عرض للطباعة
انا عندى مشكلة بقالها سنة
انا عندى سيارة أوبترا 2009 أوتوماتيك
بيحصل الاتى:
مع النقلات بيحص خبطة خفيفة تحت رجلية و العربية بتنط للأمام
انا غيرت زيت و فلتر و مفيش فايدة
الكمبيوتر مش مطلع أعطال
فى ناس قالت البوابة و ناس قالت عقل الفتيس
أرجو ان حد يفيدنى
هل الفتيس بينقل في مواعيدة طبيعي في الضغطة الخفيفة جدا على البنزين "سواقة سلانسية"؟"بغض النظر عن الخبطة دى"
يعنى عند 2.5 او 3 بالكتير
صلى على النبىاقتباس:
المشاركة الأصلية كتبت بواسطة dr_kareem
معلش علشان انا فضلت يوم كامل استنى ردك فبالتالى انا هفردلك كل الاحتمالات وامرى لله
في حالة لو ان الفتيس بينقل معاك على سرعة موتور طبيعية يعنى على ار بي ام من 2.5 الى 3 الا
ولكن فية نتشة بتحسها في النقلات فدة يا صديقي نقص في زيت الفتيس "انت بتقول انك غيرتة شوفة كدة لو مضبوط على المقاس او ناقص اوزايد لأ، الناقص اخو الزايد بيعمل نفس القلق"
لو فرضا ان النقلات غير مضبوطة يعني انت دايس خفيف جدا ويفضل الأر بي ام يعلى ويعلى ويعلى لحد ما يوصل ل 4 مثلا وبعدها العربية تنتش وتنقل يبقى دي مشكلة من عقل الفتيس او مايسمى مظم النقلات
متغيروش كلة غير المنظم بتاع النقلات الداخلى فقط للتوفير
النوع التالت
النقل مضبوط و فية نتشة و السحب مش مضبوط يعني العربية بتتخنق وهيا ماشية و ممكن تبطل منك لما تهدي او تحس ان العربية بتتخنق مرة واحد وكان فية حد بيشدها لورا وانت ماشي
كدة الكلام في دورة البنزين وحساسات البوابة
طيب انت هتعمل اية
اسلم حل انك تكشف عليها كومبيوتر على كومبيوت العربية وعلى حساسات المكنة علشان تقطع الشك باليقين أي حساس مهما كان لية كود على الكومبيوتر حتى حساس الشكمان او حساس الأوكسجين
تحياتى
العربية بتنقل عند 2.5 ار بي ام..... الزيت عند علامة الماكس بالضبط......الكمبيوتر مش مسجل اي كود خالص.....ده علي اكتر من جهاز
كدة فية عندك حساس وحش يا اما tps يا اما حساس الكرنك "الحساس الوحش مش بيكون بايظ بيكون بيعلق" يعنى مش بيطلع اخطاء على الكومبيوتر بس بيأثر على الاداء انا رأيي تجيب مجموعة الحساسات من عند ميكانيكي نظيف "مستعملين وتجربهم واحد واحد تركب الحساس وتعمل ايدل ليرن وبعدها تطلع تجرب العربية ظبطت يبقى عرفت مين الحساس مظبطتش ركب حساس تانى "
لان احيانا المشكلة بتكون من حساسين مع بعض او اكتر "الحساس متوسخ مثلا وبيبعت الاشارة متأخر"
الحساسات التى تفكر تراجع فيها هما
الأيدل
ال TPS
ال airmass
الكرنك
و اخيرا بس دة لازم يجي جديد حساس الشكمان خلية أخر حاجة توفيرا للنقدية
ولا تحساب الا على الحساس المتغير فقط في الآخر خالص
اﻷخ المواطن.العزيز بعد إذنك مع شديد إحترامي للأخوة الأعضاء إكشفلي على قواعد الموتور والفتيس حتلاقيهم خلصانين وأما تغيرهم شيك على العفشة ومشكلتك حتنتهي ودمتم
:plusone1:اقتباس:
المشاركة الأصلية كتبت بواسطة saddam
+++++++11111111111111111اقتباس:
المشاركة الأصلية كتبت بواسطة saddam
خصوصا قواعد الموتور
انا شيكت على العفشة و القواعد و طلعوا سلام....العربية الايدل بتاعها و سحبها كويسين
طيب نشتغل على سيناريو تانى
القصة عندك بس ان العربية بتنتش في النقلات فقط
هل المشكلة دي من اول ما اشتريت العربية ولا مشكلة جديدة
حاكم بعض انواع الفتايس الأوتو بيبقى فيها نتشة خفيفة من الأستعمال
المشكلة من سنة بس ...اناكشفت علي الكبالن و لئيت الكوبلن اليمين فيه بوش ...ممكن يكون هو السبب؟
طبعااقتباس:
المشاركة الأصلية كتبت بواسطة dr_kareem
وغير كدة هيخلى العربية تعوم في الطلعات الشديدة و تعوم في الفرملة