مشكله في ذراع النور

**wizardprince** · 23-08-2013 10:33 PM

السلام عليكم و رحمة الله و بركاتة

حصلي مشكله مره و انا راجع بليل في العربيه،، انا كنت مشغل النور العادي،، و حبيت أثبت العالي علشان كان الطريق مش كويس و فيه حاجات غريبه (العادي من شوارعنا العزيزه)

لما وصلت لمكان منور كويس جيت اشيل العالي لقيته ثابت بيشتغل في الناحيتين!!

حتى الناس اتخنقت مني معرفتش اعمل حاجه،، المهم وصلت البيت الحمد لله بس برده المشكله فضلت موجوده،،

يا النور يثبت كأني مرجع الذراع للوراء يا اما في مكانه عادي بس يكون مشغل العالي برده!!

المشكله لما دورت لقيت انه معلق و فيه نقطه بيقف فيها لما بدوس عليه لجوه بس،، بمعنى اني لازم افضل دايس عليه لجوه و دا اكيد مش هيحصل....

أرجوكم لو فيه حل ياريت اعرفه و بسرعه و أسف للاطاله،،

شكرا....

**Ayman-Ahmed** · 24-08-2013 12:08 AM

اولا -
ياريت مبدئيا تفصل البطارية خالص طالما انت مش فى العربية لان مشاكل تعليق دراع النور وانه ممكن يسخن كتير وعواقبها وحشة.

ثانيا -

تروح للمهندس هانى مركزه او كلمه وشوف هيقولك ايه ,مع اننى شاكك بنسبة كبيرة انك ممكن تحتاج تغير الدراع.

ولو مش هتروح وبتتعامل مع كهربائى مضمون يبقى اساله بعد ما يبص على الدراع.هل هيحتاج لحام بقصدير ولا حاجة بسيطة لان لو لحام هيفك تانى وترجع لنفس المشكلة.

**mahmoud_afifi** · 24-08-2013 02:37 AM

المشاركة الأصلية كتبت بواسطة ayman-ahmed

اولا -
ياريت مبدئيا تفصل البطارية خالص طالما انت مش فى العربية لان مشاكل تعليق دراع النور وانه ممكن يسخن كتير وعواقبها وحشة.

ثانيا -

تروح للمهندس هانى مركزه او كلمه وشوف هيقولك ايه ,مع اننى شاكك بنسبة كبيرة انك ممكن تحتاج تغير الدراع.

ولو مش هتروح وبتتعامل مع كهربائى مضمون يبقى اساله بعد ما يبص على الدراع.هل هيحتاج لحام بقصدير ولا حاجة بسيطة لان لو لحام هيفك تانى وترجع لنفس المشكلة.

+1

بس انا رأيي لو انت في الضمان تروح تغيره في الضمان واي تصليح مابيبقاش زي ما كان.
ولو هتشوفه استيراد اتأكد من سعره جديد لأن اوقات بيبيعوه اغلى من الجديد

**Ayman-Ahmed** · 27-08-2013 09:36 AM

المهندس هانى عامل موضوع هنا اسمه : مركز سبيد سرفيس وعنوانه هيبقى بعيد عليك شوية لانه اقرب الى الحرفيين ولكن المشوار يستاهل.والتوكيل هيغير وان كان محتاج اصلاح بس.

**mahmoud_afifi** · 27-08-2013 07:14 PM

المشاركة الأصلية كتبت بواسطة wizardprince

شكرا يا جماعه بس يا ريت اعرف فين مكان المهندس هاني لأني في اكتوبر ومقدرش اطلع في الظروف دي غير للشيخ زايد مثلا!!

وحاسس ان التوكيل هيسرقني لأنه غبور زي ما انتو عارفين بيحور!

لو معاك الفواتير بتاعت الصيانات وما قربتش للضفيره يبقى من حقك تغيره وبكل بساطه.
وجرب مش هتخسر حاجه. انا مثلا الكاسيت بتاع العربيه باظ بعد صيانة الألف كيلو. ماكنتش اعرف موضوع اني اغيره في الضمان ورحت اشتريت كاسيت جديد. لو كنت اعرف اني ممكن اغيره كنت رحت و وفرت على نفسي. فنصيحه روح التوكيل جرب مش هتخسر حاجه.

اما بالنسبه لظروف البلد احب اطمنك ان البلد أمان الحمدلله وانا بروح اكتوبر ومناطق مقطوعه على طريق الفيوم والواحات ومفيش مشاكل الحمدلله. م/هاني في جسر السويس والعنوان بالتحديد في الموضوع بتاعه ولو تحب اجيبلك العنوان من جوجل ماب مفيش مشاكل