العربية تدور ذى الفل من اول تكه في بداية اليوم لكن بتتأخر في الدوارة في وسط المشاوير

شباب المنتدى الكرام .. الســـــــــلام عليكم ورحمة الله وبركاته العربية في بداية اليوم تدور ذى الفل من اول تكه لكن لو وقفت في مكان وبطلتها وجيت ادور تاني بقت بتاخد وقت طويل مش عارف ليه هى بتدور من اول مرة برضو بس بقت بتطول
مع انها سخنة من المشوار مش بارده

هل غسيل حوض العربية بالمياه والجاز يكون السبب
ويؤثر على اداء الرشاشات ويخلي البنزين خارج نى مع العادم شويه وعامل ريحة لأن من بعد الغسيل ده العربية برجلت وخرفت حتى في معدل استهلاك البنزين زاد عن الأول وبقت ريحة العادم غريبة كأنه غير كامل الأحتراق
أعمل ايه وشكرا
:help2:

لو مبرجله اكشف على البوجيهات
اما عيب تاخير الدواره بعد مشوار ده عيب رشاشات

طبيعي والعربية سخنة

اللى بيحصل عندك دة عيب رشاشات

بص أقرأ الموضوع دا فيه كل الأحتمالات بما فيهم البطارية - المارش - الموبينة - الرشاشات
فأكيد هيفيدك,, لأنك هتقرا من تجربة كل واحد,, وهتعرف أيه الطريقة اللي تكشف بيها صح علي مشكلتك
قبل ما تروح تغير حاجة عندك صح وهيا سليمة,,
لأنك ممكن مشكلتك توصفها لنا حاجة, وتتفهم حاجة تانية, وتطلع حاجة تالتة غيرهم.!!

فأنت أقرأ الموضوع وشوف أيه الأقرب ليك من تجارب الأعضاء.

http://www.nilemotors.net/Nile/312270-a.html


ونصيحة مني متكتبيش باللون الأحمر دا تاني ابداً, عشان هوا خاص بالأدارة فقط وعشان الموضوع ميتلغاش او يتمسح.

عيب رشاشات يا كبير دي لو بتتاخر في الدواره
لو بتبرجل وتحس السحب قليل
اكشف على الوجيهات

شكرا ليك يا على ردك وعل ردود باقي الأخوة
بس انا معرفش موضوع اللون الأحمر انه خاص بإدارة المنتدى وخلاص هخلي بالي وشكرا....

الموضوع اللي حضرتك حاطط الرابط بتاعه قريب جدا من مشكلتي ومفيد جدا

الشكر لله وأقراة كويس, وأنا مكنتش عارف أنو للأدراة بس غير لما شوفت كلام كتير بيتمسح بسببة وتنبيهات فقولت أعرفك,
وبالنسبة للموضوع التاني شوف الردود اللي فيه كويس,
وأبدء بالكشف علي الحاجات الخفيفة والأسهل ليك أنك تكشف عليها, وخد كل حاجة واحدة واحدة من الأسهل للأصعب, واللي أنت شاكك فيها أكتر تكون السبب,
عشان متبدأش بحاجة كبيرة, وميكونش العيب منها ويطلع من حاجة تانية صغيرة بعدها.

يعني الأخوة اللي قالو رشاشات هما معاهم دايو ويفهمو أحسن مني,
بس انت لو مشرحتش مشكلتك صح, ممكن التشخيص والعلاج اللي هتاخدة منهم ميكونش حل لمشكلتك,
زي ما ناس كتير في الموضوع التاني كان كل واحد فيهم مشكلته علاجها من حاجة غير التاني وكلهم عربياتهم بتغيب في الدوران بعد ما بتسخن.