عرض للطباعة
السلام عليكم
انا معايا سيراتو 2011 فتيس 6 سرعات وماشى 55 الف كم ومغيرتش زيت فتيس نهائى وعايز اغير الزيت رجاء لو حد يعرف منين اجيب الزيت بتاعها اللى هو atf sp iii وسعره كام
انا كمان مغيرتش زيت فرامل وباور قبل كده ممكن استنى لل 60 الف ولا لازم يتغيروا كمان وشكرااا
زيت فالفولين Valvoline Maxlife ATF
(90 جم الكيلو)
MaxLife ATF - Automatic Transmission Oils - Valvoline
http://www.valvolineeurope.com/uploadedFiles/5264.pdf
زيت ليكوي مولي LiquiMoly Top Tec 1200 ATF
(80 جم الكيلو - 385 جم جالون 5 كيلو)
LIQUI MOLY - Motor Oils, Additives, Car Care - Products - Top Tec ATF 1200
http://www.liqui-moly.de/liquimoly/mediendb.nsf/gfx2/3680%20Top%20Tec%20ATF%201200_EN.pdf/$file/3680%20Top%20Tec%20ATF%201200_EN.pdf
والأثنين متوافقين مع مواصفة Kia SP-III
وبالنسبة لزيت الفرامل ينصح بتغييره كل سنتين بغض النظر عن الكيلومتر وذلك لطبيعة زيت الفرامل وهوا إمتصاصه للرطوبة وفقده لخصائصة ويفضل في السيارات الحديثة مواصفة لا تقل عن dot 4
علي ما اعتقد الفتيس كهربه مش زيت لان مفيش مقياس في الحوض
زيت فالفولين Valvoline MaxLife ATF
(90جم الكيلو) وهو متوافق مع مواصفة KIA SP II, III & IV
MaxLife ATF - Automatic Transmission Oils - Valvoline
http://www.valvolineeurope.com/uploadedFiles/5264.pdf
أو زيت ليكوي مولي LiquiMoly TopTec 1200 ATF
(80 جم الكليو, 385جم الجالون 5 كيلو) وهو متوافق مع مواصفة KIA SP II & III
LIQUI MOLY - Motor Oils, Additives, Car Care - Products - Top Tec ATF 1200
http://www.liqui-moly.de/liquimoly/mediendb.nsf/gfx2/3680%20Top%20Tec%20ATF%201200_EN.pdf/$file/3680%20Top%20Tec%20ATF%201200_EN.pdf
مفيش حاجة إسمها فتيس كهرباء فا مبيشتغلش بالزيت دا فتيس يعني تروس وكلتشات وضغط هيدروليك ومش معنى إنه مفيهوش مقاس يبقي مفيهوش زيت - نسبة كبيرة جدا من العربيات دلوقتي مفهياش مقاس زيت للفتيس سواء مانوال أو أتوماتيك مش زي العربيات الأقدم شويةاقتباس:
المشاركة الأصلية كتبت بواسطة spidars
ومعني كلمة فتيس كهربا يعني الفتيس الأتوماتيك مش مجرد تحكم عن طريق ضغط الهيدوليك بس - لكن بيتم التحكم بيه عن طريق كنترول إليكتروني وهوا بيدي أوامر للفتيس - زي بالضبط الموتور تمام زمان كان كلوا ميكانيكا دلوقتي في كنترول بيتحكم في الموتور نفس الفكرة لكن التزييت أساسي في الأثنين
الف شكر لردكم وأفادتكم
سؤال اخير الاحسن ال valvoline وللا ال liquimolly ومنين اجيبه
وهل فيه مكان بيبيع زيت الكيا ال atf sp 3
باشا خد بالك الفتيس بتاعك اتوماتيك 6 سرعات و ده الفتيس الجديد
هتحتاج زيت فتيس sp 4 و ده موجود فى توكيل كيا
انا عربيتى 2010 الفتيس القديم 4 سرعات بتحتاج sp iii بس انا حطيت sp 4
جبته من توكيل كيا فرع روكسى كان اللتر عامل حوالى 90-100 جنيه
علبته لونها ازرق و هو مخصص لكيا و من صنع كيا-هيونداى
الـvalvoline مواصفاته أعلي ومتوافق مع مواصفة Kia SP 4 وفيه إضافات للمحافظة على الأويل سيلات وشوف كتالوج عربيتك محتاجة SP3 يبقي متاح تحط فالفولين أو ليكوي مولي أو زيت الكيا لكن لو SP4 زي ما قال MB1986 يبقى تحط الفالفولين أو زيت الكيا من مكان ما قالكاقتباس:
المشاركة الأصلية كتبت بواسطة dr sherif
باشا ريح نفسك متغيرش الزيت قبل 100 الف
شوف الكتالوج يا كبير وانت هتعرف
من توكيل كيا تغيير زيت الفتيس ال 6 سرعات كل 80,000 كم وفعلاً الكتالوج بيقول 100,000 كماقتباس:
المشاركة الأصلية كتبت بواسطة dr sherif
زيت الفرامل يفضل يتغير على حسب الحالة فى حدود 40,000 كم علشان الرطوبة.
.
كلام مضبوط جدااقتباس:
المشاركة الأصلية كتبت بواسطة micfid
-ما تسمعش كلام حد و غيرة أحسن الفتايين خسرونا كتيير
اقتباس:
المشاركة الأصلية كتبت بواسطة toty_305
الخواجه الي عمل العربيه عملها كتالوج عشان نتعامل معاها
مش زنبي ان حضرتك مش بتشوف الكتالوج
بعيدا عن الموضوع اطلاقا ليه بقينا كدا ليه وصل اسلوب النقاش بينا للمستوى دا يا شباب الخير طبيعى جدا اننا نتناقش فى اى موضوع عربيات سياسه حياه اجتماعيه وطبيعى جدا الاختلاف حاجه صحيه جدا لان كل واحد بيقول وجهه نظروا واحنا بنفكر فى الموضوع من كل الجوانب
ال بيقول الذيت بيتغير على 40 الف ليه وجهه نظر وال بيقول انه مش بيتغير خالص ليه وجهه نظر واحنا لينا عقل بيفكر بس الاهم من دا كله اسلوب النقاش المتحضر