الموضوع: استفسار عن عيوب بيجو 301

ايه يا رجالة مش بعادة يعنى ما تردوش ع المواضيع يعنى؟

المشاركة الأصلية كتبت بواسطة leitosr

أنت أصلا يا عمرو من مشاركاتك وقرايتك معانا في منتدي بيجو الفترة اللي فاتت,
ومواضيع ال 301 خصوصاً ممكن ترد أحسن مننا في أي أسئلة عنها. ;)

انا فعلا كنت هرد ، بس للامانة عشان هو طالب رأي الملاك تحديدا وانا لسة ما بقتش منهم لحد دلوقتى قلت استنى رد الاساتذة المحترمين زي الاستاذ مهاجر والاستاذ احمد السيد

أسف على التأخير يا دكتور عمر...كنت مشغول الفترة الماضية.
العربية الحمد لله لا يوجد مشاكل بها و ربنا يديمها نعمة
1-السحب جيد .
2- التكييف جيد .
3-معدل إستهلاك البنزين جيد حتى الأن على الرغم من أننى لم أقم بعمل صيانة ال 10000 حتى الأن التى تتضمن تغيير زيت.
4-ثبات العربية ممتاز لسيارة فى هذه الفئة و مع وجود كل وسائل الأمان المتوفرة من أول فئة تعطيك إحساس بالأمان على السرعات العالية
5-العربية واسعة جداً من الداخل و شنطة السيارة كبيرة جداً و مناسبة للسفريات .
6- العفشة جيدة و السيارة مريحة فى السفر (شتان الفرق بين عفشة السيراتو التى كانت معى و عفشة البيجو)
7- الشكل ملفت للنظر خصوصاً فى الألوان الفاتحة مثل الفضى و الأبيض و الشامبين .
8- التوكيل كان أكثر من ممتاز فى الصيانة المجانية و الناس كانت عاوزة ترضينى بأى طريقة خصوصاً لما قولت أنى عضو فى منتدى سيارات و ناس كتير عاوزة تعرف أخبار التوكيل الجديد ولكن فى رأيى الحكم على الوكيل يكون فى المشاكل الكبيرة و ليس الصيانات المجانية .

الملاحظات على السيارة والتى ستختلف من شخص لأخر حسب تقبلة لها أم لا وهى:
1- صوت مروحة التكييف عالى عند بداية التشغيل ثم يقل عند الوصول للبرودة المطلوبة ولكن غير مسموع داخل السيارة .
2- صوت الموتور يكون ملحوظ بداية من سرعة 130كيلومتر/ساعة ولكن غير مزعج .
3- لا يوجد أماكن كافية لوضع المتعلقات الشخصية مثل التليفون المحمول ولكننى أستخدم المكان المخصص لطفاية السجائر و أضع الطفاية مكان الكوباية أسفل مسند اليد .
4- كنت أفضل إذا كان بها مرايات ضم كهربائية .

يا جماعة ياريت تفيدوني لان واحد صديقي عايز يشتري اسبيرانزا تيجو الشكل الجديد .... وانا عمال انصحه بالبيجو 301
بس هو خايف منها وبسبب انها رخيصه غير اي نوع بيجو تانيه ..... وكان ردي انهم شايلين منها كماليات كتيره جدا علشان تكون فى متناول فئة معينه وتكون منافسه فى حدود فئه معينه

ياريت تفيدوني هل لو فعلا اشتري التيجو الجديده ب115الف افضل من البيجو 301 ب 130الف ؟؟!! ولا العكس افضل