المشاركة الأصلية كتبت بواسطة ralliart
الـlg فيها بانل ips ودي حاجة مهمة جداً في تلفزيون علشان دي بتسمح بزاوية رؤية أحسن بكتير مع الاحتفاظ بالالوان (يعني لما تبصلها بزاوية مفيش حاجة لونها يغمق او يفتح)
السمارت سيستم بتاع lg فيه برامج أقل من سامسونج بس lg فيه ماجيك ريموت ودا حاجة فعلاً السمارت ملهوش طعم من غيرها
مع العلم ان عندي سامسونج ua46es6200 3d وجربت lg 47ln5700 لفترة كافية وقارنت بين الاتنين وفعلاً غير الـ3d الال جي امتع واحسن بكتير بسبب الماجيك ريموت والـips
موضوع ان السامسونج فوق والباقي بعده ده مش صحيح والشركتين منتجاتهم ممتازة ويعتمد عليهم والدليل على كدة ان سوني وباناسونيك مع شهرتهم الكبيرة كانو بيشترو البانل بتاعتهم من سامسونج مش بيصنعوها وفي سنة 2013 بقو يشترو من lg وموديلات السنة الجاية من سامسونج من المتوقع انها تبقى ips هي كمان وميغركش ان السامسونج أغلى فهتبقى أحلى علشان انا شفت بلاوي وانا بشتري موديلات قديمة بتتباع أغلى من الجديدة والسوق المصري ماشي بالسمعة