استشاره سريعه بخصوص حظر التجول

**أحمد كمال** · 24-08-2013 08:58 PM

نوفوتيل المطار و Le Passage المطار الاتنين جوة حرم المطار و على مرمى حجر من الصالة

**horas3000** · 24-08-2013 11:17 PM

عادي يا زعيم
اولا الحظر اتمد لغايه الساعة 9
و ثانيا من يومين كان عندنا ضيف و كان حاجز في دار الدفاع الجوي
و نزلنا نوصله بعد الحظر و في اللجان كانوا بيفتشونا و بيعدونا عادي
الا الكمين اللي قبل شارع النزهة مكنش بيعدي حد و لما ورينا الظابط ايصال حجز الفندق خلاني نعدي

**mr.foxman** · 24-08-2013 11:35 PM

حرام اللي بيتعمل في الناس ده والله

**NaderNabil** · 25-08-2013 12:57 AM

طيارتي كانت يوم فرض الحظر الساعة ٤ الفجر...اضطريت اروح المطار الساعة ٨ اضمن و راحة للبال و ماتبقاش شايل هم اي حاجة وارد انها تحصل..

الحظر المرة دي فعلا مش تهريج...صديقي طيار في مصر للطيران...و بيتبهدل كل مرة و هو مروح...رغم انه بيبقى مروح في عربية الشركة و لابس لبس الشغل...بس لازم كل كمين العربية تتفتش و يتأكدوا من واحد واحد جوة العربية

ان شاء الله رجوعي الساعة ١ الفجر...هاضطر اقعد لحد الصبح في المطار لحد ما الحظر يفك...

ربنا يفك ضيقة بلدنا

**salodas** · 25-08-2013 09:38 AM

أنا سافرت من 3 ايام الساعة 8 مساء وقت الحظر ..... محدش وقفنى غير كمين الجيش الهمام الى قبل دخلة المطار وشافة التذكرة والجواز وعديت الحمد لله .... الخلاصة لازم على الأقل تكون قريب من المطار عشان تلحق وقتك ... أنا من المعادى وبينى وبين المطار 30 دقيقة .... أنصحك يا أما تبات فى المطار أو تنزل فى مكان قريب من المطار أو تروح تنام فى المطار .... ربنا يوصلك بالسلامة