نفسى فى كهربائى فى أسكندريه أديله الشيروكى وانا مطمن

السلام عليكم

انا يا جماعه معايا جيب شيروكى 93 والكهرباء عندى محتاجه تتظبط يعنى مثلا النور العالى بيولع ويطفى لوحده و الانتظار مش شغال والتكيف مش شغال والكاسيت محتاج اركبله سماعتين جداد ومؤخرا كنت راكن العربيه شهر وشايل البطاريه لما ركبتها لقيت الزجاج الكهرباء مش شغال والعدادات مش شغاله بعدها بيومين لوحدها كده دخلت العربيه هزيت الباب هزه جامده لقيت الزجاج اشتغل والعدادت اشتغلت

نفسى الاقى كهربائى محترم شغال فى الامريكانى والجيب يظبطلى العربيه دى

انا مؤمن جدا ان مش اى كهربائى يشتغل فيها وعشان كده سايب كل المشاكل دى وبقول الحمد لله انها ماشيه ومش عطلانه بس بجد نفسى اظبطها بقى

ليا زكريات ومواقف كتير مع كهربائيه ابسطهم انى مره كنت رايح لكهربائى " طبعا مش متخصص جيب " عشان يظبطلى الكلاكس لانه مكنش شغال فتح الكبوت وقعد يتفزلك وراح هارش فى راسه وقالى بص يا باشا هيا محتاجه كلاكس جديد بس يعنى يفضل وديها لحد بيفهم فيها عشان انا مليش فى العجل ده عارف لو كانت اوبل كنت ظبتهالك قولتله شكرا ومشيت وانا فى السكه اكتشفت ان الزجاج مش شغال والكاسيت والتكيف والانوار والكلاكس يعنى كويس اوى ان العربيه كانت ماشيه من ساعتها وانا عندى عقده من الكهربائيه

فنفسى او حد من ملاك الجيب فى اسكندريه يعرف كهربائى كويس ياريت يقولى وياسلااااااااااااام بقى لو كان فى صلاح الدين يبقى حلو اوووووووووى