الموضوع: بحور المال ومصارف التهلكه!

المشاركة الأصلية كتبت بواسطة mokhtar

عزيزى خالد الموضوع بيزنس وshow اعلامى من الدرجه الاولى يعنى مثلا لو هو اشترى النادى كبيزنس ومشروع ليه ارباح وده فعلا اكيد له غرض تانى وهو التصييت والشهره مين كان يعرف الراجل ده دلوقتى العالم كله هيجيب فى سيرته..زى الملياردير الروسى رومان ابراموفيتش ولا كان حد يعرفه قبل ما يشترى نادى تشيلسى وفعلا هو لو صرف مثلا500 مليون دولار عارف انهم هيرجعولوا اضعاف ده كفايه عائد بيع الفانلات والمتعلقات الرياضيه فى متاجر النادى وبمجرد الاعلان عن التعاقد مع روبينيو اتباع 13000 فانله فى اولها كده غير حقوق البث الفضائى والرعاه الرسميين.. بس بجد انا اتنرفزت لما قريت ارقام معينه شكله كده داخل برجله..يعنى ايه 240 مليون دولار لكريستيانو رونالدو ..بيستعبط..بس الراجل ده لو صدق فى كلامه عن الصفقات اللى هيجيبها يبقى هتولع وهيعمل انقلاب فى اسعار اللاعبين فى اوروبا



..mokhtar..

مختار بك
انا مش بقول انه هيخسر انا عارف انه ممكن يكسب اضعاف الى دفعه
انا بتكلم عن ايهما اولى خصوصا والعالم العربى والاسلامى فى اسوا حالاته ربما من عصر المماليك
هل الاستثمار فى نوادى رياضيه ومنتجعات سياحيه ونوادى جولف
ام الاستثمار فى التعليم والمصانع حتى يعمل من لا عمل له وبناء مستشفيات وخلافه مما نحتاجه حاجة ماسه فى حياتنا
وبرده هيكسب نفس المكاسب ان لم يكن اكثر
تحياتى ياباشا