-
مساعدة بخصوص فيات سيينا
يا جماعة أنا ناوى أشترى إن شاء الله سيينا ..واللى خلانى اخد القرار ان ناس كتير بتشكر فيها ..وبماإنها اول عربية لى..فأنا عاوز اسألكم ايه أجيب 1400 سى سى ولا 1600 سى سى من حيث سعر قطع الغيار والصيانة .
ويا ريت لو فى حد هنا من الأسماعيلية يدلنى على ميكانيكى وكهربائى بيفهموا فى العربية لأنى على حسب ما فهمت ان اللى بيفهم فيها قليل ومش اى حد.
-
مبروك عليك مقدمآ
ال 1600 افضل من حيث الماتور والاداء والمضمون
-
لو مصمم على السيينا و دى اول عربية ليك ومش عاوز تلف وراها يبقى هات ال1400 هاتريحك وهاتريح الصنايعية عن ال1600 بكتيييييييير
وهاتلاقى حاجتها اكتر من ال1600
وحاجاتها موجودة جديدة عند الكيلانى فى شامبليون جمب كشرى ابو طارق فى القاهرة وللاسف ما اعرفش حد شغال فيها فى الاسماعيلية
وممكن تكلمه تستفسر عن فروق الاسعار بين المودليين للتاكيد
وحاول تشوف عربية عدادها قليل عن 100 الف
وربنا يوفقك يا باشا
Content Relevant URLs by
vBSEO 3.6.0 PL2