تمام جدا ياباشا
انا فعلا واقع بين رأيين
واحد يقولى سلمها لمكتب هندسى واستلمها على المفتاح
والتانى يقول لأ لالالالالا اعملها انت احسن هتوفر نص اللى هتدفعه للمكتب وانت اوله
فمش عارف بصراحه :oh::oh:
عرض للطباعة
ربنا يوفقك ....
شوف ظروفك وأحكم هتعمل أيه ..... أنا كنت بنزل مع المهندس مثلا نشترى السيراميك ... انا أختار زى الباشا وأدفع و هو ينقل ويطلع ويحاسب العمال بما يرضى الله طبعا ويركب سيراميك ويتابع عمال .... وأخيرا يسلمنى بند السيراميك زى الفل ... ولو فيه حاجة غلط يفك على حسابة .... كل البنود كده .... أقصد ان مهندس الديكور مسؤليه وراحة بال بالنسبة للباشا الى بيشطب .... لكن خد بالك انك هتدفع 15 % على كل حاجة ( المشتريات و النقل و التطليع والتركيب ) ..
حسب مستوي التشطيب
السوق فيه من 400 جنيه للمتر الي 1200 جنيه للمتر
سلمها لمكتب حد ثقة مجرب او تشوف كذا شغلانه هو عاملها وانت تشترى كل حاجه وهو ياخد مصنعيات و نسبة اشراف وتكون متفقين على سعر كل حاجه والنسبه قبل الشغل
عندنا شقة 150 نصف تشطيب برضه متكلفة 85 الف جنيه احنا اللى عملناها من غير مهندس او مكتب
انا عندي شقة 120 متر
بشطب فيها حالياً لكن حالياً وصلت لمرحله (المحارة والخشب والكهرباء والسباكة)
طبعاً شقة حضرتك نص تشتطيب فمش هقدر افيدك لأني لسه لم انفذ اكتر من كده
لكن بشكل عام الاسعار زادت في كل حاجه
يعني في هنا عضو فاضل قال ان سلوك الكهربا حوالي 1000-1500 لشقة بمساحة 180 متر
شقتي اللى اقل من شقتك بنسبة كبيره اتكلفت سلوك اكتر من 2500 جنية
ياريت كنت اقدر افيدك اكتر
العفو حضرتك تؤمراقتباس:
انا شاكر لحضرتك جدا جدا جدا
انا فى حاجات كتيير كنت مش عارفها من اللى انت كاتبه ده فهمت وعرفت الدنيا ماشيه ازاى
وانا خدت الكلام ده كوبى و نزلته على النوت بتاعه الموبايل عشان الأنواع والأسعار اراجعها كبل شويه
وشكرا جدا مره تانيه على مشاركتك
كلمني وانا هحاول افيدك علي قد ما اقدر انا باخد شغل تشطيب لناس بس انصحك شطب انت احسن وخاصة ان تحت ايدك الصنايعيه ةدي تقريبا اصعب حاجه ، المهم انت كلمني وانا هقولك اسعار المصنعيات والخامات ع قد ما اقدر افيدك ، رقمي 01144395000
التشطيب عملية متعبة جدا بس بتعلمك حاجات كتيرة قوي
ممكن تستعين بصنايعية كويسة بس لازم تكون على ايديهم برضه و ده يوفر و يطلع شغل كويس و حتدفع طبعا اقل كتير مقارنة المكاتب و المهندسين .
الخامات الكويسة أسعارها معروفة و ممكن تاخد لفة تسأل عنها و تنجز كتير
عند مترو العتبة حتلاقي الأسلاك و مستلزمات الكهربا كلها و لما يكون معاك صنايعي كويس حيفيدك برضه
الأسلاك تكون سويدي أصلي و الفيش و المفاتيح على زوقك من هناك أوتجيب ماركة ألف alf سعودي فى شركة مدينة نصر عندهك حاجات نضيفة جدا و مش غالية جدا مقارنة باللى فى السوق
مفاتيح اللوحة القواطع تكون من عند جيلا جنب مترو جمال مضمونة و مش غالية
المواسير كلها بننجر ألماني او الشريف من عند السلاب (مش حتتخم و تبقى ضامن انه أصلي ) و أرخص من محلات كتيرة
عزل الحمامات انسومات من عند السلاب برضه او من باب الخلق او السبتية
الخلاطات من عند السلاب او محجوب و بيعملوا خصومات كتيرة
السيراميك طبعا من السلاب او محجوب - أو لو ليك حوارات ترسا و عين شمس يبقى خلي بالك كويس
لما تبدأ فى التشطيب لازم يكون معاك سيولة عشان تعرف تخلص بند بند
الكهربا - 2500-3500 مصنعية و خامات 6000-8000
تأثيث السباكة 1000-1200 مصنعية و خامات 2000-3000 ( فنش 600 و الخامات على حسب زوقك 8000-15000
السيرامك 4000-5000 مصنعيات - خامات 15000-18000
المحارة و المصيص و الكرانيش 5000-8000
الدهانات 2000 - خامات 2000-3000
النجارة 1000 - و خامات 5000-15000