الموضوع: فضفض ......

عايز تفضفض عن حاجة مضيأك ومش قادر تتكلم مع حد بخصوصها
تعالوا نفضفض عن صفة المشكلة ، مش المشكلة نفسها ، يمكن تخرج بنصيحة ليك ولغيرك تكون سبب في تغيرك للأحسن وتتحسب في ميزان حساناتك .
أنا هبدأ :

فضفضة(1) : الندم
يا ترى مين فينا حس بالندم على حاجات عملها بكامل قواه العقلية ؟!
وليه كمان بنعملها واحنا عارفين إننا هنندم عليها بكرة ؟!
ياه أحساس صعب قوي إن كنت عارف إن اللي هتعمله هتندم عليه !
طيب وليه أنت مستمر فيه ؟ وليه لا تسعى في إنتهاء ما بدأت فيه ؟
يا ترى بتحاول تنهيه ومش عارف أو مش قادر ؟ ولا مش بتحاول خالص !
يا ترى ندمان على وقت ضيعته كنت ممكن تنجز فيه أكتر لدينك ودنياك ؟
طب أنت عارف أنك كلما تعمقت فيه كلما كان وقع الندم أقوى ؟! وكلما تأخرت كلما تألمت أكتر؟؟ وخسرت أمور أكتر وأكتر!!
أعتقد أن اللي بوصفه هو حقيقة يشعر بها كتير مننا لما يكون شيطانه مسيطر علي أفكاره وعلى قراراته
الندم .............. حاجة موجودة في حياتنا ولكن مش عايزين نعترف به لما نكون مش عايزين نغير أسبابه
طيب تيجي نطلع بنصيحة : هو أن لا ندع الشيطان يتحكم فينا فنتصرف تصرفات غبية ,, جارحة ,, قاسية ,, أو نرتكب معاصي أو نخسر فيها من حولنا ,,, ثم نعود لـ نندم!!
فـ قد لا تعود المياه لـ مجاريها بعد الندم ,, وقد نخسر أمور كثيرة بعدها نحن في غنى عنها!!

يارب لا تجعل ما نندم عليه في حياتنا ,, هو تقصيرينا تجاهك

فضفضة(3) : القسوة

صعب أوي إن قلبك يتملى قسوة وتختفى منه المشاعر
وصعب كمان احساسك بالقسوة وبالاخص من اقرب الناس ليك
احساس القهر والضعف والمهانه نتيجة قسوة قلب
والقسوة تولد الكراهيه...والاصعب احساسك بالقسوة وبداخلك قلب يرفض انيكره
اااااااااااااااه ياربي ليه خلقت القسوة فى قلوب الناس
كنت دائما بسمع : ان فيه حد قست عليه الدنيا
لكن الدنيا ملهاش اى ذنب ... إحنا البشر اساس القسوة
من الصعب انك تحاول ان تلغي القسوة من قلب تملكته القسوة
تبكى له تدعوه ان يحن ... ان يشعر بألامك وعذابك
ويطالبك ان تتحمل قسوته.... ولكن انانيته تملئه ليمتلكك ويتمتع بدمارك وبمذاق قسوته عليك
والاصعب رضاك بقسوته بحب
اتمنى ان تتمتلكنى القسوة لأخذ...القرار.... ما اصعبه من قرار...
قرار بتر القلب والحس والمشاعر وإلغاء الحب والحنان
اتمنى قلب موته القسوة
لاكون الاقوى