ازيكم يا جماعه
انا حبيت اعمل المقارنه دى فى القسم ده ومش فى قسم المقارنات لانى يهمنى راى اصحاب لانسر واهل الخبره.....
دلوقتى فى مقارنه محيره جداا بين لانسر بومه وهيواندى النترا وخصوصا ان الاتنين فى نفس السعر
فا ناس كتير اوى لاحظت انها بتسئل ايه افضل فيهم وانا كمان حابب اعرف
وياريت اصحاب لانسر بومه اللى اشترو العربيه لو كانو فى نفس المقارنه وكان قدامهم ال النترا وفكرو يشترو كانو هيشترو ايه؟؟
ha2olak haga baseeta
elantra mafihash ABS wala airbag we da a2al haga lel 2aman ya3ni
tawkel hyundai zy el zft
fana shayf en lancer a7san men elantra
+1000000اقتباس:
المشاركة الأصلية كتبت بواسطة salem
كفاية انها ياباني 100% و الالنترا كوري .. و مهما عليت التكنولوجيا عند الكوريين عمرها ما هتوصل لليابانيين
رأيي الشخصي :
انا ممكن اقارن ياباني بأوروبي او أمريكي انما الكوري مع احترامي الشديد له وانه اثبت وجوده في مصر من سنين طويله انما برضه دائما المقارنه في صالح الياباني لما يدخل قصادها
شوف حضرتك انا كنت فى نفس الحيرة دى لكن ربنا كرمنى وخلانى اجرب العربيتين وبعد كده توكلت على الله واشتريت اللانسر عن ثقة انها الاختيار الامثل لمتطلباتى
وشكرا
كلام غير منطقـــــــــــــــــــــ ــــىاقتباس:
المشاركة الأصلية كتبت بواسطة مصراوي جدا
بالعكس يا ماندو .. ده كلام منطقي جدا .. وانت شخصيا اكبر دليل على كلامياقتباس:
المشاركة الأصلية كتبت بواسطة mandooo
انت صاحب موضوع (اللانسر قصة ادمان مصرية خاطئة 100%) كان عندك لانسر ولسبب او لآخر كرهت العربية وبعتها ورغم كده يوم لما رحت تشتري رحت لتويوتا يعني عربية ياباني مش كوري .. يبقى مين اللي مش منطقي
الألنترا العربية الوحيدة من هيونداى اللى ممكن تتقارن بالانسر وهى فى رأيى عربية جميلة وفخمة لكن بصراحة بعض الآراء خوفتنى منها ومنها مواضيع هنا فى المنتدى رغم إن موديلات 2007 وما بعدها تعتبر فخر إنتاج هيونداى.
ودا غالبا فى أول 5-10 سنين من عمر العربية
إنما بعد كده اليابانى يكسب تماما
... فضلا عن التوكيل
اليابانى لا يعلى عليه ++++++++++++++++++
الى خلانى افضل الانسر عن الانترا
اولا وده السبب الرئيسى ان الانسر يابانى بالكامل فى مقابل ان الانترا كورى
انا مبقولش ان الكورى وحش لأ هوه كويس جدا اول 70 الى 100 الف كم
لاكن بعد كده بيفتح بقه مره واحده
وده انا جربته فى عربيتى السابفه وكانت كورى
ثانيا :الانسر فيها وسائل امان اكثر من الانترا زى الاير باج والabs
ثاثا:الانسر glx فى مقابل الانترا gl
علشان كده الانسر زياده كنبه سبليت مسند امامى وخلفى بحامل اكواب -دكسيون وفتيس وهاند مكسو بالجلد الطبيعى
رابعا :انا كنت ناوى اركب اوتوماتيك وفتيس الانسر cvt فى مقابل ان فتيس الانترا تقليدى وبعدين الاتوماتيك اليابانى معمر وانعم من الكورى
يمكن فيه ناس هاتقول البومة تكنولوجيا قديمة و الألنترا جديدة و لكن خلينا نحسبها بشكل تانى
بنفس السعر اللى هاتجيب بيه النترا Basic ممكن تجيب لانسر بومة هاف سبورت فيها ايرباج و ABS و كماليات اخرى سبقنى أخى العزيز Limo فى ذكرها
ثانيا مع كامل احترامى للألنترا (و هى عربية فعلا ممتازة) شوف لما تيجى تبيع الفرق بين بيع لانسر أو هيونداى و شوف السوق سعر اعادة البيع فيه ماشى ازاى (و ده على عينك يا تاجر و الأعلانات مالية الجرايد و مافيش فيه تحيز من حد ، ده سوق)
دايما اليابانى تمنه فيه لأنها عربيات معمرة (و ده عن تجربة عمرها سنين طويلة و سمعة معروفة) و لكن الكورى برغم التطوير و الجودة المتزايدة لم يصل لتلك السمعة
كان معايا لانسر بطة 92 و قعدت معايا 16 سنة و بعتها و هى زى الفل ، و قريبتى اللى أخدتها لسه بتتعلم عليها و بتمرمطها و تبهدلها (بقى لها 6 شهور دلوقت) ، و لما مرة طلبت منى انقلها لها من حتة زنقة و سقت العربية ، لقيتها تقريبا نفس العزم و القوة حالة ما بعتها ، اتبهدلت من بره لكن الموتور و العفشة و التكييف زى الفل
تفتكر لو دى كانت هيونداى كانت استحملت 16 سنة و بعدها واحدة تتعلم عليها 6 شهور و تفضل كويسة ؟؟ اشك
مش محتاج اجيب سيرة توكيل الهيونداى و البهدلة بتاعته ، فيه مواضيع كتيرة فى المنتدى بتتكلم عن كده
الهيونداى كشركه كوريه لم تكن تصل الى مستوى اليابانى فى الاعتماديه
ولكن الوضع تغير الان والشركه اصحبت تهدد شركات عملاقه امثال التويوتا وجنرال موتورز
اعتقد مبدا الكورى واليابانى خلاص انتهى ودلوقتى كورويا بتعمل منتجات متقدمه جدا
كلام جميل جدااقتباس:
المشاركة الأصلية كتبت بواسطة mandooo
بس هل فعلا التجربه العمليه اثبتت ان الكورى معمر زى اليابانى ؟
لغايه دلوقتى ما شوفناش عربيه كورى معمره زى اليابانى
طبعا لو الكورى عرف يحقق المعادله الصعبه ديه انه يقدم عربيه فى كماليات وتكنولوجيا حديثه بثمن معقول فى نفس الوقت معمره زى اليابانى يبقى كده نقول الكلام ده بتاع زمان والدنيا اتغريت بل بالعكس انا شايف ان الكورى كده هيبقى احسن من اليابانى لانه ارخص منه وبنفس الجوده والكماليات .
واحد صاحبى معاه فيرنا موديل 2008 موتورها 1600 2كامه و فى يوم قعد يحرق و يشد بيها كتير جابت وش سلندر والعربيه ولعت وهى الأن عند الميكانيكى ويتم قشط وش السلندر عند الخراط و هيركبلها جوان دوبل (العربيه ده عامله 11000 كم) و مش عاوز حد يقولى اصل الفيرنا تقفيل مصرى لأن الموتور بييجى من هيونداى متقفل و كل اللى بيعملوه انهم بيسقطوه فى العربيه.
عاوز أقول حاجه كمان وهى ان موتور الفرنا اللى بتكلم عليها هو نفسه موتور الالنترا موديل 2006 و سبب تفوق الالنترا الجديده على الانسر هو ان التكنولوجيا اللى فيها هى التكنولوجيا المتوفره فى عام 2007 (بدايه هذا الموديل) أما الانسر البومه ففيها التكنولوجيا اللى كانت متوفره فى عام 2003 (بدايه موديل البومه) وعلى فكره عفشه الالنترا الجديده مغشوشه من غفشه الانسر (الالنترا2006 كانت عفشه من ابتكار هيونداى و لما عملوا موديل 2007 و حبوا يطوروها غشوا من عفشه الانسر و اللى مش مصدقنى ممكن يبص على عفشه العربيتين من ورا فى اى عربيه ماشيه منهم قدامه على الطريق و اللى عاوز يدقق اكتر فى التفاصيل يرفع العربيتين و يشوف. وغفشه الانسر مشهوره جدا بتفوقها فى حلبات الراليات بالذات و هذا النوع من السباقات يتطلب ثبات عالى مع كون الأرض غير ممهده فى الملفات بالذات يعنى بتاخد مطبات جامده اثناء الدوران على سرعات عاليه انما المحافظه على ثبات العربيه على ارض ممهده اسهل بكتير و متسوبيشى صاحبه براءه اختراع هذه العفشه و بتطبقها فى جميع موديلاتها مش فى الانسر فقط ابتداء من سنه 92 و اللى عارف العربيات المتسوبيشى كويس هتلاقيه عارف ان طريقه تثبيت العفشه و اللينكات بتاعتها فى عربيات متسوبيشى من عام 92 تقريبا موحده من اقل عربيه لغايه ال4x4 والباجيرو. و هتستغربوا لو قلتلكم ان هذا النوع من العفشه(Mitsubishi Multi Link Suspention) بدأت الBMW تنزل عفشتها مشابهه لهذا النوع من العفشه لأنه بيدى Flixability اكتر لأن العربيه تحافظ على مستوى ثباتها على الأراضى غير الممهده بالذات زى فى الراليات.
احب أوضح ايه التكنولوجيا اللى فى الالنترا أعلى من الانسر و مخليه الناس معجبه بيها اكتر من الانسر.
1-الموتور بتكنولوجيا Cvvt وهذا يعنى تغيير توقيت فتح و قفل الصمامات للحصول على افضل عزم مع العلم ان الانسر الشارك نازله بموتور Mivec وهذه تكنولوجيا مشابهه مع اختلاف المسميات فقط.
2-الباور كهربا و هذه التكنولوجيا اصبحت متاحه اكثر مؤخرا مع العلم ان الانسر الشارك الباور بتاعها كهربه بردو
3-الثبات فى الالنترا يوحى بأنه افضل بسبب ان المساعدين اكثر رياضيه من الانسر مع ان مساعدين الانسر رياضيه بردو و لو الطريق غير ممهد مع السرعات العاليه الانسر هتتفوق لان شركه متسوبيشى متفوقه فى عفشه الراليات. وللملاحظه كاوتش الانسر ال1600 أعرض من الالنترا (195/60/r15 للانسر) و (185/65/r15 للالنترا).
4-قوه البودى فى الانترا اثناء الحوادث ممكن تكون افضل من الانسر رغم ان صاج الانسر الخارجى أقوى و لكن الدراسات اللى معمول على اساسها بودى الالنترا دراسات تكنولوجيا 2007 انما البومه 2003 )
5-مش هتكلم على فرق الكماليات و عوامل الامان لأن ده مشكله محليه عندنا عنا بسبب الوكيل و طبعا الكل بيجمع على تفوق الانسر فى مصر فى هذه النقطه بسبب بخل وكيل هيونداى فى اضافه الكماليات بسعر مناسب
6-من الاخر المقارنه ظالمه من حيث الأداء لفرق التكنولوجيا بين العربيتين و الأكيد الأكيد رغم تطور شركه هيونداى ان البومه عمر افتراضى افضل من الالنترا.
7-الخلاصه ان اللى عاوز يقارن صح يقارن بالشارك و ساعتها هيلاقى الانسر عربيه أغلى من الألترا و أعلى منها فى الفخامه و القوه و الثبات و التكنولوجيا و كل حاجه مع العلم انها 1500 مش 1600 و الشارك ال2000 سىى بالذات (اللى ما بتنزلش مصر) تضرب الالنترا ال2000 سىسى (اللى بردو ما بتنزلش مصر) على عينها و لا تستطيع الالنترا الدخول معها فى منافسه لأن فتيسها كمان Cvt وجنوط 18 بوصه و حكايه جامده جدا مفيش موديل النترا يوصله خالص.
دلوقتى المقارنه ظالمه بين اللانسر والشارك لان كلنا متفقين ان اللانسر الشارك افضل وكفايه فرق السعر بينهم احنا بنقارنها باللانسر البومه وحضرتك زكرت انها تفوقت عليها وده اللى عاوزين نوصله للناس مش نقارنها بالشارك
فعلا انا ملاحظ ان عفشه الانسر الخلفيه زى عفشه الانترا وكمان السيفك الجديده زيهماقتباس:
المشاركة الأصلية كتبت بواسطة mohamedway
+100000000000000000000000اقتباس:
المشاركة الأصلية كتبت بواسطة mandooo
لأ حضرتك المقارنه الظالمه هى اننا نقارن الالنترا بالبومه لأن البومه تكنولوجيا 2003 و الالنترا تكنولوجيا 2007 انما المقارنه بين كلمه لانسر و كلمه النترا لازم تكون بينها و بين الشارك عشان تكون كل عربيه منهم حطه اخر تكنولوجيا وصلتلها و طبيعى ان الشارك هتكون أغلى من الالنترا (رغم انهم نفس الفئه) بس عشان الانسر أعلى طبعا لأنها يابانى و خرجوا البومه من المقارنه من فضلكم و لو مصرين تدخلوا البومه فى المقارنه يبقه تقارنوها بالالنترا 2006 لأن مستوى التكنولوجيا اللى فيها زى البومه.اقتباس:
المشاركة الأصلية كتبت بواسطة mandooo
النترا 2006 كانت قصادها بومه 2006 1600 سىسى والبومه افضل طبعا ولو انى باعترف ان الالنترا كويسه جدا بردو.
لما الالنترا تطورت و اتحط فيها تكنولوجيا افضل و غيروا شكلها نزلت متسوبيشى قصادها الشارك فى 2007 بس جاتلنا هنا فى مصر فى 2008 مع استمرار الشكل القديم لأنه مطلوب جدا فى مصر. وطبعا الشارك أفضل من النترا2007
إذن الانسر متقدمه دائما على الالنترا و كل ما الالنترا بتتطور اكتر الانسر بتتطور اكتر بكتير لتظل هى الأفضل و الأغلى سعرا مش من فراغ.
وبعدين وانا بفكر مثلا اشترى لانسر شارك و الفلوس معجزه معايا اقول اجيب النترا لأنها العربيه الكورى اللى بتنافسها بس رخيصه عشان كورى و هتاخد وقتها معايا و خلاص انما ماينفعش أقول الالنترا 2007 بنفس تمن البومه و افضل منها فا هشترى النترا لأن مش ده اللى تتحط قصاد ده زى ما قولت.
انا فاكر الالنترا 2006 لماكانت ب85 الف كانت منافستها الانسر 1600 موديل 2006 ب105 الف و الاتنين مانوال بفارق 20 الف جنيه
لما بقه فيه النترا جديده 2007 بقه قدامها الشارك اغلى منها بفارق 20 الف تقريبا بردو.
لازم نوحد الموديلات و التكنولوجيا اللى فى العربيه عشان نعرف انهى عربيه متقدمه اكتر زى ماهو ماينفعش اقول اللانسر بومه2006 افضل من كرولا 95 لان طبيعى الانسر هتكون افضل انما ممكن اقول كرولا 2006 افضل من لانسر 2006.
يا ريت تكون وجهه نظرى وضحت.
لو فرضنا مع بعض ان شركه متسوبيشى كانت بطلت نزول البومه زيرو بمجرد ما عملت الشارك ما كانش حد هيجرؤ يقارن عربيه كورى زى الالنترا بيها (بس كتر خير شركه متسوبيشى انها حرصت على وجود عربيه لانسر سعرها معقول عشان الناس اللى بتحب تركب لانسر و متتقدرش على تمن الشارك تقدر تلاقى بديل بس بصراحه الحركه ده هى اللى فتحت باب الجدل و خليت سعرها قريب من الالنترا الجديده و بدأت الناس تقارن لانسر بالنترا و اللى عمره ما حصل بس عشان مفيش النترا حدايه و حوت مثلا زى البومه والشارك كده؟!!!!)
وعلى فكره البومه اخرها 2010 و بعدها مش هيبقى في عربيتين لانسر و النترا زيرو يمكن مقارنتهم ببعض.
لو فرضنا مع بعض ان شركه متسوبيشى كانت بطلت نزول البومه زيرو بمجرد ما عملت الشارك ما كانش حد هيجرؤ يقارن عربيه كورى زى الالنترا بيها (بس كتر خير شركه متسوبيشى انها حرصت على وجود عربيه لانسر سعرها معقول عشان الناس اللى بتحب تركب لانسر و متتقدرش على تمن الشارك تقدر تلاقى بديل بس بصراحه الحركه ده هى اللى فتحت باب الجدل و خليت سعرها قريب من الالنترا الجديده و بدأت الناس تقارن لانسر بالنترا و اللى عمره ما حصل بس عشان مفيش النترا حدايه و حوت مثلا زى البومه والشارك كده؟!!!!)
وعلى فكره البومه اخرها 2010 و بعدها مش هيبقى في عربيتين لانسر و النترا زيرو يمكن مقارنتهم ببعض.
و شهد شاهد من أهلها :)اقتباس:
المشاركة الأصلية كتبت بواسطة limo
و فعلا كما تفضل العضو عناصر الامان فى اللانسر ليست فقط هامة و لكنها غير موجودة فى الهيونداى.
ملاحظة أخيرة أرجو أن يتقبلها أصحاب الهيونداى، ما هذا المفتاح القمئ الذى يأتى مع السيارة؟! يعنى أدفع 100 ألف و أخذ مفتاح أقل ما يوصف به انه جربان و مكتوب عليه "غريب" كمان؟ :tt2:
+ 1اقتباس:
المشاركة الأصلية كتبت بواسطة mohamedway
انا نفس الرائ برضه بس حاسألكوا سؤال تانى تفتكروا انهى احسن البومة و لا الشارك ( الاثنين لانسر )
انا كنت في نفس الحيره دي و في الاخر استقريت علي لانسر و لسه مستلمها من اسبوعين...... الواحد مابيغيرش عربيته كل يوم
بصراحة انت عملت الصح لانك مش هتندم فى يوم انك اشتريت اللانسر لانها بصرااحة عربية مميزاتها اكتر من عيوبها ويابانية بالكامل ومعمرة جدا ورياضية جدا جدا بالذات الرياضية والسوبر اكشن وشكلها من بره ما شاء الله بالعتب والكساحات والسبويلر حاجة جامدة جدا وموتور وفتيس cvt وعفشة تستحمل البهدلة وباور كويس اضمن من الكهربا واهم حاجة سعر اعادة البيع ده لو هتبيع ربنا يباركلك فيها ويكفيك شرهااقتباس:
المشاركة الأصلية كتبت بواسطة Kareem Khattab
same question here : حاسألكوا سؤال تانى تفتكروا انهى احسن البومة و لا الشارك ( الاثنين لانسر )
هوه اكيد الاحدث افضلاقتباس:
المشاركة الأصلية كتبت بواسطة aymamgad
بس انا رأى ان الانسر الشارك غاليه وبنفس الثمن اجيب كورولا يابانى افضل من الاثنين
لاكن بالنسبه للبومه فيه ممتازه لواحد امكانياته لحد 115 الف جنيه
ممكن تقول لى جبتها منين و بكام ؟ و ايه امكانياتها ؟اقتباس:
المشاركة الأصلية كتبت بواسطة Kareem Khattab
انا جبتها من ناشيونال موتورز ايجيبت في مكرم عبيد ب 129000
و هم اللي بيستوردوها و كنت مستلم العربيه عامله 20 كيلو بس
و دي مواصفات العربيه
كويتي
1600cc -حصان 122
كشافات اماميه غامقه و خلفيه شفافه
فتحة سقف
abs-ebd
جنوط سبور
فرش جلد طبيعي
سبويلر
كاسيت اصلي + سي دي تشينجر
فوجات
باكيتات رياضية جانبية
اكصدامات عريضة
اريال سقف
مقابض نيكل
طارة و فتيس جلد طبيعي
2 ايرباج
ريموت كنترول
مرايات كهربائية
اليكترونيك ايموبليزر
عفشة رياضية
زجاج كهرباء
باورستيرنج
تكييف
الكنبة قابلة للانطواء
مخدع خلفي مزود بحامل أكواب
كرسي السائق قابل لتغيير الارتفاع
يا جماعة والله انا فكرت كتير فى الموضوع دة انا معايا لانسر سبورت2008 و اخويا معاة النترا كاملة2008 فكرت كتير انى حتى ابدل معاة اسبوع كل ما بنتفق الاقى نفسى حابب الانسر اكتر مع ان فى السحب الالنترا تكسب و بصراحة سئلت واحد صاحبى تاجر عربيات علشان كنت عايز اغير قلى سيبك من موضوع الكورى و اليابانى بس عن ثقة موتور اللانسريعمل معاك لحد مليون1000000 قبل ما يفتح بوقوة اما الالنترا اخر الموتور من 250000 الى 350000 فالفرق فعلا كبير و يستاهل ولا اية؟؟؟؟؟؟؟؟؟؟؟؟؟؟