يا جماعة انا عندي مشكلة في الشكمان مع سحب العربية بسمع صوت زي شخللة والدي سمع الصوت قالي دي علبة شكمان عايزة تتغير هل كدة صح المشكلة في علبة الشكمان ؟؟؟
و ياريت تدلوني علي حد بتاع شكمان كويس و التكلفة . شكرا
عرض للطباعة
يا جماعة انا عندي مشكلة في الشكمان مع سحب العربية بسمع صوت زي شخللة والدي سمع الصوت قالي دي علبة شكمان عايزة تتغير هل كدة صح المشكلة في علبة الشكمان ؟؟؟
و ياريت تدلوني علي حد بتاع شكمان كويس و التكلفة . شكرا
مش شرط انها تتغير .. ومش شرط ان دي اعراض علبه الشكمان
اعمل اللي با اقولك عليه
ده حل رقم 1 ( للتأكد ))
روح اي بنزينه فيها رافع العربيات .. وارفع عربيتك وادخل تحتها
هز الشكمان بإيدك جامد ... وشوف مجموعه الكاوتشات وراجع عليها اللي ماسكه الشكمان
ها تعرف بمجرد النظر
حل رقم ( 2 )
روح لبتاع شكمانات الاول .. قوله (( يكشف علي الشكمان كله )) وما تبينلهوش العيب وماتقولهوش علي حاجه
سيبه يقولك العيب فين (( عشان ما (( ياضحكش عليك )) ))
ان كان من علبه الشكمان (( سيبه وقوله ماشي ها ارجعلك تاني ))
وروح لواحد تاني (( غير العلبه بس من عنده ))
:36_3_10[1]::36_3_10[1]::36_3_10[1]:
بالتوفيق
ابو اليزيد للشكمانات ولية فروع في كل حتة
اللى بيشخلل دة غالبا علبة البيئة
متشكر جدا يا جماعة انا هحاول اوصل لابو اليزيد و هشوف لما يكشف هيقول ايه
باشا انا كان عندي نفس الموضوع بتاعك ودوخت السبع دوخات وفي الاخر طلع العلبة اللي في المنتصف وغيرتها ب 250 جنيه وكله بقى تمام .
طب دلوقتي الوضع اختلف انا روحت لبتاع شكمانات كشف علي الشكمان كله و علي العلب قالي مفيهوش الهوا الشكمان كله سليم انا هتجنن بقي الصوت ده جاي منين
هوصفلكم الصوت بالظبط هو صوت شخللة جاي من ورا ناحية السواق بيظهر علي rpm 2000 لحد 2500 و بعدين يختفي و سعات و انا بهدي يظهر علي نفس ال rpm و بيظهر علي الغيار التاني و الثالث فقط ده يبقي ايه بقيييييييييي ؟؟؟؟
باشا لو حابب تشرفنى اكشفلك على الشكمان انا تحت امرك.
انا محمد فاضل مدير مركز خدمة 6 اكتوبر ابــــو اليزيد
المكان فين ف 6 اكتوبر علشان عندى نفس المشكله
المنطقة الصناعية الثانية قطعة 117-118 خلف مصنع يونيفرسال .
باشا تليفونى موجود فى التوقيع كلمنى وانت جاى
يا جماعة بعد الكشف علي العربية عند الميكانيكي و واحد تاني بتاع شكمانات الخلاصة انها طلعت علبة البيئة و قاللي انها لسة في الاول و مالهاش اضرار و ان سعرها يوصل ل750 جنية الكلام ده صحيح ؟؟؟؟؟؟ اما مستغلي السعر جداااااا
أعتقد انه فيه حل بديل لعلبة البيئة انك بتركب ماسورة بدلها واعتقد انها بتبقى موجودة عند بتوع الشكمانات الماسورة دي تكلفتها على ما اعتقد كان 40 او 50 جنيه من فترة كبيرة .. بس برده علشان تكون عارف ان فيه ناس اشتكت من الماسورة دي وقالت انها بتسبب سخونه عند الكونسول والهاند بريك .. انما علبة البيئة الاصلية اعتقد انها غالية فعلا بس معرفش ثمنها كام دلوقتي .. و يا ريت تبقى متاكد فعلا ان العيب من علبة البيئة وحتى لو غيرتها متخليش بتاع الشكمانات ياخدها بعد التغيير لانها لو سليمة بتتباع بمبلغ معين علشان فيها فحم ثمنه غالي وهو اللي مسبب ارتفاع ثمنها وهيه جديده .. اعمل بحث في المنتدى عن موضوع الشكمان أو علبة البيئة وهتلاقي موضوع عن تغيير علبة البيئة فيه تفاصيل كثير وهتفيدك ان شاء الله .. راجع الموضوع دا وربنا يوفقك. http://www.nilemotors.net/Nile/104548-a.html
انا قريت الموضوع لقيت استاذ محمد محمود لاغي العلبة و مركب الماسورة دي بس انا عايز اطمن لو ليها اضرار بتعلي صوت العربية مثلا و لو فعلا في سخونة جامدة هضطر اركب علبة تاني ياريت حد يكون جرب الماسورة دي في النوبيرا و يقولنا النتيجة
بتعلي صوت الماتور فعلا
Sent from my Sony Xperia™ Z smartphone
مش هتحس بعلو الصوت الا لما تقرص جنب سور او عربية
او تخش شارع ضيق
بس انا انصحك تركب علبة البيئة اللى منزلها ابو اليزيد
كانت عاملة 140ج
لسه عمل القصه دى امبارح
علبة البيئه اتخبطت و الفحم الى جوا اتكسر وانا مشيت عليها كدا يجى 3000 كيلو :d لحد ما حسيت ان العربيه بتتكتم و مش راضيه تمشى
رحت فكتها وطلع الفحم بيسد العلبه فعلا و دخل على العلبه الى بعدها
رحت فاكك علبة البيئة و مركب ماسوره مخرمه و فكيت العلبه الى بعدها نضفتها من بفيا الفحم و قفلتها بعد ما ركبت جوانين جداد للعلبه
اخد 70 جنيه فى القصه دى + 10 جنيه تمن 2 جوان و صاموله
بس انصحك وهو بيخرم الماسوره تخليه يخرمها اخرام كتير يعنى 8 صفوف اخرام بلطول و الفرق كون 1 سم بين كل خرم
لان عندى عمل 4 صفوف بس و لحمها,, لكن لما فكيت العلبه التانيه لاقيت الماسوره المخرمه الى فيها عدد اخرامها كتر
و الصوت مش فارق حاجه الا لو انت مركز اووى مع العربيه ولسه مشفتش موضوع السخونه دا بس معتقدش انها بتسبب سخونه
يبقى ركب الماسورة وجرب بيها خصوصا ان سعرها ببلاش
المشكلة يارجالة ان صوت ماتور العربية النوبيرا عالى اصلاً ولما بتركب ماسورة بدل علبة البيئة بتحس بالصوت بيعلى اوى خاصة من العلبة الوسطى وتسمع صوت شحرة ورنة منها ودة طبعاً بسبب تغيير الكتالتيك بماسورة وموضوع ماسورة مخرمة تركب دة بردو بيعمل صوت لية بسبب عدم وضع صوف زجاجى يمتص الصوت.
الحل ان حضرتك تركب علبة بيئة جديدة ودى تمنها بالتركيب عند ابو اليزيد فى 6اكتوبر فقط800 جنية او تركب بديل الكتالتيك اسمة رنان وة تمنة 320 وطبعاً بتاخد عليهم ضمان.