برامج لازم تبقى على موبايلك الأندرويد
السلام عليكم
طبعاً احب اشكر الإدارة أنها فتحت الساحة التكنولوجية
أنا كنت عايز ده يبقى أول موضوع بس LegendJo سبقنى :)
نيجى للمهم
كل اللى بيجيب موبايل أندرويد و أول مرة يدخل على الستور و يتوه و ميعرفش يستخدم ايه
و فى ناس اتعودوا على برامج معينة و ميعرفوش أن فى برامج أحسن
فى الموضوع ده هحاول اجمع كل البرامج اللى لازم تبقى موجودة على أى موبايل
Office
الناس اللى بتستخدم الموبايل فى الشغل لازم يبقى عندها برامج تشغل الdocs و الpdf و الexcel فى برامج كتير بتعمل الحاجات دى
microsoft office أو زى ما سموه Office Mobile for Office 365
و ده يعتبر أكتر واحد فيه عيوب لأن لازم اشتراك و لازم أندرويد ICS و أعلى
Quickoffice Pro كنت بستخدمه و كويس جداً
OfficeSuite Pro كويس جداً
Kingsoft Office ده اللى بستخدمه دلوقتى برنامج كويس و لذيذ و الأهم أنه ببلاش (كل اللى فاتوا دول بفلوس و غاليين نسبياً)
Books
برامج الoffice اللى فوق فيهم pdf
بس اللى عايز برامج قراءة :
Moon+ Reader أحسن واحد عشان بيشغل pdf و epub و cbr و cbz للcomic books يعنى بيشغل كل حاجة
Foxit - Adobe reader كويسين بس Moon+ أحسن
Browsers
فى browsers كتير هقول أشهرهم
Opera - Chrome - Firefox محدش ميعرفهومش بس يعتبروا تقال و بيستهلكوا رامات كتير فمينفعوش للموبايلات الضعيفة
Dolphin كويس و فضلت استخدمه فترة طويلة بس بقيت استخدم برامج تانية
Lightning Browser كويس جداً ساعات بستخدمه
UC - Next - Boat - One browser كل دول جداد بس الreviews كويسة جداً
أنا أكتر واحد بستخدمه هو الstock browser بتاع الJB
الخرائط و الgps
فى برامج كتير بس أنا هقول أشهرهم
Maps من جوجل اتطور كتير و بقى فى offline maps و مميزات كتير حلوة
Garmin Navigator مجربتوش و الreviews مش مشجعة أوى
Ndrive جربته كذا مرة و شغال بيه لحد دلوقتى
Sygic جربته و شغال حلو جداً
Route66 مجربتوش
iGO مجربتوش
أهم حاجة فى البرامج دى أنك تلاقى خرايط البلد
غير كده مفيش مشاكل
File managers
OI file manager بستخدمه خفيف و بسيط و فى root explorer
ES file explorer بستخدمه عشان الpermissions
Androzip بستخدمه للحاجات المضغوطة
Bluetooth File Transfer ( واحد يقوللى هو ده file manager أقوله هو استخدامه الأساسى هو البلوتوث بس أنا جربت رومات فيها bug مكانش ينفع أبعت حاجة بأى file manager و كان لازم أستخدمه )
Tools
Smart tools ده الخلاصة :) فى حاجات كتير ( بوصلة - مسطرة .... )
Tiny Flashlight + LED للتحكم فى الفلاش و morse code و حاجات تانية
QR Droid ده بيعمل scan للQR codes زى دى كده
http://upload.wikimedia.org/wikipedi...ile_en.svg.png
Memos - Notes
S memo للgalaxy note و الs4
Google Keep بستخدمه حالياً كويس جداً و بسيط
Evernote ممتاز
Springpad مجربتوش بس الreviews كويسة
فى كمان Catch notes كويس جداً بس للأسف أخره هيبقى يوم 30
keyboard
أنا شايف أن الstock keyboard ملهاش لزمة
الkeyboard الوحيدة اللى جربتها و محتجتش غيرها هى Swiftkey
لسه فى حاجات كتييييييييير
هكمل بكره إن شاء الله
و لو حد يعرف برامج تانية يقول