بص يا باشا.
أنا جبت الـ nexus 7 الجديد وهو رائع وامكانياته هايلة. شاشته لوحدها حكاية. دقة الشاشة أو الـ pixel density عالية جداً وبتخلي الشاشة مريحة في القراءة ومجرد النظر لها يبهجك.
في ناس كتير اشتكت من مشاكل في الـ nexus 7 خصوصاً مشاكل في الـ touchscreen.
ده عيب في بعض الأجهزة مش في كلها بس المشكلة دي كبيرة ولازم تجرب الشاشة أول ما تيجبه ببرنامج بيختبر التتش بتاع الشاشة.
مشكلتي اني لقيت deal pixel في الشاشة بعد استخدامه بإسبوع. ملحظتهاش قبل كده ومخدتش بالي غير من يومين. هي في مكان غير مؤثر وغير واضح والـ pixel أساساً صغير جداً. بس الواحد لما بياخد بالو من عيب مابيشلهوش من دماغة. وفي مشكلة تانيه انه فجأة بقت البطارية بتفضى بشكل سريع جداً على عكس ما كان أول اسبوع.
ماتخليش المشاكل دي تخوفك لأنه في النهاية تابلت مواصفاته رائعة وسعره خرافي ويعتبر سعره مُدعم من جوجل.
بالنسبة للإختيار ما بين تابلت وسمارت فون، أنت واحتياجاتك وظروفك ودماغك.
لو معاك موبايل سمارت قديم وشغال معاك التابلت هيغنيك عن سمارت فون جديد وقوي.
لو بتتحرك كتير وعايز حاجة صغيرة وماينفعش تشيل تابلت لأنه كبير يبقى السمارت فون اختيار افضل.
الـ nexus 7 تابلت هايل بس مكانه في البيت لأنه مفهوش data وبالتالي استخداماته محدودة برة البيت أو المكتب.
وعلى العموم أفضل تستنى الـ nexus 5 اللي غالباً هينزل في أكتوبر إن شاء الله.
المفضلات