تجمع جهاز كمبيوتر ولا لابتوب ؟