المشاركة الأصلية كتبت بواسطة anmashaly
العزيز أ/مصطفى
شكرا لذوقك واهتمامك، وفعلا انت عندك حق انا يمكن ما بأشاركش الا لو حسيت ان الموضوع مهم بالنسبة لي وومكن أضيف حاجة فيه أو رأي ولكن مش لمجرد المشاركة، ودة علشان الوقت بيكون مش متاح، وفعلا أول مشاركة لي بعد سنة في المنتدى كانت للرد على موضوعك لأنه فعلا مهم جدا.
أنا مقدر جدا انك مش ميال للناحية التجارية، وربنا يبارك لك في شغلك الأساسي وقناعتك بما كتبة لك من رزق دي في حد ذاتها كنز.
لكن مهم ان لو فيه حد فكر يعمل الموضوع تجاريا ان صاحب الفكرة الأصلية وصاحب الابتكار يكون له نصيبة من عائدها، ودي مش حاجة تزعل الأعضاء لأنك وبكل أمانة شرحت طريقة التنفيذ والأدوات والخامات المطلوبة ووضعتها متاحة للجميع بدون مقابل، بس طبعا مش كل الناس عندهم ملكة الفك والتركيب أو العدد المطلوبة أو الخبرة في التعامل مع الأدوات، وهنا المنتج التجاري حيكون مفيد ليهم أكتر ولكن مع حفظ حقك.
ودايما خليك فاكر ان اجتهادك في انك تنفذ فكرة أو منتج بتكاليف أقل فدة بيكون نعمة من ربنا لازم تحافظ عليها.
ربنا يوفقك دايما ويبارك لك.
أحمد