طرمبة البنزين باظت اية اعراضها؟

**tarek_2005** · 28-08-2013 11:02 AM

عند ابو الحسن ب 120 جم قلب بيقول عليه الماني شغال تمام وعند الخواجه والمنير هتلاقيه بس السعر معرفش

**tarek_2005** · 29-08-2013 10:06 AM

مبروك علي الاصلاح

**mahmoud labeb** · 08-09-2013 03:47 PM

انا اسف بس عندى سؤال هو يعنى ايه قلب ؟يعنى موتور الطرمبة؟؟
وهو امتى اغير قلب وامتى لازم تتغير الطرمبة كلها

**Sherifmidooo** · 08-09-2013 05:14 PM

المشاركة الأصلية كتبت بواسطة mahmoud labeb

انا اسف بس عندى سؤال هو يعنى ايه قلب ؟يعنى موتور الطرمبة؟؟
وهو امتى اغير قلب وامتى لازم تتغير الطرمبة كلها

قلب اللى هو موتور الطرمبه
والقلب بيتغيير لما تلاقى العربية وانت ماشي بتقطع منك او لو فتحت الكونتاك ( الطبيعى انك بتسمع صوت زنه موتور الطرمبه ) وبيختفى الصوت ده لما تشغل العربيه لو ما سمعتش الصوت ده او لو استمر الصوت الزنه العالى ( والزنه دى غالبا بتكون عاليه جدا ومزعجه وبتسمعها وانت بره العربيه من ناحيه اليمين ) بعد تشغيل العربيه يبقى القلب باظ . كمان لو دورت الصبح والعربيه مش عاوزه تقوم ده غالبا بيبقه موتور الطرمبه وعاوز تتاكد اخلع خرطوم البنزين من فلتر البنزين وطلعه بره العربيه وحد يفتح الكونتاك ميدورش لو البنزين اللى طلع من الخرطوم اندفاعه قليل يبقه ضعف طرمبه برضو .
اما الطرمبه قليل لما بتتغير وغالبا تغيرها بيكون بسبب تلف فى الاسلاك او الفيش الداخليه للطرمبه لان فى فيشتين فيشه بتركب فى الموتور وفيشه بتركب فى الطرمبه نفسها تحت الغطا المعدن بتاع الطرمبه نفسها كمان لو الطرمبه نفسها اتكسرت

**elhamy80** · 14-09-2013 03:47 PM

امال انااتنصب عليه ولاايه انا لسه مغير قلب طلمبه بنزين امبارح بوش المانى ب 175 جنيه والراجل كان عنده واحد تانى ب 250 جنيه وعلى فكر ه انا روحت عند البنا الى فى التوفيقيه وجبت واحد صينى لان معندوش غيره ب 65 جنيه والميكانيكى قالى ارميه فى الزباله