سحب العربيه قل معايا بردو

ازيكوا ياهونداويه.....انا الوقتي عندي مشكله ان العربيه مخنوقه....... ولما ادوس بنزين واقرص عليها شويه صوتها بيعلى وبتسحب خفيف وبتقعد حوالي من 5 الى 6 ثواني على اما تجمع.... مغير بوجيهات وفلتر بنزين بقالي 7000 كيلو... مايعادل 9 شهور... البوجيهات نوعها هوندا..فلتر البنزين مش الاوريجينال.....بحط بنزين 92 ... ومركب فلتر apexi على الماسورة البلاستيك..... وبنضفه على طول....العربيه ساعات بتسحب حلو .... مع العلم اني فضلت فتره احط 90 ايام الازمه.....والبنزين دا مكانش نضيف خالص...وفي حاجه كمان....لما بحط الفتيس على D4 وامشي ضاغط بنزين شويه صغيرين...يقوم الفتيس ماشي لحد ما ينقل الغيار الاعلى اقل من سرعته..... واسمع صوت كركره...لازم اضغط بنزين زياده عشان يقوم مسقط نقله تاني... ايه المشكله يارجاله؟؟؟ وتنصحوني اغير ايه؟

how many km is u r honda???

اقتباس:

---

المشاركة الأصلية كتبت بواسطة mecha

how many km is u r honda???

---

206 الف .... بس دا ايه علاقته بالموضوع؟

مبداياً جرب تشيل الفلتر وجرب الاصلى لو لسة موجود أو شيله خالص وجرب العربية مسافة صغيرة من غيره كدة
وكمان بما انك بتقول بنزين مش نضيف وفلتر مش اصلى يبقى تغيره وتشوف
دول اسهل حلين لمعرفة المشكلة دلوقتى
باقى الحلول هتتعرف لما نعرف اخبار زيت الماتور والفتيس عندك واعتقد انك اتوماتيك يبقى تبص على شدة سلك الكيك داون
والكركرة دى ممكن تكون ضبطة الاسبراتير

اقتباس:

---

المشاركة الأصلية كتبت بواسطة no comment

مبداياً جرب تشيل الفلتر وجرب الاصلى لو لسة موجود أو شيله خالص وجرب العربية مسافة صغيرة من غيره كدة
وكمان بما انك بتقول بنزين مش نضيف وفلتر مش اصلى يبقى تغيره وتشوف
دول اسهل حلين لمعرفة المشكلة دلوقتى
باقى الحلول هتتعرف لما نعرف اخبار زيت الماتور والفتيس عندك واعتقد انك اتوماتيك يبقى تبص على شدة سلك الكيك داون
والكركرة دى ممكن تكون ضبطة الاسبراتير

---

الف الف شكر ياباشا على ردك.....ز منور الموضوع ... وان شاء الله اعمل اللي قلت عليه ...و متابع ....تحياتي

اعتقد طالما الفتيس بيهيس يبقى لازم تغير زيت الفتيس

هي المشكلة دي ظهرت بعد تغيير الجنوط ولا كانت موجودة قبل كدة صحيح ؟

موضوعك دة ببساطة عايز الاتى :

1- تنظيف التانك , تماما

2- تنظيف الرشاشات

3- وبعد ماتخلص كل دول تحط 10 لتر بنزين 95 تمشى بيهم حرق شوية على خفيف

موضوع ان الفتيس بينقل بدرى عن ميعادة , دة معناة انك عايز تظبط wire ال kick down


وشوف انت اخر مرة نظفت فيها الايدل او ال throttle body عموما , ولو عدى عليهم اكتر من 6 شهور نظفة

ممكن يا سمسم اعرف انظف التانك ازاى

اقتباس:

---

المشاركة الأصلية كتبت بواسطة محمد أنور

اعتقد طالما الفتيس بيهيس يبقى لازم تغير زيت الفتيس

---

انا بصيت على سلك الكيك داون طلع مريح..... الميكانيكي زبطه وبعد كدا بقت تمام...... وزيت الفتيس كدا كدا عايز اغيره عشان الفتيس بينتش ...... تحياتي

اقتباس:

---

المشاركة الأصلية كتبت بواسطة SAMEH_FOUAD

موضوعك دة ببساطة عايز الاتى :

1- تنظيف التانك , تماما

2- تنظيف الرشاشات

3- وبعد ماتخلص كل دول تحط 10 لتر بنزين 95 تمشى بيهم حرق شوية على خفيف

موضوع ان الفتيس بينقل بدرى عن ميعادة , دة معناة انك عايز تظبط wire ال kick down


وشوف انت اخر مرة نظفت فيها الايدل او ال throttle body عموما , ولو عدى عليهم اكتر من 6 شهور نظفة

---

اهلا بيك يا استاذ سامح....... انا غيرت البوجيهات ... وجبتلها ال ngk البلاتنينيوم........ وماشاء الله العربيه زبطت .......الحمد لله .... اما بالنسبه لل throttle body او الايدل ... ف دا من ساعة ما جبت العربيه من شهر 10 اللي فات ما نظفتوش.... استأذنك تقولي هو عباره عن ايه .... تحياتي...

هي البوجيهات البلاتينوم دى جامدة كده يا جماعة؟ ايه و منين و بكام ؟؟؟؟؟ حد يكلمني عليها

اقتباس:

---

المشاركة الأصلية كتبت بواسطة thebutcherr

هي البوجيهات البلاتينوم دى جامدة كده يا جماعة؟ ايه و منين و بكام ؟؟؟؟؟ حد يكلمني عليها

---

منور الموضوع ياباشا..... بص انا كنت مركب بوجيهات مكتوب عليها هوندا وكنت سألت صاحب المحل قالي ان شركة هوندا عاملاها لعربياتها....قلت جميل جدا...بكام ياعم الحاج ب 100 ج .. ركبتها وبعد 4000 كيلو تقريبا بدأ سحب العربيه يقل وتقلت جدا.... دا غير ان العربيه كانت بتستهلك بنزين كتيرالى حد ما...و الاعراض اللي كاتبها ف الموضوع دي كلها كانت موجوده....شكيت ف الفلتر الاسبور وشكيت ف الانجكشن وشويه فلتر البنزين.... العربيه طرمبة الميه بتاعتها ضربت امبارح وهي بتتغير عند الميكانيكي قلتله بصلي ع البوجيهات طلعت فحمه.....رحت اجيب بوجيهات من شركة اسمها الشركه المتحده هنا ف المنصورة......المهندس اللي هناك قالي البوجيهات البلاتينيوم هتقعد معاك 80000 كيلو دا اذا ما كانش اكتر.....بالاضافه ان انت لو بتستهلك ف الشهر ب1000 جنيه بنزين بالبوجيهات العاديه مع البلاتينيوم هتوفرهم ل 500 بس....وهتزبطلك اداء الموتور.... ودا اللي اتأكدت منه لما ركبتهم وطلعت ع الطريق.....بسم الله ما شاء الله العربيه بقت طلقه الحمد لله..... الطقم كنت جايبه بعد الواجب ب 145 جنيه ...... آسف للاطاله .... تحياتي ....

اطالة ايه يا ريس كتر خيرك و سعرهم كمان اي كلام انا جايب بتوع المازدا الاوريجنال ب 170