شباب المنتدي الكرام, عايزين تقييم للواجا 2008 بشكل احترافي من ملاكها و طبعا اسعارها و استهلاك البنزين و قطع الغيار لو امكن
عرض للطباعة
شباب المنتدي الكرام, عايزين تقييم للواجا 2008 بشكل احترافي من ملاكها و طبعا اسعارها و استهلاك البنزين و قطع الغيار لو امكن
طبعاً يا استاذ امير من حقدر افيدك غير في حاجتين فقط لاني من ملاك الجين 2 و ليس الواجا
اولاً : سعر العربية زي الجين 2 بالظبط 89900 للاوتو و 83900 للمانيوال
ثانياً : قطع الغيار هي هي الي في الجين 2 ( موتور و عفشة ) و اكيد نفس السعر علشان نفس الموتور و العفشة و لكن ممكن تخلف في الاجزاء الخارجية الي خاصة بالشكل الخارجي ( فوانيس اكصدام )
صالون سيئ للغايه و لا يليق بالماركه اطلاقا
مش عارف يا استاذ احمد انا ركبت العربيه بصراحه استريحتلها و حبتها و حسيت بالفخامه هو ممكن تكون القديمه صالونها افخم فعلشان كده حضرتك قولت انه سىء بالمقارنه بما قبله انما انا بصراحه مشفتوش لكن عجبانى اولا موتورها بقى كامبروا نفس الموجود فى جين2 و كمالياتها كمان تعتبر قريبه و سعر يعنى زى ما الاستاذ مؤمن قال سعر واحد قطع غيار وهى عفشه و موتور اذن جين2 هى واجا لكن شكل مختلف حيث جين2 شبابيه و هاتشباك و الواجا سيدان كلاسيك عائليه تعطى انظباع الفخامه و الوقارو ان شاء الله ناوى اجيبها لأنى كنت محتار بينها و بين سيراتو او الأوبترا
والله كلامك جميل و حلو و شجعنى على انى اجبها:burnout:
شكرا يا استاذ مؤمن
فعلا كلام مظبوط و من الأخبار اللى عجبتنى و لقيتها فى موقع اخر للاستاذ ابو عبد الرحمن هذا كلام و انا هضعه هنا للأفاده
الواجا 2 أو النيو واجا
الشكل الجديد للواجا و التى قام بجلبها الوكيل عز العرب و هى الواجا نيو و مواصفاتها كالتالى:
المحرك:
كام برو نفس اللى وجود فى الجين 2 و هو 1600 سى سى 110 حصان عند 6000 لفة و ينتج عزم 148 نيوتن عند 6500 لفة وا ثنين كامة علوية و 16 صمام و هو من تصميم لوتس و إنتاج بروتون باكامل.
ناقل الحركة أتوماتيكى و من تصميم لوتس أيضا و إنتاج بروتون باربع نسب امامية و واحدة خلفية.
التابلوه نفس الشكل القديم مع تغيير شكل فتحات التكييف. و الكاسيت MP3 و راديو و 6 سماعات.
الفرش قماش زى القديم تماما و الألوان اللى جت عند الوكيل كانت البنى و البيج أو الرمادى و الأسود و السيارة بتيجى بجميع الألوان من الخارج.
شكل السيارة من الأمام مختلف و كمان فوانيس الإشارة الخلفية مختلفة و الجنوط شكلها مختلف و السيارة بها ABS و 2 وسادة هوائية و الأسعار :
90 ألف للأتوماتيك و 84 ألف للمانيوال
يا شباب انا باقول وجهة نظرى فقط و ووارد جدا اننا نختلف بس عادى اللى العربية عاجباه هايشتريها بدون ماياخد فى اعتباره رايى الشخصى
عربية جديرة بالأحترام أنا من رأى أحسن من حاجات كتير أوى فى السوق ولو حدا قال أن قطع الغيار ممكن تكون غالية ف كل العربيات الموجودة دلوقتى فى السوق قطع غيارها نار فمن الأفضل أننا نأمن على العربية ودة هيكون مريح جدا فى التعامل مع التوكيل وكمل عام وأنتم بخير:thumbsup::afro: