هو تجديد جواز السفر الجديد بياخد كام يوم ؟
هغير فية المهنة و اخلية غير مطلوب للتجنيد
هعملة في جوازت قسم مدينة نصر
عرض للطباعة
هو تجديد جواز السفر الجديد بياخد كام يوم ؟
هغير فية المهنة و اخلية غير مطلوب للتجنيد
هعملة في جوازت قسم مدينة نصر
3 ايام عمل ...
يا باشا احسن تروح كمان اسبوع لان جوازى اتاخر يومين قبل كده
خليك فى المضمون
الجواز بيروح المجمع يطبع هناك و يرجعلهم ... فبالتالى المفروض بياخد ٣ ايام الا اذا كان فى قلق فى التحرير
من كام شهر قدمت عليه في 6 أكتوبر يوم الخميس الصبح واستلمته الاتنين بعد الضهر.
الطبيعي 3 ايام
بس من ساعة ما الباسبورات بقت مميكنة بقت بتتطبع في التحرير فقط ...... القسم مجرد بيستلم منك الطلب و الاوراق يراجعها و يبعتها التحرير و يسلمك اما يوصلهم
لو حصل قلق في التحرير ممكن يتاخر
في ظل الظروف الحالية مانصحكش تجدده و انت مسافر كمان اسبوع
بفكر اعملة في المجمع علشان اكسب وقت
ينفع مسلمش الباسبور القديم علشان ابقي في المضمون؟؟
لو عنوانك مش تبع دائرة المجمع (المعادي و السيدة زينب و شوية مناطق تانية) ما ينفعش تعمله في المجمع
انت ما بتسلمش القديم بس برضه مش هتبقى في المضمون لان اول خطوة بيعملوها في اصدار الجديد انهم بيكنسلوا الحالي عالسيستم ..... لان ممنوع يكون فيه جوازين صالحين لنفس الشخص في نفس الوقت ....... فهو هيكون معاك بس مش شغال و لو حاولت تسافر و الظابط كتب رقمه عالكمبيوتر بيطلع له لاغي و مش هيسمح لك بالسفر ...... حتى لو مش مختوم عليه لاغي (ما بيتختمش عليه لاغي الا اما تستلم الجديد لان و انت بتستلم الجديد لازم تاخد القديم معاك يختموا لك عليه لاغي)
فنفترض انك قدمت و ما استلمتش بسبب القلق بس كانوا خلاص بعتوا الطلب للمجمع و كانسلوا اللي معاك ...... مش هتعرف تخرج من البلد
طيب هل بيختموا لاغى على الجواز المنتهى المدة؟ و لا لما بيكون لسه سارى بس؟
بص
في كل الحالات سواء منتهي او لأ , ممتلئ الصفحات أو لأ , لو معاك جواز (مش اول مرة)
1- لازم و انت بتقدم تاخد اصله معاك توريه لهم عشان اثبات انه مش ضايع
2- بيلغوه اثناء اصدار الجديد على السيستم حتى لو لسه ساري المدة
3- لازم و انت بتستلم الجديد تاخد الحالي معاك يتختم عليه لاغي (حتى لو لسه ساري) لان ما ينفعش يكون فيه جوازين صالحين معاك ....... بس مش بيسحبوه عشان لو عايزه عشان الاختام و التاشيرات اللي عليه
عمره ما بيتسحب حتى ما بين التقديم و الاستلام ...... هو بيشوفه و انت بتقدم و يرجعهولك
و انت بتستلم بياخده منك يختم لاغي عالصفحة الاولى بتاعة البيانات و الاخيرة و يديهولك
الحكمة من كده انك لو عندك تاريخ تاشيرات و اختام و عايز تحتفظ بيه
او لو عندك تاشيرة سارية تنتهي بعد نهاية الجواز و عايز تسافر بيها بالجوازين او عايز تروح لحكومة او سفارة البلد و تنقلها من القديم للجديد
طب بيبقي اية الاوراق المطلوبة و كام صورة شخصية و كدة ؟
تاخد معاك اصل الجواز الحالي حتى لو منتهي
صور صفحة البيانات لو كان جديد ..... و صور من صفحة 2 الى صفحة 9 لو قديم
3 صور 4 في 6 بخلفية بيضاء
135 جنيه
البطاقة (صالحة) + صورة منها
و الاستلام بعد 3 ايام و لازم تجيب جوازك القديم اثناء الاستلام عشان يتختم عليه لاغي و الا مش هيسلمك الجديد
طب دلوقتي لو عاوز أقدم علي التجديد من محافظة تانية، هل بياخد ٣ أيام برضه؟ وهل لو لا ينفع أروح مجمع التحرير للانجاز؟
أخيرا التأشيرة علي القديم سارية لكن الجواز أوشك علي الإنتهاء فهل لما أقدم أنفع أسافر بالتأشيرة السترية برغم عدم سريان الجواز لإلغاءه وإستبداله بجديد؟