عرض للطباعة
السلام عليكم
بقالي اسبوع تقريباً بلاحظ النت بالليل بيبقى بطىء
والنهارده من الصبح النت اقل كلمه تتقال عنه " زفت "
ولاحظت ناس على الفيس بوك ومواقع شبكات بتشتكي بردو
والشركه مش عايزه تعترف ان فيها مشكله .. وتقول كل حاجه طبيعيه
مع العلم ان النهارده تليفوناتهم مشغوله ومن شدة الضغط عليها تديك غير موجود بالخدمه
يعني في اتصالات عليهم كتير بشكل غير طبيعي النهارده
انا بتكلم على te data .. لينك معروفه ضايعه على طول
ايوه عندى نفس المشاكل وعند واحد صاحبى برده
معنديش مشكله ملحوظه انا te data
شايفه عادي انهاردة
أه بقاله كام يوم تقيل فعلاً بس مش وحش للدرجة يعني..
فيه مشاكل عن بعض المشتركين في te data
انا مشترك مع فودافون من 5 سنين
النت مقطعش ولا مره غير ساعة الثورة فقط
استاذ ديريامو
يؤسفني ان ابلغك ان خدمه الانترنت في مصر "زي الزفت" علي حد تعبيرك طوال الوقت
و اوقات المظاهرات و الاعتصامات
الحكومه بتقلل من سرعه النت حتي يصعب علي الناس متابعه الاخبار
و لا ننسي قطع الكابل البحري منذ عده شهور
و علي ما اعتقد ان الحكومه تناست تصليحه
تحياتي
ايوه انا برده ملاحظ ان النت تقيل بقالو كام يوم والناس اللى مشتركين معايا اشتكوا لكن نعمل ايه ما باليد حيله
انا كمان بس link
من الواضح أن طول ساعات حظر التجول و طول ساعات الفراغ لدى الغالبية من الناس تدفعهم لتمضية الوقت فى إستخدام الإنترنت و بالتالى يزداد الضغط على الخدمة - ربما تلاحظ أن الإنترنت يكون فى أحسن حالاته بعد الساعة الثالثة صباحا حيث يقل الطلب على الخدمة
هو فيه مشكله فعلا
بس مشكله جامدة اوى ويا رب يخليها دايما
المشكلة بقي المفروض انى ادفع الاشتراك من يوم 18 وهم ادولى مهله لغايه يوم 20 بس سبحان الله شكلهم نسيو ولسه النت شغاااال ا رب ديمها نعمة
انا مشترك te data
و فعلا النت سرعته بطئ الايام دى و بقلها اسبوع او اتنين على هذا المنوال
انا فى القاهره
لكن يوم الخميس اللى فات النت و موبيل فودافون اتقطع تماما عن كل مدن الصعيد من الساعه 3 او 4 العصر و النت رجع عندهم الساعه 11 باليل لكن فودافون معرفشى رجعت امتى
انا اشتكيت كذا مره ف لينك عن حكايه السرعه
اخر حاجه وصلتلها انها مشكله في بعض السنترالات زي عندي سنترال الجيزه
و ادوني تعويض كل شهر 10 ايام لحد ما تتحل المشكله
الي عنده مشكله بطء النت يروح يعمل شكوى في الدعم الفني و هم المفروض يتصرفو
فى برنامج عشان اعرف منه النت بطيئ قد ايه و لا العملية تقديرية ؟
زفت تي داتا
يمكنك الدخول على موقع Speedtest.net by Ookla - The Global Broadband Speed Test و تقوم بالتسجيل فيه مجانااقتباس:
المشاركة الأصلية كتبت بواسطة matrix_it
و تقوم باختيار السيرفر الذى تقوم بعمل الإختبار معه
سوف يظهر لك خريطة العالم موزعة عليها السيرفرات فى كل الدول
‘ختار منها ما شئت فيقوم الموقع بعمل إختبار لل ping
download
upload
و يعطيك ملخص بالنتائج
عن تجربة شخصية أقوم باختيار سيرفر فى أوكلاند بنيوزيلاند على إعتبار أنها مسافة بعيدة عن القاهرة بقدر كافى ( أكثر من10000 كيلو متر )
و لكى يكون الإختبار واقعى قم بعمله فى عدم وجود أى برنامج آخر فى حالة تشغيل على الحاسب الخاص بك
الموقع دا ممتازاقتباس:
المشاركة الأصلية كتبت بواسطة homme49
ألنت عندى بقاله 10 ايام كل يوم يقطع له ساعتين تلاته
كلمت خدمه العملاء قالو لى اخر حل غير الراوتر ! tedata
شكراً لتفاعلكم مع الموضوع
انا امبارح كله ضاع على اتصالاتي بيهم .. وحققت اعلى عدد مرات عمل ريستارت للراوتر
وكان من ضمن كلامهم ..
غير المتصفح .. حاضر عندي اكتر من متصفح اهو
ااه - طيب غير الجهاز .. " عيني " عندي لاب توب اهو نجرب عليه مفيش مشاكل
اممم .. طيب جرب ال dns ده وده وده .. على الرحب والسعه نجرب
لسه المشكله موجوده ؟ .. اه موجوده وربنا
طب غير الراوتر .. دة ايه الجمال والطعامه دي .. ما اغير البلد كلها احسن واكيد وقتها المشكله هتنحل
مع العلم اني بستخدم النت من ايام ما كان بمنفله " ديل اب واشتراك وكروت والجو ده "
واستخدمت خطوط الربط وراوترات ال xdsl .
واتعاملت مع كل الشركات اللي في مصر اللي بتقدم نت
رصيف النت اخد مني راقات يعني .. واشتغلت فتره في الشبكات والصيانه هاردوير وسوفت وير
وكنت بصلح بالافوميتر وكاوية اللحام والهوت اير
انا مش مجرد يوزر للكمبيوتر والنت .. دة شغلي الشاغل وحياتي واكل عيشي
ولما اتصل بالشركه علشان مشكله .. دة معناه ان المشكله برا بيتي مليون في الميه .. ولي صولات وجولات مع الشركات دي .. وديماً بطلع انا الصح وتوقعي في محله
المهم .. الدعم الفني امبارح كان كل اللي على لسانه " احنا معندناش مشكله .. وخطك مفهوش مشكله .. والسنترال زي الفل "
كانت دماغي صدعت وضغطي علي منهم لأني اتعصبت اوي في اخر مكالمه .. وقولت انا هنام واصحى الاقي الدنيا تمام
وفعلاً .. الدنيا النهارده اخر تمام .. ومفيش ادنى مشكله
وده بيثبتلي كالعاده .. ان كان عندهم مشكله امبارح .. وماقلوش عليها .. وممكن اوي موظفين الدعم اللي بيردوا عالتليفون .. ميعرفوش ان في مشكله وفاهمين ان الدنيا تمام عندهم
اخر مره اتقطع فيها الكبل البحري .. اتقطع وانا قاعد عالنت الفجر .. ولقيت السرعه بطيئه بشكل غير عادي
اتنين ميجا السرعه بحمل بريت 5 كيلو
كلمت الدعم .. قالي حضرتك عارف ان الدي اس ال شيرنج .. ولك لوك لوك الخ الخ .. الكلمتين اياهم
وان كده سرعتك طبيعيه
شكرته جداً جداً .. واديته التحيه اللي تليق بيه .. وطلبت اكلم التيم ليدر
والتيم ليدر اتصل بيه بعدها .. وقالي ان الكابل البحري مقطوع
ربنا يرحمنا من شركات النت دي يارب
بالليل بيبقى بطيء عشان الحظر لأن كل الناس بتتسلى على النت سواء على الكمبيوتر والموبايل. ومن يومين فودافون كانت قاطعه داتا حوالي 4 ساعات من بعد المغرب كده لوجود عطل.
بتوع الدعم الفنى دول اساسا تحس انهم مش فاهمين حاجه اساسا الخطوات اللى بيقولهالك(اعمل ريستار للراوتر ,اكشف على السلك, غير المتصفح ...... الخ) اى عيل صغير يعملها انا مش باتصل بيكوا علشان تقولولى الحاجات الهبله دى
غباوه!!!!!!!
زى انا مشترك فى عرض ال6 شهور خصم 25%لما كنت بستعلم عن العرص فى التليفون قالولى انى ممكن ادفع فى اى مكان بيفور خدمه فورى المهم لما روحت اتعاقد قاللى لازم تيجى كل شهر خلال فتره العرض تدفع فى الفرع انا مش فاهم ايه الفكره فى كدا ليه يمشورنى كل شهر لحد شبرا علشان ادفع اشتراك يعنى ممكن اضيع ساعه ونص علشان اروح ادفع اشتراك نت
جم فى الاحداث الاخيره وعملوا اعلان على موقعهم انهم نظرا للظروف اللى بتمر بيها البلد مش لازم تيجى لحد لافرع ممكن تدفع فى اى مكان بيفر خدمه دفع اشتراك النت قولت مصلحه انزل ادفع الراجل قوللى فيه رساله بتقول انك لازم تروح تدفع فى الفرع :Copy of majd(4):
كلام مش منطقي خالص. ماهو الراوتر يا اما شغال يا اما مش شغال. مش معقول بيعطل ساعتين تلاته في اليوم و بعدين بيصلح نفسه.اقتباس:
المشاركة الأصلية كتبت بواسطة blazer
download speed : 0.35mb
upload speed : 0.08
انا مشترك على سرعة 512 mb
كدة بطيئ ؟؟؟
حدثت مشكلة مشابهة معى و لاحظت أن المشكلة من الإسبليتر و قمت بتجربة مؤقته للتيقن من أن الإسبليتر هو المشكلةاقتباس:
المشاركة الأصلية كتبت بواسطة ahmed_adham
و ذلك بأن تقوم فى لحظة إنقطاع النت من الراوتر أن تتصل بأى رقم تليفون أرضى من تليفونك و يستحسن أن تتصل برقم تعلم مقدما أنه لن يرفع الساعة طرفه و راقب الراوتر إذا لاحظت أن خط الدى إس إل قد عاد للعمل فتأكد أن المشكلة فى الإسبليتر فقم بتغييره من تى داتا مقابل خمسة عشر جنيها
كما يمكنك أن تقوم بالإتصال من تليفونك المحمول بالتليفون الأرضى طرفك المستخدم فى الدى إس إل و طبعا لا ترفع السماعة إتركه يرن فترة حتى تصل الإشارة للراوتر و يعمل الدى إس إل
بذلك تتأكد أن المشكلة فى الإسبليتر
من العوامل المهمة فى الحصول على إشارة نقية هو أسلاك الإتصال
السلك الخارجى الواصل لك من كابينة الشارع ( و فى ذلك ستحتاج للتعامل مع فنى من السنترال التابع له)
السلك الداخلى فى المنزل الواصل للإسبليتر و هو غالبا صينى الصنع بدله بأخر من راديو شاك و لو كان صينى أيضا و لكنه سوف يكون بجوده أعلى
السلك الثالث الواصل من الإسبليتر للراوتر بدله أيضا ينوع جيد
ربما تنجح معك تلك المحاولات فى علاج المشكلة كما يحدث معى كل سنة تقريبا حيث أن نوعية تلك الوصلات غير معمرة
الاسبليتر فعلاً بيسبب مشكله " النت بيفصل كل شويه .. وتلاقي لمبة ال dsl بتطفي وتنور "
وكفائة الكبل من البوكس الى الراوتر بتأثر على كفائة الخط ( في الحقيقه تأثير ضعيف ولا يلاحظ ان كانت الشركه والسنترال والراوتر جيد )
وممكن اوي النت يفصل ولمبة الراوتر تطفي وتنور .. بسبب السنترال او الشركه نفسها .. " او بسبب هاكينج على سيرفرات الشركه " ( نادراً يحصل ولكنه حدث عدة مرات )
على فكره انا معنديش سبليتر .. خط تليفون مخصوص للنت وبس .. وبالصدفه لسه مغير السلك من البوكس لعندي من شهرين لأنه اتقطع
وحالة الخط ممتازه جداً وتتحمل سرعات عاليه
خلاصة الكلام .. الشركة بتتعامل مع اللي بيتصل بيهم على انه مش فاهم .. او ان النت دة اختراع مكوكي وفوق استيعاب العميل .. وهما اللي فاهمين كل حاجه
خلاص .. اللي مش فاهم فهم من زمان ان الاسبليتر ممكن يخلي النت يفصل .. وان ال dsl شيرنج ولازم خط تليفون نحاس .. الخ الخ
العيل ال 7 سنين النهارده بينزل نسخة ويندوز لوحده ويسطب برامج كمان ( صحيح بيعك الدنيا .. بس حلو على اد سنه )
عايز اضيف .. ان الموظف اللي بيرد عليك في التليفون .. مرتبه حوالي 1300 جنيه .. " صراحه مش مغطيه حق الكدب اللي بيكدبوه وحق برشام الصداع اللي هيجلهم من كتر الكدب عالناس "