هل فى فرق بين سماعات الكاسيت العادى او الكمبيوتر وبين سماعات العربيه ؟
السلام عليكم
انا يا جماعه عربيتى جيب شيروكى 93 وتقريبا السماعتين اللى فى قدام هما اللى شغالين وصوتهم وحش وفيه خروشه وكمان واحده باظت وبقيت شغال على واحده بس صوتها وحش اوى
كان فى سماعتين فى باب الشنطه ورا بس اتسرقوا
دلوقتى احنا كان عندنا فى البيت سماعته حلوه اوى وانا فكرت انى افك السماعه نفسها وقصيت السلك وروحت العربيه لحمته فى السلك اللى رايح عالسماعه بس مجابتش صوت خلاص ؟
هل معنى كده ان سماعة كاسيت البيت متشتغتش عالعربيه وعايزه فولت عالى مثلا ؟ ولا المفروض ان مفيش فرق واى سماعه تشتغل فى اى حته ؟!
انا خايف يكون فى مشكله فى السلك اللى بيوصل السماعه بالكاسيت !!!
سؤال اخير لو عايز اشترى سماعتين جديد محترمين فى حدود 200 -250 جنيه ايه افضل نوع اجيبه ؟