انا محتار بجد بين الصنى والياريس وانا متحيز للصنى فايه رايكم
انا محتار بجد بين الصنى والياريس وانا متحيز للصنى فايه رايكم
لانسر 1600
كا هي احتياجاتك سفر كتير و لا قليل الشكل و التوفير و الكماليات و ثانيا مانيوال و لا اوتوماتيك
عموما الراي المبدئي صني رد على الاسئلة و اديك راي نهائي
بس ياباشا
1.الياريس فول اوبشن مانيوال 1300 سي سي"86 حصان" (95 الف جنيه)ياباني
والاتوماتيك منها فول اوبشن (104 الف جنيه).......لاحظ 1300
2.الاوبترا الاتوماتيك 1600 سي سي "106 حصان"(97الف جنيه)
كوري موتور نوبيرا مع بعض التعديلات
3.نيسان صني الاتوماتيك 1600 سي سي"118 حصان"(94 الف جنيه)
موتور وعفشه وفتيس ياباني تقفيل مصري مقبول
انا من راي النيسان صني تكسب بجداره
مع واحد صحبي معاه وبيشكر فيها جدا
مع العلم ان كل عربيه من دول ليها مميزات وعيوب
وربنا يهديك يوفقك للاختيار اللي متندمش عليه ابدا
بص ياباشا انا عايزها مانيوال ومش بسافر كتير بس بحب اشغل التكييف يعنى لازم تكون 1600 وعموما انا مش مهتم قوى بقطع الغيار والتوفير انا عايز حاجه تستحمل شوارع مصر وتكون ثابته على الطريق والصاج بتاعها محمل شويه بس كده
صني و توكل على الله
اوبترا مانيوال ب 91
كورى 100 %
وابعد عن التقفيل المصرى
الصنى بتتقفل فى مصر يعنى 40 % من مكوناتها مصرى
نيسان صني الفرق بينها و بين الأبترا مثلا مش كبير ... بس الصني شكلها أحلى و طبعا الياريس أقل قوة منها
و الأثنين إستهلاكهم للبنزين مش قد كدا
و أحسنهم في الإستهلاك الباريس طبعا
و تقفيلها لا يقل عن الأوبترا أو الياريس
بس اللي أعرفه إن موتورها 110 حصان مش 118 حصان يا تيمو باشا
أنا أرشح
الصنـــــــــي
توت باشا اخبارك ايه كل سنه وانت طيب ويارب تكون بخير دايما...اقتباس:
المشاركة الأصلية كتبت بواسطة tutankhamoun
انا قولت ان موتور الصني 118 حصان علي اساس كل المجلات المتخصصه في مجال السيارات بلا ااستثناء وحتي المجلدات السنويه بتاكد المعلومه ودي تعتبر من العربيات القليله اللي شفتها اللي ملقتش اختلاف في المعلومات الخاصه بيها من حيث قوه خرج الموتور.
ومع ذلك ياخ توت انا بثق في كلامك
ومع ذلك بردو رشحت نفس العربيه اللي انا رشحتها الصني
اعتقد الصنى افضلهم
رأى الشخصى ياريس و خاصة إن سحب المانيوال بتاعها حلو و لا يؤثر فيه التكييف