الموضوع: عاوز اعمل فحص للانوس 2013 ايه افضل مكان

اولا : ألف مبروك ... ربنا يباركلك فيها و يديك خيرها و يبعد عنك شرها .

1- العربيه ضمان 3 سنوات او 100000كم ...ايهما اقرب .
2- الضمان ضد عيوب الصناعه .
3- الصيانات كل 5000 كم .
4- اول صيانه ال 5000 كم .. مجانيه ... بمعني مبياخدش منك مصنعيه ... لكن : الزيوت و الخامات بيحاسبك علي ثمنها .
5- تهتم بانك كل ما تعمل صيانه .. تخلي المركز يختملك جوه كتيب الضمان في المربع المخصص للصيانه .
6- بتحجز للصيانه علي رقم 16424 و بيديك معاد خلال 48 ساعه ..و بتختار اقرب فرع ليك .
7- اثناء استقبال السياره ... مهندس االاستقبال بيسألك عن الرخصه و شويه بيانات و بيسألك فيه اي شكوي بخلاف الصيانه ؟... لازم تقوله علي كل ملاحظاتك و يكتبها في ورقه الاستقبال ...عشان لو فيه حاجه يتكشف عليها .
8- بعض المهندسين حتقوله مثلا انا بسمع صوت هنا ...حيقولك طبيعي ... و بعض المهندسين حيقولك هوه فين الصوت ...لازم اسمع الصوت .... طبعا في الحاله دي مش حوصيك :-))... تطلب تقابل مدير التوكيل فورا ... لغايه ما تقتنع انت .
9- انصحك عند اول صيانه 5000 كم ... لما تنزل زيت الموتور ... تحط زيت تخليقي بالكامل 10000 كم .
10- منصحكش تخرج من الضمان تحت اي ظرف .... و أقرأ كتيب الضمان كويس جدا عشان تعرف ليك ايه و عليك ايه .

ده بالنسبه للصيانات ... ال 5000 كم و ال 1000 كم و هكذا ...

بالنسبه مثلا لو انت اشتكيت من حاجه معينه حاليا مثلا ...يعني قبل ال 5000 كم ... او مثلا عند 7000 كم ... اقصد في غير وقت الصيانات ....

طبعا من حقك تروح التوكيل في اي وقت خلال ال 3 سنوات .... طالما فيه شكوي عندك ... و ده مجانا لأنك في فتره خدمه الضمان .... العربيه تعتبر بتاعتهم .... كل اللي ممكن يحاسبك عليه زيوت- مياه تبريد - شحم - حاجات خفيفه يعني .

و بالتوفيق .