لخبراء الضرائب ... سؤال مهم

**ehabpopo** · 24-08-2013 02:36 AM

عايز أاجر العربية بتاعتى ... والشغل اللى طالب العربية بيشترط بطاقة ضريبية ... يعنى ها بقى ملتزم بدفع ضرائب ... ومش دى المشكلة طبعا ... انا بحب مصر وموافق على دفع الضرائب ... بس كنت عايز اعرف لو العقد ب 3000 جم فى الشهر ... ممكن يكون علية ضرائب قد اية فى السنة ؟؟؟؟
علشان اقدر اعرف الشغلانة دى مجزية ولا اية ؟؟؟
انا موظف قطاع خاص ... وطبعا هاجيب سواق على العربية ... سيبكم من ان العربية ها تتبهدل او الكلام ده ... ده مش موضوعنا ....
انا كنت عايز اعرف الضريبة بتتحسب ازاى على المبلغ ده اللى هو 3000 جم فى الشهر ؟؟؟ وشكرا ليكم

**إبراهيم المصرى** · 24-08-2013 05:22 AM

بالتوفيق واتابع للعلم

**ehabpopo** · 26-08-2013 11:15 AM

انا سالت وعرفت انهم بيجمعو المبلغ كلة فى السنة يعنى 3000 بتضرب فى 12 شهر او اى ان كان المبلغ ... وبيتخصم مصاريف الصيانة ومرتب سائق وبنزين وكاوتش ... وكلها ارقام تقديرية ..... والباقى بيؤخذ منه 15% ... هو دة اللى عرفتة ... وده كلام اكيد طبعا من ناس شغالة فية ...
انما الارقام بالظبط وجميع الاجراءات مش ها تاكد منها غير لما اعمل انا الاقرار الضريبى بتاعى ...
ووقتها ها بقى اشرحلكم اية اللى حصل بالظبط ...
لانى عارف ان الموضوع غريب على الزملاء هنا واهو للعلم بالشىء زى مااستاذ/ ابراهيم المصرى قال

**Secret-Man** · 26-08-2013 01:54 PM

هى الضرائب بتعتبرها ضريبه خدمات وليس سلعه وبتوصل فعلا ل 15 % مجمعه سنويا مع الاقرار السنوى بس كل 3 شهرو فى اقرار بتقدمه

**Hany Adel** · 26-08-2013 03:18 PM

السلام عليكم

الاخ الفاضل
هذه السيارة مصدر دخل لك
وعليك اذا كان لديك عدة مصادر دخل الاستعانه بمكتب محاسبة جيد
او محام له خبره ليساعدك في كتابة الاقرار الضريبي

وعليه
اذا كانت السيارة تدر عليك بفضل الله دخلا مثلا 50 الف في السنة مثلا
ولديك شئ اخر
واخر

يتم تجميع كل واحده على حده وخصم الاهلاك والصيانه واية مصاريف مرتبطة
للوصول الى صافي الربح

ثم تجميع كل مصادر الدخل الصافية
في بند واحد
يكون عليه الضريبه

بالتوفيق

http://www.nilemotors.net/Nile/243922-a.html

**ehabpopo** · 26-08-2013 04:28 PM

المشاركة الأصلية كتبت بواسطة secret-man

هى الضرائب بتعتبرها ضريبه خدمات وليس سلعه وبتوصل فعلا ل 15 % مجمعه سنويا مع الاقرار السنوى بس كل 3 شهرو فى اقرار بتقدمه

وانا فى مأمورية الضرائب عرفت ان النسبة زادت ... الى 15 % ... من اول 2013/7/1 ... وهى كانت 10% ... والاقرار بيتعمل اول كل سنة ... من 1 يناير الى 31 مارس ... دى المدة اللى بيتقدم فيها الاقرار السنوى ... او بالنسبة لنشاط تأجير السيارة .. يمكن فية انشطة تانية بيتقدم فيها الاقرار كل 3 شهور ... بس انا كنت بسأل على الحالة بتاعتى فقط *

**dedi** · 27-08-2013 12:44 AM

على حسب معلوماتى
حضرتك ليك حد اعفاء عن صافى دخلك فبما انة حضرتك بتعمل فحضرتك حاصل على حد الاعفاء باضافة نشاط جديد و هو دخلك من السيارة و اى دخل من عقارات او اى شئ بيضافوا معا و بتدفع عليهم
لازم تحضر فواتير معتمدة للبنزين و الكاوتش والسائق و اعتقد هايحسبوا لك نسبة اهلاك للعربية تقريبا 10 % طبعا كل واحد بيحاول يفيدك على قدر معلوماتة بس ان شايف جمع كل الاراء و اسال محاسب قانونى افضل
بالتوفيق ان شاء اللة

**aw2100** · 27-08-2013 01:02 AM

علشان تأجر عربية ملاكى لازم يكون عندك بطاقة ضريبية لمكتب رحلات وده النشاط المسموح ليه يأجر عربيات للشركات وكمان سجل تجارى وممكن تسئل فى الشركه المطلوب التعامل معها عن كلامى وطبعا حضرتك موظف قطاع خاص فبتتحسب الضريبة دون خصم 5000 جنية اعباء عائلية علشان كده انصحك تخلى البطاقة الضريبية باسم زوجتك او والدك لو على المعاش علشان تستفيد بالأعباء العائلية !!