كل ما تريد معرفته عن الـbmw x1

**برنس الليالي** · 25-08-2013 02:30 AM

السلام عليكم ورحمة الله وبركاته

دا تقرير بسيط عن الـX1 من إعدادي الشخصي وارجو من الجميع الإطلاع على الاستفتاء والرد

بحضورها المذهل، وعمليتها الرائعة، مع إطلالتها المتميزة، تُتعبر «BMW X1» كروس أوفر فاخرة ذات شخصية متميزة وخاصة

وبنسختها المُحسنة تزداد إثارة السيارة مقدمة ارغبي سيارات الكروس أوفر الفاخرة حلاً بديهياً لرغباتهم

تعتمد السيارة على محرك متوازن رباعي الاسطوانات بسعة 2.0 لتر، ويستطيع هذا المحرك توليد قوة حصانية تصل إلى 150 حصان

عند 6400 دورة في الدقيقة، مع عزم دوران يصل إلى 200 نيوتن متر عند 6400 لفة لكل دقيقة

وسيرتبط هذا المحرك بناقل حركة ستيب ترونيك

صور للسيارة من الأمام :

من الجنب :

من الخلف :

من الداخل :

صور للمحرك :

مواصفات السيارة :

محرك بسعة 2000 سي سي بقوة 150 حصان 6400 لفة لكل دقيقة مع ناقل حركة ستبترونيك 6 سرعات

السرعة القصوى 200 كيلو في الساعة والتسارع من 0 - 100 في 10.9 ثواني

متوسط استهلاك الوقود 7.7 لتر لكل 100 كيلو

سعة خزان الوقود 63 لتر

تجهيزات السلامة :

نظام رصد ضغط الهواء فى الاطارات - نظام التحكم بالفرامل في المنعطفات CBC
نظام فرامل مانع للانزلاق ABS - نظام حفظ الثبات ديناميكيا DSC
6 إيرباج - نظام Follow Me Home
نظام التحكم الديناميكي بالسحب DTC - نظام ISOFIX لتثبيت مقاعد الطفل في الخلف
نظام PDC لقياس المسافات عند ركن السيارة - إطارات بتقنية السير بلا هواء
مصابيح ضباب امامية وخلفية - مثلث تحذير + طقم إسعافات أولية
نظام اقفال مركزى مع مفتاح داخلى ومستشعر للصدمات تلقائي عند الطوارئ

تجهيزات المقصورة :

تجهيز تليفون مع واجهة تعامل بتقنية بلوتوث - زجاج كهربائي امامي وخلفي
تكيف هواء AC اوتوماتيك - مؤشر موعد الخدمة في شاشة المعلومات
مقاعد كهربائية للسائق و الراكب الامامي - كمبيوتر رحلات
مثبت للسرعة - مخرج صوتي AUX
حامل اكواب امامي وخلفي - مسند يد امامي وخلفي
عجلة قيادة متعددة الوظائف مكسوة بالجلد - نظام التحكم الصوتي
زر تشغيل و اطفاء المحرك - مخرج لاستخدام الاجهزة الصوتية (USB)
باور ستيرينج - قفل مركزى للابواب
مشغل MP3 - راديو و مشغل اسطوانات
شاشة تحكم علي لوحة التجهيزات المركزية يشمل مفتاح Controller
حليات داخلية Fine line Bay Fine-wood - إضاءة داخلية (برتقالى و أبيض)
باقات وتطبيقات الـHot Climate والـXline

التجهيزات الخارجية :

سقف زجاجى بانوراما - حساس لإضائة المصابيح الأمامية
مراة الرؤية الجانبية ذات تحكم كهربائى - فتحة سقف تعمل كهربائيا
اشارات بالمرايات الجانبية - خاصية الاشعال التلقائي لمصابيح القيادة

الابعاد :

طول 4454 - عرض 1798 - ارتفاع 1545 - قاعدة العجلات 2760
ابعاد الإطارات Light alloy wheels Y-spoke style 225/50 R17

السيارة موجودة بفئة واحدة بسعر 325 ألف

رأيي عن السيارة :

بصراحة انا حتكلم عن نقاط معينة لو حنقارنها بالـ316i مثلاً
طبعاً هي ممتازة من ناحية الوسع الداخلي وعلوها عن الارض مقارنةً بالـ316i
وانا افضلها عنها بالفعل للأسباب دي, خصوصاً كمان انها ممكن تساعدك في ظروف سفر او حمل اغراض كتيرة
وكمان شكلها فخم وشيك وإحساسك انك راكب BMW SUV ^__^
والجميل ان سعرها ارخص من الـ316i اعلى فئة Sport Line لإن آخر سعر ليها من التوكيل هو 332 الف
والعربية حصلت على اعلى درجة في اختبار الـESC او الثبات :

BMW X1 ESC Test 2012 - YouTube

التقرير من إعدادي الشخصي ولا تنسوا رأيكم الشخصي حول الإستطلاع وحياكم الله تعالى

**horas3000** · 25-08-2013 02:45 AM

تسلم الايادي يا باشا
بس علي فكره ال 316 اوسع و بفرق ملحوظ عن ال x1

**kholio2005** · 25-08-2013 02:51 AM

تقرير ممتاز , تسلم ايدك
عندى بس اكتر من اسفسار
هل حضرتك جربتها على الطريق و هل ده فعلا استهلاكها للبنزين الفعلى متوسط 7.7 ؟؟
مش عارف حاسس انها مش عالية اوى انا شوفتها فى البافاريا و مندوب المبيعات قالى ارتفعها 19 سم عن الارض بس انا حاسس انها اقل من كدة ؟؟
و كان اخر سعر من شهرين تقريبا 324 الف

**horas3000** · 25-08-2013 03:00 AM

لا يا زعيم
ال 316 فئه اعلي من ال x1
بدليل انها و بالمتور ال 1600 و مواصفات اقل بنفس سعر ال x1 تقريبا

**برنس الليالي** · 25-08-2013 03:38 AM

المشاركة الأصلية كتبت بواسطة horas3000

تسلم الايادي يا باشا
بس علي فكره ال 316 اوسع و بفرق ملحوظ عن ال x1

فاهم يا برنس انا قصدي يعني حجم الشنطة اطول في الارتفاع

المشاركة الأصلية كتبت بواسطة 2CODE

بسم الله ما شاء الله على التقرير الرائع بس دي مواصفات الفئة القديمة البريميم
دلوقتي نزلت الجديده الـ2014 الـFacelift ومش عارفين مواصفاتها ايه للاسف :(

تسارع من 0 الي 100 في 9.7 مع مواصفات الامان بتاعة BMW انما عندنا احنا في الشد وتسقيط الغيارات وغيره ممكن نجيب الـ100 في 6 ثواني ههههههههههههههههههههه

الـX1 مش فئة الـ316 لان الـ316 فئة اقل من X1 لو هنقارن X1 يبقى هنقارن 320i لان الموتور 2000 سي سي فمش هينفع نقارن مع موتور 1600

وده كلام البافارية ان الـX1 تقارن مع 320i او اي عربية في الـ2000 سي سي لان طبعاً لما تيجي تقارن عربية بتكون تقريباً نفس التجهيزات مش موتور 1600 بـ2000 سي سي ده فرق كبير اوي طبعاً

العربية دي بصراحة الصفقة الرابحة لكل من يريد اقتناء BMW ببساطة شديدة تمتلك من الثبات "ما لم" تمتلكه اي عربية SUV و سيدان حتى الان

يا جماعة العربية دي SUV على انها تكون كده الشركة دي حرام اللي بتعمله والله بتعقد الشركات التانية والله

وعقبااااااااااااااااالنا جميعاً للـBMW زيرو طبعاً مش استعمال لان لو استعمال فسهله جداً

تسلم يا باشا ... بصراحة انا مختش بالي من الفيس ليفت خصوصاَ ان الـX1 الموجودة في الصور دي هي نفسها اللي لسا موجودة في اوتوماك بس معنديش اخبار عن الفيس ليفت

- انا فاهم انا قصدي إن سعرها قصاد الـ316i يعتبر يعتبر تنافس خصوصاً ان الهايلاين من الـ316 معدي الـ330 الف وكمان علو الـX1 عن الارض شئ ممتاز مقارنةً بجميع طرازات البي إم اللي لازقين في الارض تقريباً

-- هههههههههههه فعلاً مقعداهم في البيت

بس نعمل ايه في شعب بيفضل اسعار قطع الغيار على ركوبة بي إماوية خطيرة وممتعة

المشاركة الأصلية كتبت بواسطة kholio2005

تقرير ممتاز , تسلم ايدك
عندى بس اكتر من اسفسار
هل حضرتك جربتها على الطريق و هل ده فعلا استهلاكها للبنزين الفعلى متوسط 7.7 ؟؟
مش عارف حاسس انها مش عالية اوى انا شوفتها فى البافاريا و مندوب المبيعات قالى ارتفعها 19 سم عن الارض بس انا حاسس انها اقل من كدة ؟؟
و كان اخر سعر من شهرين تقريبا 324 الف

الف شكر ومنور يا استاذ لا انا مجربتهاش لسا وموضوع الإستهلاك دا جبته من اكتر من موقع لا وهي فعلاً عالية عن الارض غير الـ316 اللي مقتربة بحد كبير ودا المعروف عن البي إم

المشاركة الأصلية كتبت بواسطة horas3000

لا يا زعيم
ال 316 فئه اعلي من ال x1
بدليل انها و بالمتور ال 1600 و مواصفات اقل بنفس سعر ال x1 تقريبا

منور يا استاذ ... انا قصدي ان الـX1 ارخص من الهايلان للـ316