عرض للطباعة
السلام عليكم ورحمة الله وبركاته
انا كنت عاوز اعرف ازاى اروح ميدان العباسيه من الدائرى منيب
فى ناس بتقولى اطلع الدائرى وانزل نزلة الاوتوستراد
ياريت حد بس يعرفنى فين نزلة الاوتوستراد بالظبط؟؟؟
انا عارف نزلة المعادى وبعدها نزلة المعادى اوتوستراد .. هى دى ولا ايه؟؟؟؟
ولو فى طريق تانى اقرب ياريت تقولولى عليه على العلم انى من الهرم
ياريت الرد يكون بسرعه علشان رايح بكره ان شاء الله
والف شكر مقدما لكل اعضاء نايل موتورز
بعد نزلة المعادى و المعادى اوتوستراد اول ما تدى فوق الاوتوستراد هتلاقى نزله بتلف بيك و تنزل اوتوستراد اتجاه مدينة نصر .... بس انا عندى حل اسهل .... هتكمل دائرى و تعدى كارفور و تنزل نزلة القطاميه و تلف يوترن و ترجع تخش شمال مع الميدان و تعدى النفق تحت الائرى و تطلع تلاقى ميدان تخش شمال و تكمل طوالى (محور الشهيد) هتوصل الاوتوستراد عند قاعة المؤتمرات هتخش اجبارى يمين تاخد يوترن و ترجع تفوت اول يمين (اللى على ناصيته قاعة المؤتمرات). تكمل تخش يمين اللى بعده تحت كوبرى اكتوبر و تكمل طوالى هتعدى صلاح سالم (فى اشاره) و تخش على العباسيه ( فى كوبرى بعد الاشاره .... الميدان متطلعش الكوبرى و خليك من جنبه)