افيدوني افادكم الله في ال 124 و 125

**ozy2026** · 16-06-2009 05:19 AM

المشاركة الأصلية كتبت بواسطة abdelmessih67

العربية حمالة قسية بطريقة لا تتخيلوها و هي 1500 سي سي و سحبها ممتاز لكن عيبها استهلاك البنزين لا يتعدى من 140 الى 150 كيلو في الصفيحة لو سواقتك ممتازة و بتدحرج العربية قبل الاشارات و الملفات و العربية مضبوطة .

انا معاك فى كل اللى انت قلته بس على فكره العربيه معايا وبتعمل حوالى 200 فى الصفيحه على السريع
بس جوا البلد ممكن توصل ل 160

**abdelmessih67** · 16-06-2009 08:58 AM

المشاركة الأصلية كتبت بواسطة ozy2026

انا معاك فى كل اللى انت قلته بس على فكره العربيه معايا وبتعمل حوالى 200 فى الصفيحه على السريع
بس جوا البلد ممكن توصل ل 160

شكرا يا أخ أوزي على مشاركتك و صدقني انا حاولت معها المستحيل على مدار 19 عاما لتقليل استهلاك البنزين لكن أقصى رقم وصلت له جوه البلد كان 140 أو 150 كيلو في الصفيحة و في السفر ما بتعديش ال 180 .

أنا عملت عمرة موتور كاملة و عمرة دبرياج كاملة و تحسنت الامور عن أيام ماكانت بتعمل 120 في الصفيحة جوة البلد .

ربما كان العيب في الكابراتير لكني غيرت له أبواب و محور الابواب عند ورشة ابراهيم بتاع الكاربيتيرات اللي ورا سينما
شبرا بالاس اللي في شارع الترعة البولاقية في شبرا قبل ما تتهد و ربما لو كنت جبت واحد جديد كان أحسن .

**Ashraf_Ashraf** · 16-06-2009 11:52 AM

وانا مع اعجابى ب 125 شايف ان 124 لو حالتها كويسه تبقى اجمد واشد ( دا رائي)
بالنسبه لقطع الغيار الفيات كله القديم اصبح قليل خصوصا لو بتدور على شئ اصلى لكن الصينى والتركى مغرق
الدنيا والاسعار رخيصه

**EGYANGEL** · 16-06-2009 04:06 PM

المشاركة الأصلية كتبت بواسطة ash_rsi

وانا مع اعجابى ب 125 شايف ان 124 لو حالتها كويسه تبقى اجمد واشد ( دا رائي)
بالنسبه لقطع الغيار الفيات كله القديم اصبح قليل خصوصا لو بتدور على شئ اصلى لكن الصينى والتركى مغرق
الدنيا والاسعار رخيصه

انا معاك ان 24 لو كويسة تبقى برقبة 25 وارخص كمان تعملها 8000 او 8500

**ozy2026** · 17-06-2009 06:52 AM

المشاركة الأصلية كتبت بواسطة abdelmessih67

شكرا يا أخ أوزي على مشاركتك و صدقني انا حاولت معها المستحيل على مدار 19 عاما لتقليل استهلاك البنزين لكن أقصى رقم وصلت له جوه البلد كان 140 أو 150 كيلو في الصفيحة و في السفر ما بتعديش ال 180 .

أنا عملت عمرة موتور كاملة و عمرة دبرياج كاملة و تحسنت الامور عن أيام ماكانت بتعمل 120 في الصفيحة جوة البلد .

ربما كان العيب في الكابراتير لكني غيرت له أبواب و محور الابواب عند ورشة ابراهيم بتاع الكاربيتيرات اللي ورا سينما
شبرا بالاس اللي في شارع الترعة البولاقية في شبرا قبل ما تتهد و ربما لو كنت جبت واحد جديد كان أحسن .

مش عارف بس هى فعلا بتعمل الأرقام اللى قولتلك عليها دى معايا :10D5C8~1107:
انا مره رحت اسكندريه ب 18 لتر

وبعدين الأرقام اللى انا بقولك عليها دى مش صعبه بالنسبه لموتور 1500 كامه واحده
بس ايه ده يا جماعه ده طلع فى ناس كتير تعرف ال 125 وبتحبها كمان

ده انا كنت فاكر ان انا الوحيد اللى عارف قيمه العربيه دى

كويس والله الدنيا لسه بخير

ده احنا ممكن نعمل رابطه لل 125 وال 124 مع بعض

**abdelmessih67** · 17-06-2009 01:32 PM

المشاركة الأصلية كتبت بواسطة ash_rsi

وانا مع اعجابى ب 125 شايف ان 124 لو حالتها كويسه تبقى اجمد واشد ( دا رائي)
بالنسبه لقطع الغيار الفيات كله القديم اصبح قليل خصوصا لو بتدور على شئ اصلى لكن الصينى والتركى مغرق
الدنيا والاسعار رخيصه

و دي في حد ذاتها مشكلة كبيرة لل 125 لان قطع الغيار الصيني و التركي لا تعيش كثيرا مثل الايطالي , حتى البولندي
عمرها مش زي الايطالي و لهذا السبب كنت بأمشي بالعربية يوم او يومين بالاسبوع و كنت بأعمل أقصاها من 30 الى 40 كيلو في الاسبوع و ساعات أقل لو مرحناش النادي نتفسح أنا و العيال و مع هذا كنت تقريبا كل شهرين عند الميكانيكي
يعني بأروح للميكانيكي تقريبا كل 500 أو 600 كيلو .

**abdelmessih67** · 17-06-2009 01:39 PM

المشاركة الأصلية كتبت بواسطة ozy2026

بس ايه ده يا جماعه ده طلع فى ناس كتير تعرف ال 125 وبتحبها كمان :b4_007:
ده انا كنت فاكر ان انا الوحيد اللى عارف قيمه العربيه دى
كويس والله الدنيا لسه بخير
ده احنا ممكن نعمل رابطه لل 125 وال 124 مع بعض

للأسف مش هينفع أنضم ليكم يا أخ اوزي لان مع موضوع البنزين و ندرة قطع الغيار الايطالية أو البولندية الاصلية لل 125
أضطريت و قلبي يعتصر و عيني تقطر الدموع أن أبيعها من 3 أشهر و جبت تمبرا و الحقيقة جفت الدموع بسرعة لان الفارق في الركوب فظيع بين الاثنين .

بيني و بينك ال 125 خدت وقتها لكن مع التكييف و الباور و الزجاج الكهرباء و النعومة في التعليق بتحس احساس مختلف خالص عن موديلات فيات القديمة و بعدين في مشكلة كبيرة في 125 ماحستهاش غير لما غيرت للتمبرا , صاج ال 125 بتضرب فيه الباروما جامد و كل موديلات فيات القديمة كده لكن مع موديلات فيات من التسعينيات و حتى الآن فالصاج مجلفن و لا يصاب بالباروما تقريبا الا بعد 40 سنة او اكثر .

ربنا يوفق الجميع