الموضوع: تقسيمة الكاتينة؟

الأخوة الأحباب
عندي سؤال : لو تقسيمة سير الكاتينة مش مظبوطة سنة بسيطة، ده طبعاً حيأثر في استهلاك البنزين، وكمان حيأثر عن الموبينة، هل كلامي ده صحيح؟
وبالتالي العربية اللي مش مظبوط تقسيمة الكاتينة فيها، لو اتحط فيها ينزين 80، حتلاقيها شغالة حلو من غير ما تسقف،
يعني العربية عندي لما عملت سكان اتضح إنها مظبوطة على بنزين أوكتي 95، وأنا حطتلها في الفترة الأخيرة بنزين 80، وماشية زي الفل مفيش أي مشاكل، لما فكرنا في الموضوع حبتين، لقينا إن فيه ترابط بين التقسيمة الغلط لسير الكاتينة- وده لسة مجرد شك- وبين بوظان الموبينة دائماً بدون أسباب معروفة ، وبين استهلاك البنزين العالي، وبين مشي العربية على بنزين 80 بدون تأثير.
بعد ما غيرت سير الكاتينة، ابتدت كل المشاكل تظهر بداية من صوت ونة في الموتور طالع نازل، ثم بوظان الموبينة أكثر من مرة والموبينة متكملش شهرين ثلاثة بالكتير، واستهلاك البنزين العالي، وريحة الينزين الني اللي في الشكمان.
بعد ما جربت بنزين 80 اتضبطت الأمور، الريحة راحت، الاستهلاك معدله طبيعي.
محتاج حد يفكر معاي يا ترى تفكيري ده صحيح؟
ححاول بكرة أكسف على تقسيمة سير الكاتينة، وإن كان شكي في محله حتفرق كتييير.
يا ريت حد يرد علي بالذات أخونا الفاضل محمد ممدوح
آسف على الإطالة