الموضوع: الراجل مش عايز يحطلي بنزين

من كام يوم واحد صاحبي العربية بتاعته قطعت بنزين عند معرض الكتاب اللي في مدينة نصرفخد جركن وراح عند محطة بنزين وطنية اللي عند المعرض بجوار وزارة المالية وقال لراجل حطلي بنزين فالراجل رفض وقاله ممنوع قاعد يتحايل عليه شويه العربية قاطعة طاب تعالي معايا اتاكد طاب شوف البطاقة بتاعتي طاب خدها وهارجعلك بالعربية افول من عندك ويجيبه يمين شمال وبرده رافض قال بس المصري معروف بذمته الاستك طلع خمسه جنيه وجه يديهاله الراجل رفض وقاله امشي من هنا بدل ماجبلك الشرطه العسكريه
قام داخل لمدير المحطه يستسمحه برده مرضيش فمشي وبيقولي انا في قمه السعاده اني لاقيت ناس محترمين وعندها ضمير وذمه واحترام للتعليمات والنظام
فكلمني قالي تعالي نجيب بنزين خدت العربية وروحتله قالي نجيب منين قولتلوا انت لسه هاتفكر بينا علي التعاون وجهز الخمسه جنيه والراجل خدها ومش مصدق نفسه فقولنا في سرنا اهي الناس ده الفوضويه بتوع الفتاكه اللي مرجعانا ورا نفسي الاقي حد بيطبق القانون والنظام
واحد صاحبنا قالنا انتوا هتمثلوا بتاع البنزينه غلطان ياعم احنا في مصر عارف يعني ايه مصر الكلام ده يروح يعمله بره طاب شوف لو انا كنت مكانك والراجل مرديش يديني بنزين شوف كنت هعملك ايه اصل هي بالدراع والصوت العالي
قولتلوا نفسي تقع في سواق مكروباص ولا توكتوك ويطبق عليك القانون بتاعه ساعتها هتعرف يعني ايه نظام واحترام
حفظ الله مصر ورزقها الامن والامان والاستقرار
وصدق الله العظيم حين قال ( لا يغير الله ما بقوم حتي يغيروا ما بانفسهم )
اللهم نقنا من الخطايا واهدنا الي سبل الرشاد والصواب واجعلنا من المصلحين في الارض لا المفسدين فيها
فالدوله ما هي الا عبارة عن مجموعة من الناس عنوانها في اخلاق وصفات الناس وقوتها في اتقان وتفاني الناس في عملها وسلاحها في في وحده ناسها
معلش طولت عليكوا