مشكلة في مساعدين اللانترا وبعدها خبطة في الاكصدام

كنا مسافرين بالعربية وكان جواها اللي سايق و4 أفراد والشنطة مليانة شنط وكان كله تمام اضطرينا نزود شخص كمان في العربية فـا كده العربية بقى جواها 6 أفراد وزودنا الشنط ماشيين بعدها سمعنا صوت زي تزييق كده نزلنا بسنة عالكوتش لانه تمام وإن مش بيحك في الكارترة المهم وصلنا إنها ممكن تكون المساعدين أو السوسات فـخففنا الحمل على عربية تانية والصوت بعدها راح إيه نصايحكو عشان أنا نازل التوكيل بكرة ..... تاني حاجة عملت خبطة في الاكسدام اللي قدام لما رجعت من موتوسيكل race و بلطج بعدها عملتله محضر وطلع ماشي من غير رخص ومعهوش غير رخص الموتوسيكل وفي بيته كمان وهو اللي غلطان أنا كنت واقف والدنيا زحمة راح جاي شايل الاكسدام مل جانب شال الكلبسات معرفش فيه حاجة اتكسرت ولا لأ نازل برده أشوف بكرة الحكاية دي عشان التأمين فـإيه نصايحكو برده في التوكيل

أنا لسة جي من التوكيل فرع العبور ودخلت قسم الهياكل واتكشف عالعربية ووصلنا إن الكسدام هيتغير مش هيتصلح فيه كلبستن مكسورين وتمن الكسدام من غير راش 1500 جنيه !! وبالرش 1800 !!! المهم كشفنا على كل خبطات العربية والخدوش وصلنا إن الجنب اليمين هيترش والاكسدام اللي ورا هيتفك ويترش فيه شوية خدش وخبطة بسيطة وتغير مثلث الباب اللي ورا عشان واحد ابن حلال كان واخده بمطوة .. المهم الأسعار غالية جدااااا والمصنعية كل حاجة عليها 450 جنيه مصنعية لوحدها التكلفة الاجمالية وصلت 4000 جنيه والعربية متأمن عليها مصر للتأمين .... أقول المندوب مثلا الاكسدام بره ممكن اجيبه بـ 800 جنيه ولا حاجة يقولي لأ أنا بحطلك زي اللي بيتفك بالضبط واللي برة هيبقى فيه غلطة .. أقوله عالراسه مثلا يقولي مش عارف الراسه عندنا ا كده ونفس راسه المصنع وبيبقى سعره ساعات 300 %.... بس كده ومشكلة المساعدين هشوفها أول مانخلص حوار الهيكل ده .............. فيه أي نصايح ؟؟؟؟

بسم الله الرحمن الرحيم ... ربنا يباركلك يا باشا في العربية و ربنا يعوض عليك في الحادثة البسيطة دي و الحمد لله إنك مأمن بغض النظر عن الأسعار الغير طبيعية الي حضرتك قلت عليها ، أما بالنسبة لحوار الصوت و التزيقه أنا شايف إنو طبيعي بالحمل الي حضرتك قلت عليه مفيش فيه مشكله لأن العربية مش متصممة إنها تستحمل الحمل ده كلو و ربنا يكفيك شرها و شر الطريق و تقبل تحياتي

اقتباس:

---

المشاركة الأصلية كتبت بواسطة haitham basha

بسم الله الرحمن الرحيم ... ربنا يباركلك يا باشا في العربية و ربنا يعوض عليك في الحادثة البسيطة دي و الحمد لله إنك مأمن بغض النظر عن الأسعار الغير طبيعية الي حضرتك قلت عليها ، أما بالنسبة لحوار الصوت و التزيقه أنا شايف إنو طبيعي بالحمل الي حضرتك قلت عليه مفيش فيه مشكله لأن العربية مش متصممة إنها تستحمل الحمل ده كلو و ربنا يكفيك شرها و شر الطريق و تقبل تحياتي

---

طبعا انتا عندك حق الواحد لما يشوف الخبطات فى قسم الهياكل لازم يقول الحمد لله وو بخصوص التكاليلإ هيبقى فيه نسبة تحمل ممكن توصل ل 500 جنيه من الاجمالى بس بسيطة الحمدلله و العربية اتحجز عليها و لسا مندوب التامين هيشوفها بكرة و و حكاية المساعدين هنشوفها زيادة احتياط لانى سمعتو مرتين وانا راجع لمل دخلت القاهرة شكرا ليك

ان شاء الله خير
بس سؤال جانبى هوه التأمين هيتحمل رش الجنب والاكصطدام الخلفى من غير محضر

اقتباس:

---

المشاركة الأصلية كتبت بواسطة amr011111

ان شاء الله خير
بس سؤال جانبى هوه التأمين هيتحمل رش الجنب والاكصطدام الخلفى من غير محضر

---

انا كده كده عامل محضر بس على الاكصدام و محتاجناهوش فى الكلام النهاردة بس على العموم مندوب التامين هيشوف العربية بكره و هعرف كل حاجة و اقولوكو بس معتقدش هيحتاج محضر

اقتباس:

---

المشاركة الأصلية كتبت بواسطة DEVILRIDER

طبعا انتا عندك حق الواحد لما يشوف الخبطات فى قسم الهياكل لازم يقول الحمد لله وو بخصوص التكاليلإ هيبقى فيه نسبة تحمل ممكن توصل ل 500 جنيه من الاجمالى بس بسيطة الحمدلله و العربية اتحجز عليها و لسا مندوب التامين هيشوفها بكرة و و حكاية المساعدين هنشوفها زيادة احتياط لانى سمعتو مرتين وانا راجع لمل دخلت القاهرة شكرا ليك

---

باشا ربنا يسترها معاك و معانا بس خلي بالك كويس اوي لأن بتوع التأمين سعات بيماطلو و بيركنو العربي زي محصل معايا و مع ناس كتير و سعات بتعقد اكتر من شعر على ما تخلص :Copy of majd(4): أما المساعد فمن وجهة نظري انك هتلاقي سليم ان شاء الله بس برضو شيك عليه بالمرة و شيك كمان على الكرتيرة الي وره و ربنا يكتبلك الخير ان شاء الله و شكرا ليك يا باشا :7bteen:

و اه تفصيلة كده اللى عرفتوا انهم بيزودوا فى سعر المصنعيات فى الفاتورة عشان لما بييجى موظف التامين بيفاصل فيها لكن اسعار قطع الغيار مفيهاش فصال زى الاكصدام مثلا و فيه حاجة ان شركة غبور نفسها عاملة نظام تامين اللى فهمتوا ان الفرق بينها و بين العادي ان فيه بتدفع نسبة التحمل على طول عكس الباقى اللى هو بتدفع القيمة الاجمالية للتوكيل و تاخد فاتورة و تروح ل شركة التامين تاخد اللى دفعتوا مخصوم منه قيمة التخمل بعد اجرائات متعبة